குழந்தைகளுக்கு கல்வி... முக்கிய தேவைகளை பூர்த்தி செய்யும் நடிகை டாப்சி : ரியல் நாயகி வைரல் க்ளிக்ஸ்

இந்திய சினிமாவில் முன்னணி நடிகையாக வலம் வரும் நடிகை டாப்சி ஜோகுமண்டி நாதம் என்ற தெலுங்கு படத்தின் மூலம் திரையுலகில் அறிமுகமானவர்.

2011-ம் ஆண்டு தமிழில் தனுஷ் நடிப்பில் வெளியான ஆடுகளம் படத்தில் நடித்திருந்தார். இந்த படம் அவரை ரசிகர்கள் மத்தியில் பிரபலமாக்கியது.

வந்தான் வென்றான், ஆரம்பம், காஞ்சனா 3 உள்ளிட்ட படங்களில் நடித்திருந்த டாப்சி, கடைசியாக தமிழில் விஜய் சேதுபதியுடன் அனபெல் சேதுபதி என்ற படத்தில் நடித்திருந்தார்.

கடந்த ஆண்டு வெளியான ஷபாஸ் மித்து என்ற படத்தில் கிரிக்கெட் வீராங்கனை மிதாலி ராஜ் கேரக்டரில் நடித்திருந்தார். அமிதாப் பச்சனுடன் நடித்த பிங்க் திரைப்படம் நல்ல வரவேற்பை பெற்றது.

பிங்க் படம் தமிழில் அஜித் நடிப்பில் நேர்கொண்ட பார்வை என்ற பெயரில் ரீமேக் செய்யப்பட்டது. தெலுங்கில் அறிமுகமாகி தமிழில் ஒரு சில படங்கள் நடித்திருந்தாலும் தற்போது டாப்சி பாலிவுட் சினிமாவில் கவனம் செலுத்தி வருகிறார்.

சமீபத்தில் இவர் ஷாருக்கானுடன் இணைந்து நடித்த டன்கி படம் வெளியாகி ரசிகர்கள் மத்தியில் நல்ல வரவேற்பை பெற்றிருந்தது. சமூகவலைதளங்களில் ஆக்டீவாக இருக்கும் டாப்சி அவ்வப்போது புகைப்படங்கள் மற்றும் வீடியோக்களை வெளியிட்டு வருகிறார்.

அந்த வகையில் தற்போது இவர் வெளியிட்டுள்ள சில புகைப்படங்கள் கவனம் ஈர்த்து வரும் நிலையில்,பலரின் பாராட்டுக்களையும் பெற்று வருகிறது.

கொரோனா தொற்று பாதிப்பு காரணமாக தங்களது வாழ்வாதாரங்களை இழந்த குழந்தைகளுக்கு உதவும் வகையில் டாப்சி அவர்களின் கல்வி மற்றும் அத்தியாவசிய தேவைகளை பூர்த்தி செய்துள்ளார்.