பிகில் ரசிகர்களுக்கு ‘நான் ஸ்டாப்’ கொண்டாட்டம்: உருக வைக்கும் மெலோடி வீடியோ லைரிக் ரிலீஸ்

Bigil Unakaga Song Video Lyric: தளபதி விஜய் ரசிகர்களுக்கு அடுத்தடுத்து இன்ப அதிர்ச்சியை அள்ளித் தெளிக்கிறார்கள் படக் குழுவினர். படத்தின் ஸ்பெஷல் போஸ்டர் வெளியிட்ட அடுத்த நாளே உருக வைக்கும் மெலோடியின் வீடியோ லைரிக்கையும் வெளியிட்டு திணறடித்திருக்கிறார்கள். 19-ம் தேதி இசை வெளியீட்டு நிகழ்ச்சி நடைபெற இருப்பதும் குறிப்பிடத்தக்கது.

விஜய்- நயன்தாரா நடிப்பில் பிகில் திரைப்படம் தீபாவளிக்கு திரைக்கு வருகிறது. தளபதி விஜய் ரசிகர்களின் பெரும் எதிர்பார்ப்புக்கு இந்தப் படம் உள்ளாகி இருக்கிறது. இந்தப் படத்தின் ஸ்பெஷல் போஸ்டரை நேற்று ( செப்டம்பர் 17) படக் குழுவினர் வெளியிட்டனர்.

அந்த இன்ப அதிர்ச்சியில் இருந்து விஜய் - நயன்தாரா ரசிகர்கள் மீள்வதற்கு முன்பாக இன்று படத்தில் இடம்பெறும் ‘உனக்காக’ என தொடங்கும் பாடலின் வீடியோ லைரிக்கை வெளியிட்டிருக்கிறார்கள். ஏ.ஆர்.ரகுமான் இசையில், விவேக் வரிகளில் பாடல் ரசிகர்களை தாலாட்டுகிறது.

Here is the romantic track from @arrahman sir for #Bigil#UNAKAGA♥️ @actorvijay Sir #Nayanthara@Atlee_dir@Ags_production@SonyMusicSouth@Screensceneoffl@Lyricist_Vivek@dop_gkvishnu@muthurajthangvl@am_kathir@Actor_Vivek@iYogiBabuhttps://t.co/ZS5QZ5AnnV Live at 4:30pm ????

— Archana Kalpathi (@archanakalpathi) September 18, 2019

விஜய் ரசிகர்கள் ட்விட்டரில் இந்தப் பாடல் ரிலீஸை ட்ரெண்ட் செய்து வருகிறார்கள். தொடர்ந்து 3-வது நாள் கொண்டாட்டமாக செப்டம்பர் 19 (வியாழக்கிழமை) படத்தின் இசை வெளியீட்டு நிகழ்ச்சி பிரமாண்டமாக நடைபெற இருப்பது குறிப்பிடத்தக்கது.