பொழுதுபோக்கு

Bigg Boss Tamil Season 9 Launch Highlights: இயக்குனர் பிரவின் காந்தி, விஜே பார்வதி, வாட்டர் மெலன் ஸ்டார், கானா வினோத் பங்கேற்பு

Bigg Boss Tamil 9 Launch Updates Today: பிக்பாஸ் நிகழ்ச்சியின் 9-வது சீசன் இன்று தொடங்க உள்ள நிலையில், இது குறித்த அப்டேட்களை தெரிந்துகொள்ள இந்த பதிவில் இணைந்திருங்கள்.

Written byWebDesk

Bigg Boss Tamil 9 Launch Updates Today: பிக்பாஸ் நிகழ்ச்சியின் 9-வது சீசன் இன்று தொடங்க உள்ள நிலையில், இது குறித்த அப்டேட்களை தெரிந்துகொள்ள இந்த பதிவில் இணைந்திருங்கள்.

author-image
WebDesk
புதுப்பிக்கப்பட்டது
New Update
bb stars 2

Bigg Boss Tamil Season 9 Launch Updates Today: விஜய் டிவியின் ரியாலிட்டி ஷோக்களில் பிக்பாஸ் நிகழ்ச்சிக்கு ரசிகர்கள் மத்தியில் நல்ல வரவேற்பு கிடைத்து வருகிறது. கடந்த 2017-ம் ஆண்டு தொடங்கிய இந்நிகழ்ச்சியை நடிகர் கமல்ஹாசன் தொகுத்து வழங்கிய நிலையில், 8-வது சீசனில் அவர் விலகியதால், அவருக்கு பதிலாக நடிகர் விஜய் சேதுபதி தொகுப்பாளராக களமிறங்கினார். 8-வது சீசன் வெற்றிகரகமாக முடிந்த நிலையில், 9-வது சீசன் இன்று தொடங்கி உள்ளது.

Advertisment

இந்த செய்தியை ஆங்கிலத்தில் படிக்க

எவ்வித வெளியுலக தொடர்பும் இல்லாமல், 100 நாட்கள் ஒரு வீட்டில் தங்கி அங்கு கொடுக்கப்படும் டாஸ்க்கை சரியாக செய்து, தங்களின் உண்மையான கேரக்டரை வெளிப்படுத்தும் ஒரு நிகழ்ச்சியாக பார்க்கப்படும் பிக்பாஸ் நிகழ்ச்சியில், சண்டை, காதல், கண்ணீர், வருத்தம், கொண்டாட்டம், என அனைத்தும் கலந்த கமர்ஷியல் நிகழ்ச்சியாக இருக்கும். குறிப்பாக இதில் போட்டியாளர்களுக்கு இடையே ஏற்படும் மோதல் ரசிகர்கள் மத்தியில், ஆர்வத்தை தூண்டும் வகையில் இருக்கும்.

இந்த பிக்பாஸ் நிகழ்ச்சியின் மூலம், பல பிரபலங்கள் சினிமா மற்றும் சின்னத்திரையில், தற்போது தங்கள் திறமையை வெளிப்படுத்தி வருகின்றனர். அந்த வகையில் இன்று (அக்.5) தொடங்கி உள்ள பிக்பாஸ் நிகழ்ச்சியின் 9-வது சீசன் பெரிய எதிர்பார்ப்பை ஏற்படுத்தி உள்ளது.

  • Oct 05, 2025 22:41 IST

    14வது போட்டியாளராக அப்சரா சிஜே அறிமுகம்

    கன்னியாகுமரியைச் சேர்ந்த அப்சரா சிஜே, விஜய் விடியின் பிக் பாஸ் சீசன் 9 நிகழ்ச்சியில் 14வது போட்டியாளராக அறிமுகம் செய்யப்பட்டுள்ளார்.



  • Oct 05, 2025 21:46 IST

    13-வது போட்டியாளராக வியனா அறிமுகம்

    விஜய் விடியின் பிக் பாஸ் சீசன் 9 நிகழ்ச்சியில் 13வது போட்டியாளராக வியனா அறிமுகம் செய்யப்பட்டுள்ளார். 



