பெண் என்பதால் அநாதை இல்லத்தில் விட்ட அப்பா; பின்னாளில் இந்திய சினிமாவின் சூப்பர் ஸ்டார் நடிகை ஆனவர்: 38 வயதில் இறந்த அவர் யார் தெரியுமா?

இந்த நடிகை பிறந்தபோது, அவரது தந்தை ஒரு ஆண் குழந்தையை எதிர்பார்த்திருந்தார். ஆனால் பெண் குழந்தை பிறந்ததால், மனம் வருந்திய அவர், நழுவிய மனநிலையில் அந்தக் குழந்தையை ஒரு அனாதை இல்லத்தில் விட்டுவிட்டாராம். சில மணி நேரங்களில் தான் செய்தது தவறு என உணர்ந்த அவர், மறுபடியும் குழந்தையை வீட்டிற்கு அழைத்துவந்தாராம். அப்போது அவருக்கு தெரியாது, இந்த பெண் ஒருநாளில் இந்திய சினிமாவை கவனிக்க வைக்கும் அளவுக்கு புகழ்பெறும் நடிகையாக மாறப்போகிறாள் என்பதை.

அந்த நடிகை வேறு யாரும் இல்லை, 1950-களில் இந்திய சினிமாவின் பிரபல நட்சத்திரமாக திகழ்ந்த மீனா குமாரி தான். குடும்பத்தில் நிலவிய வறுமையும், கடுமையான பொருளாதார சிக்கல்களும் காரணமாக, ஏதேனும் வேலை செய்ய வேண்டிய அவசியம் ஏற்பட்டது. அந்த நேரத்தில் வந்த வாய்ப்பை பயன்படுத்திக்கொண்டு, குழந்தை நடிகையாக சினிமாவில் தனது பயணத்தை ஆரம்பித்தார் மீனா குமாரி.

1946ஆம் ஆண்டு ‘பச்சோ கா கேல்’ திரைப்படத்தின் மூலம் முதன்முறையாக நாயகியாக நடித்தார் மீனா குமாரி. அதன் பிறகு தொடர்ந்து பல வெற்றி பெற்ற படங்களில் நடித்து தனக்கென்று ஒரு இடத்தைப் பெற்றார். நடிகையாக மட்டுமல்லாமல், கவிஞராகவும், பின்னணி பாடகராகவும், உடை வடிவமைப்பாளராகவும் பலதரப்பட்ட திறமைகளை வெளிப்படுத்தியவர்.

இந்திய சினிமாவின் சிறந்த நடிகையாக புகழ் பெற்ற மீனா குமாரிக்கு, அவரது உணர்ச்சி பூர்வமான கதாபாத்திரங்களை கொண்டு ‘டிராஜடி குயின்’ என்ற பட்டம் வழங்கப்பட்டது. சுமார் 30 ஆண்டுகள் வரை அவர் திரையுலகில் திகழ்ந்தார். 1952-ஆம் ஆண்டு, பிரபல இயக்குநர் கமல் அம்ரோஹியுடன் திருமணம் செய்துகொண்டார். ஆனால், இவர்களுக்கிடையே ஏற்பட்ட கருத்து வேறுபாடுகள் காரணமாக, 1964-ஆம் ஆண்டு அவர்களது விவாகம் முடிவுக்கு வந்தது.

பின்னர், மீனா குமாரி மதுவிற்கு அடிமையாயினர். இந்த பழக்கம் தீவிரமானதால், அவரது கல்லீரல் பலமாக பாதிக்கப்பட்டது. சுகமடைய, லண்டன் மற்றும் சுவிட்சர்லாந்து போன்ற வெளிநாடுகளுக்கு சென்று சிகிச்சை பெற்றார். 1972ஆம் ஆண்டு, அவர் நடித்த ‘பாகீசா’ திரைப்படம் வெளியானது. இப்படம் ரசிகர்களிடம் பெரும் வரவேற்பை பெற்றதுடன், ப்ளாக்பஸ்டர் வெற்றியை பெற்றது. 

ஆனால், 'பாகீசா' திரைப்படம் வெளியான சில வாரங்களுக்குள் தான், மீனா குமாரி உயிரிழந்தார். 1972ஆம் ஆண்டு, அவரது மரணம் நிகழ்ந்தது. அப்போது அவர் வயது மட்டும் 38. இளம் வயதில் ஏற்பட்ட இந்த துயரமான முடிவு, இந்திய சினிமா உலகையே ஆழ்ந்த அதிர்ச்சிக்குள் ஆழ்த்தியது.