சீரியல் பக்கமே வரமாட்டேன்: பிக் பாஸ் டைட்டில் வின்னர் அசீம் கறார்

பிக்பாஸ் டைட்டில் வின்னரான அசீம் புதிய சீரியலில் நடிக்க இருப்பதாக சமூக வலைதளங்களில் உலா வந்த நிலையில், சீரியல் பக்கம் மீண்டும் வருவதற்கு வாய்ப்பே இல்லை என்று அசீம் பதிலளித்துள்ளார்.

விஜய் டிவியில் ஒளிபரப்பான பிக் பாஸ் சீசன் 6 நிகழ்ச்சியின் டைட்டில் வின்னர் அசீம். இவர் பிக் பாஸ் நிகழ்ச்சியில் போட்டியாளராக பங்கேற்பதற்கு முன்பு, சீரியல்களில் நடித்து வந்தார். பிக் பாஸ் நிகழ்ச்சியில் அசீம் மற்றும் விக்ரமன் இடையே கடுமையான போட்டி நிலவியது. இறுதியில், அசீம் பிக் பாஸ் டைட்டில் வின்னர் ஆனார். 

பிக் பாஸ் டைட்டில் வின்னரான பிறகு, அசீமிற்கு திரைப்படத்தில் ஹீரோவாக நடிக்கும் வாய்ப்புகள் கிடைத்து திரைப்படங்களில் நடித்து வருகிறார். ஆனால், இன்னும் எந்த திரைப்படமும் வெளியாகவில்லை.

இந்நிலையில், பிக் பாஸ் டைட்டில் வின்னர் அசீம் புதிய சீரியலில் நடிக்க இருப்பதாக சமூக வலைதளங்களில் சமீப நாட்களாக செய்திகள் உலா வந்தன. இதையடுத்து, அவரது ரசிகர்கள் பலரும் அசீமிற்கு வாழ்த்து சமூகவலைதளப் பக்கத்தில் வாழ்த்துச் செட்தி அனுப்பினர். 

இதற்கு விளக்கமளித்துள்ள அசீம்,  “சீரியலில் நான் நடிப்பதாக வெளியாகும் செய்திகள் அனைத்தும் வதந்தி. நான் சினிமாவில் நடிக்க தான் முழுகவனம் செலுத்தி வருகிறேன். நான் நடித்துள்ள படம் அடுத்த ஆண்டு பிப்ரவரி மாதத்தில் வெளியாகும் என்று எதிர்பார்க்கப்படுகிறது. மேலும், இரண்டு படங்களில் நடிப்பதற்கான பேச்சுவார்த்தை நடைபெற்று வருகிறது. எனவே சீரியல் பக்கம் மீண்டும் வருவதற்கு வாய்ப்பே இல்லை” என்று தெரிவித்துள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“