7 பக்க வசனம், 3 நிமிஷம் சிங்கிள் டேக்; இந்த சீன் தியேட்டரில் தெறிக்கும்: கூலி கோ-ரைடர் முக்கிய தகவல்!

சூப்பர் ஸ்டார் ரஜினிகாந்த் நடிப்பில், இயக்குனர் லோகேஷ் கனகராஜ் இயக்கத்தில் உருவாகி வரும் திரைப்படம் "கூலி". சமீபத்தில் வெளியான படத்தின் டைட்டில் அறிவிப்பு வீடியோவே படத்தின் மீதான எதிர்பார்ப்பை பல மடங்கு அதிகரித்துள்ளது. லோகேஷ் கனகராஜ் படங்களுக்கு உள்ள தனித்துவமான ரசிகர் பட்டாளமும், சூப்பர் ஸ்டாரின் அசத்தலான ஸ்டைலும் இணைந்து, "கூலி" படத்தை தமிழ் சினிமாவின் முக்கியமான படைப்புகளில் ஒன்றாக மாற்றும் என எதிர்பார்க்கப்படுகிறது.

படத்தின் பணிகள் முடிந்து நாளை ஆகஸ்ட் 14 ஆம் தேதி வெளியாக உள்ள நிலையில் இணை- எழுத்தாளராகப் பணியாற்றிய சந்துரு அன்பழகன் சினி உலகம் யூடியூப் பக்கத்திற்கு பேட்டி அளித்துள்ளார். அதில் கூலி படத்தை பற்றியும் படத்தில் உள்ள மாஸ் சீன் பற்றியும் ஒரு தகவலை தெரிவித்துள்ளார். "கூலி" திரைப்படத்தின் திரைக்கதை உருவாக்கத்தில் எழுத்தாளர் சந்துரு அன்பழகன் லோகேஷ் கனகராஜுடன் இணைந்து பணியாற்றினார். தான் "கூலி" படத்தின் இணை-எழுத்தாளராகப் பணியாற்றி வருவதாக அவர் கூறினார்.

மேலும், லோகேஷ் கனகராஜின் கடுமையான உழைப்பையும், தனது பங்களிப்பையும் பற்றி அவர் பெருமையுடன் பேசினார். சந்துருவின் பேச்சு படத்தின் திரைக்கதை வலுவாக இருக்கும் என்ற நம்பிக்கையை ரசிகர்களுக்கு அளித்துள்ளது. சந்துரு அன்பழகன் தனது நேர்காணலில், "கூலி" திரைப்படத்தில் எடுக்கப்பட்ட ஒரு முக்கியமான காட்சி குறித்துப் பேசினார்.

அந்தக் காட்சி வெறும் 3 நிமிடங்கள் நீளம் கொண்டதாகவும், ஒரே டேக்கில் எடுக்கப்பட்டதாகவும் அவர் தெரிவித்தார். அந்தக் காட்சியில் ரஜினிகாந்த் பேசிய வசனங்கள் 7 பக்கங்கள் கொண்டவை என்றும், அதை எந்தவொரு பிழையும் இல்லாமல் ஒரே டேக்கில் நடித்து முடித்துவிட்டதாகவும் கூறினார்.

இந்தக் காட்சி ஒரு "தியேட்டர் பிளாஸ்ட்" ஆக இருக்கும் என்று அவர் உறுதியாக தெரிவித்தார். இந்தக் காட்சியில் ரஜினியின் நடிப்பு மிகவும் உணர்ச்சிபூர்வமாக இருந்ததால், அருகில் இருந்த நடிகர் உபேந்திராவின் கண்களில் கண்ணீரைத் தான் கண்டதாகவும் அவர் நினைவு கூர்ந்தார். அந்தக் காட்சி படமாக்கப்பட்ட பின், படக்குழுவினர் அனைவரும் எழுந்து நின்று கைதட்டி தங்கள் பிரமிப்பை வெளிப்படுத்தியதாகவும் அவர் குறிப்பிட்டார்.

"கூலி" திரைப்படம் ரஜினிகாந்தின் ரசிகர்களுக்கு லோகேஷ் கனகராஜ் கொடுக்கும் ஒரு மிகப்பெரிய விருந்து என்றும், ரசிகர்கள் இந்த படத்தை திரையரங்குகளில் கொண்டாட வேண்டும் என்றும் சந்துரு அன்பழகன் கேட்டுக்கொண்டார்.