தனுஷ் @ 41; தயங்கிய நடிகர் டூ தனித்துவமான ஸ்டார்

பெரும்பாலும் இந்திய சினிமாவில், தொலைதூரத்தில் இருந்து ரசிகர்கள் வணங்கும் ஒரு சூப்பர் ஸ்டார், பின்பற்ற விரும்பும் ஒரு சூப்பர் ஸ்டார், தொடர்புபடுத்தும் சூப்பர் ஸ்டார் என வருவார்கள். இந்த மூன்றும் கலந்த ஒரு சூப்பர் ஸ்டாரை பார்ப்பது மிகவும் அரிது. அப்படிப்பட்ட ஒரு அபூர்வ குணம்கொண்டவர் தனுஷ். துள்ளுவதோ இளமை (2002) மூலம் தனது வாழ்க்கையைத் தொடங்கிய தனுஷ், திறமைகளின் சக்தியாக வளர்ந்தார்.

தனது ஒப்பற்ற நடிப்பு, அழகான தோற்றம் மற்றும் வசீகரம் ஆகியவற்றால் உலகெங்கிலும் உள்ள இதயங்களை வென்ற தனுஷ், கடந்த வெள்ளியன்று 50வது படத்தை வெளியிட்டார். அவரின் இயக்கத்தில் வெளியான இரண்டாவது படம் இதுவாகும். மேலும் இது அவரது மிகப்பெரிய வணிக வெற்றிகளில் ஒன்றாகவும் உள்ளது.

ஆங்கிலத்தில் வாசிக்க 

40 வயதை எட்டுவதற்கு முன்பே சிறந்த நடிகருக்கான இரண்டு தேசிய விருதுகளை வென்ற இந்திய நடிகர்களில் ஒருவரான தனுஷ் இன்று தனது 41வது பிறந்தநாளைக் கொண்டாடுகிறார்.

இது எல்லாம் கடவுளின் திட்டம் என்று சொன்னாலும், தனுஷ் தனது கேரியரை எப்படி வடிவமைத்திருக்கிறார் என்பது புத்திசாலித்தனம்.

நடிகராக அறிமுகமாகி 10 ஆண்டுகளுக்குப் பிறகு, ராஞ்சனா படத்தின் மூலம் தேசிய அளவில் பிரபலமடைந்தார் தனுஷ். நடிகராக அறிமுகமாகி 20 ஆண்டுகளுக்குப் பிறகு, ருஸ்ஸோ பிரதர்ஸ் இயக்கிய நெட்ஃபிளிக்ஸின் தி கிரே மேன் திரைப்படத்தில் அவிக் சானாக நடித்ததன் மூலம் உலக அளவில் பிரபலமடைந்தார்.

இந்த பயணங்கள் நன்கு ஆவணப்படுத்தப்பட்டுள்ளன. மேலும் தனுஷ் ஒரு நடிகராக மாறியுள்ளார். ஒரு நடிகராக அவரது முதல் தசாப்தத்தின் சிறப்பம்சங்களைத் திரும்பிப் பார்ப்போம்.

2003 திருடா திருடி

செல்வ ராகவனின் காதல் கொண்டேன் படத்தில் தொடங்கிய தனுஷின் சினிமா கேரியர் திருடா திருடி படத்தில் புதிய உச்சத்தை அடைந்தது. இந்தப் படத்தில் மன்மத ராசா பாடல் மிகப்பெரிய ஹிட்டை கொடுத்தது.

2006- புதுப்பேட்டை டூ திருவிளையாடல் ஆரம்பம்

2003, 2006 ஆம் ஆண்டு மீண்டும் ஒருமுறை, தனுஷின் புதுப்பேட்டை மற்றும் திருவிளையாடல் ஆரம்பம் உள்ளிட்ட படங்கள் வணிக ரீதியாக வெற்றி பெற்றன.

2007 பொல்லாதவன்

வெற்றிமாறன் இயக்கத்தில் தனுஷ் நடித்த பொல்லாதவன் திரைப்படம் மிகப்பெரிய வெற்றி படமாக அமைந்தது. அடுத்து 2011 காலகட்டங்களில் வெளியான ஆடுகளம், வேங்கை, சீடன், மாப்பிள்ளை, மயக்கம் என்ன உள்ளிட்ட படங்கள் மிகப்பெரிய வெற்றியை பெற்றன.

இந்நிலையில் 2012ஆம் ஆண்டு ரஜினிகாந்தின் மகள், தனுஷின் மனைவி ஐஸ்வர்யா இயக்கத்தில் 3 என்ற படத்தில் நடித்தார். இந்தப் படத்தில் கமல்ஹாசனின் மகள் ஸ்ருதிஹாசன் நடித்திருந்தார்.

3 ஒரு புதிய இசை இயக்குனரை உலகிற்கு அறிமுகப்படுத்தியது. அவர் பெயர் அனிருத் ரவிச்சந்தர். இந்தப் படத்தில் கொலை வெறி பாடல் சர்வதேச அளவில் ஹிட் அடித்தது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“