8 வாரங்கள் கெடு; அமெரிக்கா, கனடாவில் அதகளம் செய்யும் கூலி: இந்தியாவில் அட்வான்ஸ் புக்கிங் எத்தனை கோடி?

ரஜினிகாந்த் என்றாலே திரையரங்குகளில் கொண்டாட்டம் என்பது உலகறிந்த உண்மை. அந்த கொண்டாட்டத்தின் உச்சத்தை மீண்டும் ஒருமுறை நிரூபித்துள்ளது "கூலி" திரைப்படம். லோகேஷ் கனகராஜ் இயக்கத்தில் ரஜினிகாந்த் முதன்முதலாக கைகோர்த்துள்ளதால், இப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டது. அந்த எதிர்பார்ப்பை பூர்த்தி செய்யும் வகையில், வட அமெரிக்காவில் வெளியான இப்படம் ரசிகர்கள் மத்தியில் மிகப்பெரிய வரவேற்பைப் பெற்றுள்ளது.

வட அமெரிக்காவில் "கூலி"யின் பிரம்மாண்ட ரிலீஸ்:

கூலி திரைப்படம் ஆகஸ்ட் 13 மற்றும் 14, 2025 தேதிகளில் வட அமெரிக்காவில் வெளியானது. கனடாவில் உள்ள ரசிகர்கள் ஆகஸ்ட் 13-ம் தேதியே யார்க் சினிமாஸில் (York Cinemas) இப்படத்தின் முதல் காட்சியை பார்த்து ரசித்தனர். அமெரிக்காவில், ஹர்கின்ஸ் தியேட்டர்ஸ் (Harkins Theatres), ஏ.எம்.சி (AMC) போன்ற பிரபல திரையரங்குகளில் இப்படம் திரையிடப்பட்டுள்ளது. பிராந்தியங்களின் அடிப்படையில் திரையரங்குகளில் படம் திரையிடும் நேரம் மாறுபடுகிறது.

ரசிகர்களுக்கு மேலும் சிறப்பான அனுபவத்தை அளிக்கும் வகையில், சாதாரண காட்சிகளைத் தவிர, ஐமேக்ஸ் (IMAX), டி-பாக்ஸ் (D-BOX), 4DX போன்ற அதிநவீன தொழில்நுட்பங்களிலும் படம் வெளியிடப்பட்டுள்ளது. 2 மணி நேரம் 52 நிமிடங்கள் ஓடக்கூடிய இந்த திரைப்படம், தமிழ் மொழியில் சப்டைட்டில்களுடன் பெரும்பாலான திரையரங்குகளில் வெளியாகியுள்ளது. படத்தை பார்க்க விரும்புவர்கள், திரையரங்குகளின் நேர அட்டவணையை ஃபேன்டேங்கோ (Fandango), சினிப்ளெக்ஸ் (Cineplex) அல்லது திரையரங்குகளின் தனிப்பட்ட இணையதளங்களில் சரிபார்க்கலாம்.

கலர்ஃபுல் கூட்டணியின் அதிரடி ஆக்ஷன்:

இப்படத்தில் ரஜினியுடன், அமீர்கான், நாகார்ஜுனா, ஸ்ருதி ஹாசன், பூஜா ஹெக்டே, சௌபின் ஷாஹிர், சத்யராஜ் என ஒரு பிரம்மாண்டமான நட்சத்திர பட்டாளம் நடித்துள்ளது. இந்த கூட்டணி படத்தின் மீதான எதிர்பார்ப்பை மேலும் அதிகரித்துள்ளது. ஏற்கனவே, இந்தியாவில் படத்தின் அட்வான்ஸ் புக்கிங் ஒரே நாளில் ரூ.46 கோடியை தாண்டி ஒரு சாதனையை நிகழ்த்தியுள்ளது. இது, கூலி திரைப்படம் பாக்ஸ் ஆபிஸில் மிகப்பெரிய வெற்றியை அடையும் என்பதற்கான ஆரம்ப அறிகுறியாகும்.

ஓடிடி-யில் "கூலி" எப்போது?

தியேட்டர்களில் படம் பார்த்த பிறகு, வீட்டில் அமர்ந்து மீண்டும் பார்க்க விரும்பும் ரசிகர்களுக்காக, 'கூலி' திரைப்படம் அமேசான் ப்ரைம் வீடியோவில் (Amazon Prime Video) வெளியிடப்பட உள்ளது. அதிகாரப்பூர்வமான தேதி இன்னும் உறுதி செய்யப்படவில்லை என்றாலும், தகவல்களின்படி, அக்டோபர் 2025 நடுப்பகுதியில், அதாவது தியேட்டர் வெளியீட்டிற்குப் பிறகு சுமார் 8 வாரங்களுக்குப் பின்னர், படம் ஓடிடியில் வெளியாகலாம் என்று கூறப்படுகிறது.

அப்போது, தமிழ் மொழி மட்டுமின்றி, பல்வேறு மொழிகளிலும், தமிழ் சப்டைட்டில்களுடன் படம் வெளியாக வாய்ப்புள்ளது. இதன்மூலம், உலகளவில் உள்ள அனைத்து ரசிகர்களுக்கும் ரஜினியின் இந்த புதிய பிளாக்பஸ்டர் திரைப்படத்தை கண்டு ரசிக்கும் வாய்ப்பு கிடைக்கும்.