கதாநாயகனாக அறிமுகமாகும் முத்தரசன்: ‘அரிசி’ படத்தின் ஃபர்ஸ்ட் லுக் போஸ்டர் வெளியீடு

Muththarasan:இந்திய கம்யூனிஸ்ட் கட்சியின் மூத்த தலைவர் இரா.முத்தரசன். இவர் தற்போது அக்கட்சியின் மாநிலச் செயலாளராக பணியாற்றி வருகிறார். இந்நிலையில், முத்தரசன் கதாநாயகனாக அறிமுகமாகும் 'அரிசி' படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது. 

'அரிசி' படத்திற்கு இசைஞனி இளையராஜா இசையமைக்கிறார். படத்தை மோனிகா புரொடக்‌ஷன் சார்பில் பி.சண்முகம் தயாரிக்கிறார். எஸ்.ஏ.விஜய்குமார் இயகுக்கிறார். 

இரா.முத்தரசன் மனைவியாக ரஷ்யா மாயன் நடிக்கிறார். சிசர் மனோகர், கோவி இளங்கோ, ராஜா திருநாவுக்கரசு, அர்ஜுன்ராஜ், மகிமை ராஜ், வையகன், அன்பு ராணி உட்பட பலர் நடிக்கின்றனர். ஜான்சன் ஒளிப்பதிவு செய்கிறார். விவசாயத்தை பின்னணியாக கொண்டு உருவாகும் இப்படம் உணவின் முக்கியத்தை வலியுறுத்தும் என தெரிவிக்கப்பட்டுள்ளது.

இந்நிலையில், 'அரிசி' படத்தின் ஃபர்ஸ்ட் லுக் போஸ்டரை இயக்குநர் பாரதிராஜா தனது எக்ஸ் தள பக்கத்தில் வெளியிட்டுள்ளார். போஸ்டரை பொறுத்தவரை கருமேகம் மற்றும் வயல் வெளியில் சட்டையில்லாமல் பனியனும் தோளில் துண்டும் போட்டுக்கொண்டு முத்தரசன் நின்றுகொண்டிருக்கும் வகையில் வடிவமைக்கப்பட்டுள்ளது. படத்தின் இறுதிக்கட்ட பணிகள் நடைபெற்று வருவதாகவும் தகவல்கள் வெளியாகியுள்ளது. 

பேரன்பு கொண்ட
தோழர் திரு.இரா.முத்தரசன் & அரிசி படக் குழுவினர்களுக்கு வாழ்த்துக்கள் Happy to Share the title & 1st Look of #Arisi - A heart wrenching movie about farmers featuring TN State Secretary of communist party #RMutharasan as the lead..
A Maestro 🎸@ilaiyaraaja Musical… pic.twitter.com/r6TNiwVJju

— Bharathiraja (@offBharathiraja) November 10, 2023

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“