    • Advertisment
    Advertisements
  • Oct 05, 2025 21:12 IST

    12வது போட்டியாளராக பாடகர் வினோத் குமார் அறிமுகம்

    நடிகர் விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியின் 12வது போட்டியாளராக, பாடகர் வினோத் குமார் களமிறங்கினார்.



  • Oct 05, 2025 20:57 IST

    சீசன் 9-ன் 11-வது போட்டியாளராக ரம்யா ஜோ பங்கேற்பு

    நடிகர் விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியின் 11வது போட்டியாளராக, நடனக் கலைஞர் ரம்யா ஜூ (Ramya Joo) களமிறங்கினார். தனது நடனத் துறையில் தான் எதிர்கொண்ட சவால்கள் மற்றும் தனது வாழ்க்கையில் தற்போதுள்ள போராட்டங்கள் குறித்து அவர் மேடையில் வெளிப்படையாகப் பேசினார். கண்ணீருடன் பேசிய ரம்யா, "எனது வாழ்க்கையில் எனக்கு ஒரு குடும்பம் இருந்தது இல்லை. பிக் பாஸ் மூலம் 10 அல்லது 12 பேருடன் ஒரு குடும்பமாக இருக்க வேண்டும் என்பதுதான் எனது இலக்கு. இந்த விளையாட்டிற்கு நான் எனது அதிகபட்ச முயற்சியைக் கொடுப்பேன், ஏனென்றால் இது எனது சகோதரிகளுக்கு நான் செலுத்தும் மரியாதை," என்று கூறினார். கலங்கிய கண்களுடன் ரம்யா, தனக்கான பேட்ஜ் நிறமாக நீலத்தை (Blue) தேர்வு செய்து வீட்டிற்குள் சென்றார்.



  • Oct 05, 2025 20:34 IST

    10வது போட்டியாளராக ஆதிரை சௌந்தரராஜன் அறிமுகம்

    நடிகர் விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியின் 10வது போட்டியாளராக நடிகை ஆதிரை சௌந்தரராஜன் களமிறங்கினார். இவர் விஜய்யின் பிகில் படத்தில் பெண்கள் கால்பந்து பிரிவில் போட்டியாளர்களில் ஒருவராக நடித்துள்ளார்.



  • Oct 05, 2025 20:33 IST

    சீசன் 9-ன் 9-வது போட்டியாளராக கெமி பங்கேற்பு

    விஜய் சேதுபதி தொகுத்து வழங்கும் பிக்பாஸ் தமிழ் சீசன் 9 நிகழ்ச்சியின் 9-வது போட்டியாளராக நடிகை கெமி பங்கேற்றுள்ளார். இவர் முன்னாள் இந்தியக் கூடைப்பந்து வீராங்கனை ஆவார். அணி நிர்வாகத்தில் இருந்த அரசியல் காரணங்களால் இவர் தனது கூடைப்பந்து வாழ்க்கையைத் தொடர முடியாமல் போனதாக அவர் கூறினார். நான் கடினமான குழந்தை பருவத்தை கடந்து வந்த ஒரு நேர்மறையான நபர். கூடைப்பந்துதான் எனது வாழ்க்கையைக் காப்பாற்றியது. பல முக்கியமான நிகழ்வுகளிலும், தேசிய அளவிலும் நான் விளையாடியுள்ளேன் என்று  கெமி பகிர்ந்து கொண்டார். கெமி தனக்கான பேட்ஜ் நிறமாக சிவப்பை (Red) தேர்வு செய்தார்.



  • Oct 05, 2025 20:12 IST

    8-வது போட்டியாளராக இயக்குநர் பிரவீன் காந்தி பங்கேற்பு

    விஜய் சேதுபதி தொகுத்து வழங்கும் பிக்பாஸ் தமிழ் சீசன் 9 நிகழ்ச்சியின் 8-வது போட்டியாளராக இயக்குநர் பிரவீன் காந்தி களமிறங்கினார். நாகர்ஜூனாவின் ரட்சகன், பிரசாந்தின் ஜோடி, ஸ்டார் போன்ற பிரபல தமிழ் படங்களை இவர் இயக்கி உள்ளார்.



