கடற்கரை மணலில் ஜாலி போஸ்: குக் வித் கோமாளி பிரபலம் வைரல் க்ளிக்ஸ்: இவர் யார் தெரியுமா?

மலையாள சினிமாவில் குழந்தை நட்சத்திரமாக அறிமுகமாகி பலரின் மனதை கவர்ந்தவர் ஷாலின் ஷோயா.

பல படங்களில் குழந்தை நட்சத்திரமாக நடித்திருந்த இவர், அதன்பிறகு முக்கிய கேரக்டர்களில் நடிக்க தொடங்கினார்.

ஜெயராம், நிவின்பாலி, இந்திரஜித் சுகுமாறன், மோகன்லால் உள்ளிட்ட மலையாள சினிமாவின் முன்னணி நட்சத்திரங்களுடன் இணைந்து பல படங்களில் நடித்துள்ளார்.

2016-ம் ஆண்டு தமிழில் வெளியான ராஜா மந்திரி படத்தின் மூலம் தமிழில் ஹீரோயினாக ஷோயா அறிமுகமானார்.

கலையரசன், காளி வெங்கட் இணைந்து நடித்த இந்த படம் ஓரளவு வரவேற்பை பெற்றிருந்தது.

அதன்பிறகு மலையாளம் மற்றும் ஆங்கில திரைப்படங்களில் நடித்திருந்த ஷோயா கடந்த ஆண்டு வெளியான கண்ணகி படத்தில் நடித்திருந்தார்.

தற்போது மலையாளத்தில் பல படங்களில் நடித்து வரும் இவர், விஜய் டிவியின் குக் வித் கோமாளி நிகழ்ச்சியில் பங்கேற்றுள்ளார்.

சமூகவலைதளங்களில் ஆக்டீவாக இருக்கும் ஷோயா அவ்வப்போது புகைப்படங்கள் மற்றும் வீடியோக்களை வெளியிட்டு வருகிறார்,

அந்த வகையில் தற்போது அவர் வெளியிட்டுள்ள சில புகைப்படங்கள் ரசிகர்கள் மத்தியில் கவனத்தை ஈர்த்து வருகிறது.