அவங்க கூப்டா என் பசங்க என்னை விட்டு போய்டுவாங்க; இதை என்னனு சொல்றது? சமந்தா பற்றி பேசிய சின்மயி!

பிரபல பின்னணிப் பாடகியான சின்மயி ஸ்ரீபாடா, பிஹைன்வுட்ஸ் டிவி அவார்ட் நிகழ்ச்சியில் நடிகை சமந்தா மற்றும் அவருடனான நட்பு குறித்து பேசினார். சமந்தா பற்றிப் பேசும்போது, “அவள் என் குழந்தைகளை அழைத்தால், அவர்கள் என்னுடன் இருப்பதை விட அவளுடன் மகிழ்ச்சியாக இருப்பார்கள். அவர்கள் என்னிடமிருந்து போய்விடுவார்கள்" என்று மிகவும் உணர்ச்சிபூர்வமாகப் பேசியிருந்தார். 

மேலும் சின்மயி பேசுகையில், “இந்த உலகில் ஒருவரையொருவர் பாராட்டி, ஒருவருக்கொருவர் மரியாதை கொடுக்கும் பெண்களைப் பார்ப்பது அரிது. நான் சமந்தாவை ஒரு சூப்பர் ஸ்டாராகப் பார்க்கவில்லை. மாறாக, அவள் மிகவும் உண்மையானவள், மிகவும் மென்மையான இதயத்தைக் கொண்டவள்" என்றார்.

மேலும், சின்மயி, சமந்தாவுடனான தனது நட்பு குறித்துப் பேசும்போது, "என்னுடைய 13 வருட நட்பில், சமந்தா போன்ற ஒருவரை நான் பார்த்ததே இல்லை. சமந்தா ஒரு மிகவும் மென்மையான இதயம் கொண்டவள். அவள் நிறைய பேருக்கு இதய அறுவை சிகிச்சைக்கு பணம் கொடுத்திருக்கிறாள். அந்த அறுவை சிகிச்சைகள் வெற்றிகரமாக முடிந்த பிறகு, அவள் யார் என்று கூட தெரியாது. சில உதவிகளை அவள் தன் நண்பர்களிடம் செய்யச் சொல்லியும், அது வெளியே தெரியாமல் பார்த்துக் கொள்வாள்" என்று சின்மயி சமந்தாவின் நல்ல செயல்கள் குறித்துப் பேசினார்.

சின்மயி தொடர்ந்து பேசுகையில், "சமந்தா என்னுடைய நல்ல தோழி. எனது வலிமையான நாள்களில் நான் அவளைச் சந்தித்ததால், நான் சந்தோஷமாக இருப்பேன்" என்று கூறினார். மேடையில் சின்மயி பேச பேச சமந்தா தனது கண்களில் கண்ணீருடன், சின்மயி பேச்சைக் கேட்டுக்கொண்டிருந்தார்.

சின்மயியின் பேச்சைக் கேட்ட சமந்தாவும் நெகிழ்ச்சியுடன் பதிலளித்தார். சின்மயியைப் போன்றவர்களிடமிருந்தே தான் வலிமையைப் பெறுவதாகவும், அவர் தனக்கு ஒரு உத்வேகம் என்றும் சமந்தா கூறினார். சின்மயி இவ்வளவு அன்பைப் பெறுவதைப் பார்ப்பது தன் வாழ்க்கையின் சிறந்த நாட்களில் ஒன்று என்றும் சமந்தா குறிப்பிட்டார். "இந்த மேடையில் சின்மயிக்குக் கிடைத்த இந்த பாராட்டும் அன்பும், அவரது கடின உழைப்புக்குக் கிடைத்த அங்கீகாரம். இது வெறும் ஆரம்பம் மட்டுமே, அவர் இன்னும் பல உயரங்களை அடைவார்" என்று சமந்தா வாழ்த்து தெரிவித்தார்.