  • Oct 05, 2025 19:53 IST

    சீசன் 9-ன் 7-வது போட்டியாளராக நடிகர் சபரி பங்கேற்பு

    விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியின் 7-வது போட்டியாளராக நடிகர் சபரி களமிறங்கினார். இவர் தொலைக்காட்சித் தொடர்களில் துணைக் கதாபாத்திரங்களில் (Supporting Roles) நடித்தவர். ஊடகத் துறையில் ஒரு தொழிலைத் தொடர, நான் என்னுடைய ஐ.டி. வேலையை (IT Job) விட்டு விலகினேன் என்று சபரி தெரிவித்தார். தொலைக்காட்சிப் பணிகள் இதுவரை எனக்குக் கொடுக்காத வெளிப்பாட்டை (Exposure) பிக் பாஸ் கொடுக்கும் என்று நான் நினைக்கிறேன். இந்த நிகழ்ச்சி மூலம், நான் இறுதியாக உங்கள் குடும்பத்தின் ஒரு அங்கமாக மாற முடியும்," என்று சபரி நம்பிக்கை தெரிவித்தார்.



  • Oct 05, 2025 19:50 IST

    பிக் பாஸ் தமிழ் சீசன் 9-ன் பிரத்யேக ஹோம் வீடியோ வைரல்

    Credits: Vijay Television

     



  • Oct 05, 2025 19:35 IST

    பிக்பாஸ் சீசன் 9-ல் சமையல் நிகழ்ச்சியில் கலக்கிய கனி

    சமையல் நிகழ்ச்சியில் கலக்கிய கனி திரு விஜய் சேதுபதி தொகுத்து வழங்கும் பிக் பாஸ் தமிழ் சீசன் 9-இன் 6-வது போட்டியாளராக கனி திரு அறிமுகமானார். 'குக் வித் கோமாளி' போன்ற சமையல் நிகழ்ச்சியில் பங்கேற்று பிரபலமான இவர், 'பாரசூட்' என்ற இணையத் தொடரில் (Web Series) நடித்ததன் மூலம் அறியப்பட்டவர். மேலும், அவர் நடிகர் விஜய் ஆண்டனியுடன் இணைந்து 'வள்ளி மயில்' திரைப்படத்திலும் நடித்துள்ளார்.



  • Oct 05, 2025 19:20 IST

    சீசன் 9-ன் 5-வது போட்டியாளாராக துஷார் ஜெயபிரகாஷ்

    பிக்பாஸ் தமிழ் சீசன் 9-ன் 5வது போட்டியாளராக இன்ஸ்டாகிராம் பிரபலமும் மாடலுமான துஷார் ஜெயபிரகாஷ் பங்கேற்றுள்ளார். மேடையில் பேசிய துஷார், நடிகர் சிலம்பரசனின் 'சிலம்பாட்டம்' திரைப்படம்தான் தன்னைக் கவர்ந்து சினிமா மீது ஆர்வம் வரக் காரணம் என்று பகிர்ந்து கொண்டார். இதைக் கேட்ட விஜய் சேதுபதி, "என் மகனும்கூட எஸ்.டி.ஆர். ரசிகர்தான். இப்போது நீங்களும்கூட என்னிடம் எஸ்.டி.ஆர். வசனங்களை பேசுகிறீர்கள்!" என்று வேடிக்கையாகக் கூறினார். துஷார் தனக்கான பேட்ஜ் நிறமாக நீலத்தை (Blue) தேர்வு செய்தார்.



