லஸ்ட் ஸ்டோரீஸ் நடிகை... மின்சார கனவு நாயகியை ஞாபகம் இருக்கா? வைரல் க்ளிக்ஸ்

மின்சார கனவு என்ற மெகாஹிட் படத்தை கொடுத்த நடிகை கஜோல் அதன்பிறகு பல வருடங்களாக தமிழில் நடிக்காத நடிகை கஜோல் தற்போது தனது இன்ஸ்டா பக்கத்தில் வெளியிட்டுள்ள புகைப்படங்கள் இணையத்தில் வைரலாகி வருகிறது.

1992-ம் ஆண்டு வெளியான பகுடி என்ற இந்தி படத்தின் மூலம் திரையுலகில் அறிமுகமானவர் கஜோல். தொடர்ந்து பானிகர், கரன் அர்ஜூன், டாகியூட் உள்ளிட்ட பல படங்களில் நடித்துள்ளார்.

அதன்பிறகு 1997-ம் ஆண்டு வெளியான மின்சார கனவு திரைப்படத்தின் மூலம் தமிழில் அறிமுகமான கஜோலுக்கு ரசிகர்கள் மத்தியில் நல்ல வரவேற்பு கிடைத்தது.

அரவிந்த் சாமி, பிரபுதேவா ஆகியோர் முக்கிய கேரக்டரில் நடித்த இந்த படத்தை ராஜீவ் மேனன் இயக்கியிருந்தார். ஏ.ஆர்.ரஹ்மான் இசையமைத்த இந்த படத்தின் பாடல்கள் அனைத்தும் நல்ல வரவேற்பை பெற்றது.

முதல் படத்திலேயே தமிழ் ரசிகர்கள் மத்தியில் வரவேற்பை பெற்றிருந்தாலும், அதன்பிறகு கஜோல் தமிழ் படங்களில் நடிக்காமல் தொடர்ந்து இந்தி படங்களில் கவனம் செலுத்தி வந்தார்.

அடுத்து 20 வருடங்கள் கழித்து 2017-ம் ஆண்டு தனுஷ் நடிப்பில் வெளியான வேலையில்லா பட்டதாரி 2 படத்தின் மூலம் மீண்டும் தமிழில் களமிறங்கிய கஜோல் மீண்டும் இந்தி படத்தில் கவனம் செலுத்தி வருகிறார்.

சமீபத்தில் வெளியான அடல்ட் படமாக லஸ்ட் ஸ்டோரீஸ் 2 படத்தில் நடித்திருந்த கஜோல், தற்போது சர்சாமீன் என்ற படத்தில் நடித்து வருகிறார். இந்த படம் 2024-ம் ஆண்டு வெளியாக உள்ளது.

சமூகவலைதளங்களில் ஆக்டீவாக இருக்கும் கஜோல் அவ்வப்போது தனது புகைப்படம் மற்றும் வீடியோ பதிவுகளை வெளியிட்டு வருகிறார். அந்த வகையில் தற்போது அவர் வெளியிட்டுள்ள புகைப்படங்கள் இணையத்தில் வைரலாகி வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“