  • Oct 05, 2025 19:08 IST

    சமூகம் பேச தயங்கிய கேள்விகளை கேட்டேன்-பார்வதி

    பிக் பாஸ் தமிழ் சீசன் 9 நிகழ்ச்சியின் 4-வது போட்டியாளராக வி.ஜே. பார்வதி களமிறங்கினார். இவரும் சிவப்பு (Red) நிற பேட்ஜைத் தேர்வு செய்தார். தனது அறிமுகக் காணொளியில் பேசிய வி.ஜே. பார்வதி, "சமூகம் பேசத் தயங்கிய கேள்விகளை நான் எனது நிகழ்ச்சிகளில் கேட்கத் தொடங்கினேன். என்னுடைய காணொளிகள் மூலம் என்னைத் தவறாகப் புரிந்துகொண்டவர்கள், பிக் பாஸ் வீட்டில் நான் இருக்கும் இந்த நேரத்தைப் பார்த்து என்னைப் பற்றி மாறாக நினைக்க வேண்டும் என்று நான் விரும்புகிறேன்," என்று வெளிப்படையாகத் தெரிவித்தார். பார்வதி சிவப்பு பேட்ஜைத் தேர்வு செய்தபோது, விஜய் சேதுபதி அவரிடம், "உங்க காணொளியில் நீங்கள் பெரியார் மற்றும் அம்பேத்கரைப் படித்ததைப் பார்த்ததும், நீங்கள் சிவப்பு நிறத்தைத் தான் தேர்வு செய்வீர்கள் என்று எனக்குத் தெரியும்," என்று குறிப்பிட்டார்.



  • Oct 05, 2025 19:01 IST

    பிக்பாஸ் சீசன் 9-ன் 4வது போட்டியாளராக வி.ஜே. பார்வதி

    பிக்பாஸ் தமிழ் சீசன் 9-ன் 4வது போட்டியாளராக வி.ஜே. பார்வதி பங்கேற்றுள்ளார். முதல் போட்டியாளராக இன்ஸ்டா பிரபலம் வாட்டர் மெலன் ஸ்டார் திவார், 2வது போட்டியாளராக நடிகையும் இன்ஸ்டா கண்டெண்ட் கிரியேட்டருமான (Content Creator) அரோரா சின்க்ளேர் (Aurora Sinclair), 3-வது போட்டியாளராக எஃப்.ஜே. என்கிற அதிசயம் (FJ alias Adisayam) பங்கேற்றுள்ளனர்.



  • Oct 05, 2025 18:57 IST

    பிக்பாஸ் தமிழ் சீசன் 9: மூன்றாவது போட்டியாளராக எஃப்.ஜே

    பிக் பாஸ் தமிழ் சீசன் 9 நிகழ்ச்சியின் மூன்றாவது போட்டியாளராக எஃப்.ஜே. என்கிற அதிசயம் (FJ alias Adisayam) களமிறங்கியுள்ளார். மேடையில் பேசிய அவர், "நான் எவ்வளவு முடியுமோ அவ்வளவு ஒரு வெளிப்படையானவன் (Extrovert). ஹிப்ஹாப் தமிழா எப்போதும் எனக்கு ஒரு உத்வேகமாக இருந்துள்ளார். எனக்கு முன் இருந்த போட்டியாளர்கள் ஒருவருக்கொருவர் சண்டை போடுவதைப் பார்த்திருக்கிறேன். ஆனால், நான் இந்த வீட்டிற்குள் பீட் பாக்ஸிங் (Beat Boxing) மூலம் எனக்கே உரிய பாணியில் முயற்சி செய்யப் போகிறேன்," என்று நம்பிக்கையுடன் தெரிவித்தார்.



  • Oct 05, 2025 18:49 IST

    பிக்பாஸ் சீசன் 9-க்கு ஏன் வந்தேன்?-திவாகர் விளக்கம்

    விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியின் முதல் போட்டியாளரான "வாட்டர்மெலன் ஸ்டார்" டாக்டர் திவாகர், தான் இந்த வீட்டிற்குள் வந்ததற்கான காரணத்தைப் பகிர்ந்துகொண்டார். தனது அறிமுக காணொளியில் உற்சாகமாகப் பேசிய திவாகர், "எனது நடிப்புத் துறையில் இன்னும் உயர்ந்த நிலையை அடையவும், இந்த நிகழ்ச்சியில் எனக்குக் கிடைக்கும் ஈடுபாட்டின் மூலம் எனது பிசியோதெரபி (Physiotherapy) இலட்சியங்களை முன்னேற்றவும் நான் பிக் பாஸ் வீட்டிற்கு வந்துள்ளேன்," என்று தெரிவித்தார்.



  • Oct 05, 2025 18:48 IST

    பிக்பாஸ் சீசன் 9 இல்லத்தில் அரோரா சின்க்ளேர் - வீடியோ

    பிக் பாஸ் தமிழ் சீசன் 9-ன் முதல் போட்டியாளராக இன்ஸ்டா பிரபலம் வாட்டர் மெலன் ஸ்டார் திவார், 2வது போட்டியாளராக, நடிகையும் இன்ஸ்டா கண்டெண்ட் கிரியேட்டருமான (Content Creator) அரோரா சின்க்ளேர் (Aurora Sinclair) களமிறங்கி உள்ளார்.

    Credits: Vijay Television



  • Oct 05, 2025 18:47 IST

    முதல் போட்டியாளராக "வாட்டர்மெலன் ஸ்டார்" திவாகர்

    நடிகர் விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியின் முதல் போட்டியாளராக, சமூக ஊடகங்களில் பிரபலமான "வாட்டர்மெலன் ஸ்டார்" திவாகர் களமிறங்கியுள்ளார்.

    Credits: Vijay Television



  • Oct 05, 2025 18:36 IST

    பிக்பாஸ் தமிழ் சீசன் 9-ல் 2-வது போட்டியாளாராக அரோரா

    பிக் பாஸ் தமிழ் சீசன் 9-ன் முதல் போட்டியாளராக இன்ஸ்டா பிரபலம் வாட்டர் மெலன் ஸ்டார் திவார் பங்கேற்று உள்ள நிலையில், சீசன் 9-இன் 2வது போட்டியாளராக, நடிகையும் இன்ஸ்டா கண்டெண்ட் கிரியேட்டருமான (Content Creator) அரோரா சின்க்ளேர் (Aurora Sinclair) களமிறங்கி உள்ளார். இவர் தனது இசை காணொளிகள் (Music Videos) மற்றும் குறும்படங்கள் மூலம் தனக்கென ஒரு பெயரைப் பெற்றவர். பிக் பாஸ் மேடையில் பேசிய அரோரா, "எனக்கு சின்ன வயதிலிருந்தே பிக் பாஸ் ஒரு பெரிய விஷயமாக இருந்தது. அதனால், இதில் பங்கேற்க எனக்கு அழைப்பு வந்தபோது, என்னால் மறுக்க முடியவில்லை," என்று உற்சாகத்துடன் பகிர்ந்து கொண்டார்.



  • Oct 05, 2025 18:28 IST

    பிக் பாஸ் தமிழ் சீசன் 9-ல் கேப்டனுக்கான பிரத்யேக அறை!

    பிக் பாஸ் தமிழ் சீசன் 9 வீட்டில், இந்த முறை வீட்டின் கேப்டனுக்கு (Captain) ஒரு சிறப்பு அறை வழங்கப்பட்டுள்ளது. வழக்கமாக, கேப்டனுக்குச் சில சலுகைகள் மட்டுமே வழங்கப்படுவதுண்டு. ஆனால் இந்த சீசனில், அவருக்கு ஒரு பிரத்யேகப் படுக்கை அறையும் கிடைத்துள்ளது. வீட்டை சுற்றிக் காட்ட்டிய தொகுப்பாளர் விஜய் சேதுபதி, "இந்த வீடு பல கேள்விகளை எழுப்பும் - இங்கு ஏற்றங்களும் இறக்கங்களும் உள்ளன," என்று குறிப்பிட்டார். மேலும், இந்த ஆண்டின் கன்ஃபெஷன் அறை (Confession Room), மத்திய கிழக்கு நாடுகளின் பாணியில் வடிவமைக்கப்பட்டுள்ளது. அறையின் இருபுறமும் 2 பாதுகாவலர் சிலைகள் (Guardian Statues) வைக்கப்பட்டு, தனித்துவமான தீமில் காட்சியளிக்கிறது.



  • Oct 05, 2025 18:18 IST

    பிக் பாஸ் சீசன் 9-ல் வாட்டர் மெலன் ஸ்டார் திவாகர்

    பிக் பாஸ் தமிழ் சீசன் 9 இன்று (கோலாகலமாகத் தொடங்கியது. புதிய சீசனான பிக் பாஸ் தமிழ் சீசன் 9 நிகழ்ச்சியைத் தொகுப்பாளர் விஜய் சேதுபதி பிரம்மாண்டமாக தொடங்கி வைத்தார். சீசன் 9-ன் முதல் போட்டியாளராக இன்ஸ்டா பிரபலம் வாட்டர் மெலன் ஸ்டார் திவார் பங்கேற்று உள்ளார். அவரை ரசிகர்கள் உற்சாகமாக வரவேற்றனர்.



  • Oct 05, 2025 18:16 IST

    பிக் பாஸ் சீசன் 9 - வீட்டை சுற்றிக்காட்டிய விஜய் சேதுபதி

    பிக் பாஸ் தமிழ் சீசன் 9 இன்று (கோலாகலமாகத் தொடங்கியது. புதிய சீசனான பிக் பாஸ் தமிழ் சீசன் 9 நிகழ்ச்சியைத் தொகுப்பாளர் விஜய் சேதுபதி பிரம்மாண்டமாக ஆரம்பித்து வைத்தார். ஸ்டுடியோவில் இருந்த பார்வையாளர்கள் அவருக்கு உற்சாகமான கரவொலி எழுப்பி வரவேற்றனர். தொடர்ந்து, பிக் பாஸ் வீட்டை விஜய் சேதுபதி சுற்றிக் காண்பித்தார். 



  • Oct 05, 2025 18:04 IST

    பிக் பாஸ் தமிழ் சீசன்9 - புரோமோ வீடியோ வைரல்

    விஜய் சேதுபதி தொகுத்து வழங்கும் பிக் பாஸ் தமிழ் சீசன் 9 நிகழ்ச்சியானது இன்று மாலை 6 மணிக்கு ஒளிபரப்பாகும் நிலையில் புரோமோ வீடியோ வெளியாகி வைரலாகி வருகிறது.

    Credits: Vijay Television



  • Oct 05, 2025 17:49 IST

    பிக்பாஸ் தமிழ் சீசன் 9 போட்டியாளர்கள்- உத்தேச பட்டியல்

    பிக்பாஸ் தமிழ் சீசன் 9 கிராண்ட் லான்ச் நிகழ்ச்சியின் போதுதான் போட்டியாளர்களின் அதிகாரப்பூர்வப் பட்டியல் வெளியிடப்படும். எனினும், சமூக ஊடகங்களில் சில பிரபலங்களின் பெயர்கள் அடிபடுகின்றன. 

    1. கனி திரு (குக் வித் கோமாளி பிரபலம்)
    2. ரோஷன் (மாடல் மற்றும் நடிகர்)
    3. மாலினி ஜீவரத்தினம் (திரைப்படத் தயாரிப்பாளர்)
    4. வீஜே பார்வதி
    5. கொங்கு மஞ்சுநாதன் (பட்டிமன்ற பேச்சாளர்)
    6. ஆதிரை சௌந்தரராஜன்
    7. வினோத் பாபு (சீரியல் நடிகர்)
    8. பிரித்திகா பிரவீன் காந்தி (இயக்குநர்)
    9. ஜனனி அசோக்குமார்
    10. கம்ருதீன் (சீரியல் நடிகர்)
    11. ரம்யா ஜோ
    12. ஆதிரை சௌந்தரராஜம்
    13. விஜே ஷோபனா
    14. அப்சரா விஜே  

    என்று ஏராளமான பிரபலங்கள் இடம் பெறுகிறார்கள் என்று தெரிகிறது. எனினும் பிக்பாஸ் போட்டியாளர்கள் பற்றிய அதிகாரப்பூர்வ அறிவிப்பு இன்னும் சற்று நேரத்தில் வெளியாக இருக்கிறது.



Bigg Boss Tamil Bigg Boss

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: