'இட்லி கடை' இசை விழா: மகனுடன் சேர்ந்து டான்ஸ் ஆடிய தனுஷ்: வீடியோ

தனுஷ் இயக்கி நடித்துள்ள இட்லி கடை திரைப்படம் பெரிய எதிர்பார்ப்பை ஏற்படுத்தியுள்ள நிலையில், படத்தின் இசை வெளியீட்டு விழாவில், தனுஷ் மகன் லிங்கா மேடையில் வந்தது பலருக்கும் ஆச்சரியத்தை ஏற்படுத்தியது. இது குறித்த வீடியோ தற்போது இணையத்தில் வைரலாகி வருகிறது.

இந்த செய்தியை ஆங்கிலத்தில் படிக்க இங்கே க்ளிக் செய்யவும்

நடிகர் தனுஷ் 4-வது முறையாக இயக்கியுள்ள படம் இட்லி கடை.  தனுஷ் நடித்துள்ள இந்த படத்தில் நித்யா மேனன், சமுத்திரக்கனி, அருண் விஜய், பார்த்திபன், ராஜ்கிரண் உள்ளிட்ட பலர் நடித்துள்ளனர். இந்த திரைப்படத்தின் இசை வெளியீட்டு விழா, செப்டம்பர் 14 அன்று சென்னையில் நடைபெற்றது. இந்த நிகழ்வின் முக்கிய அம்சங்களில் ஒன்று, தனுஷ் தனது மூத்த மகன் லிங்காவுடன் மேடையில் தோன்றியதுதான்.

லுங்கி அணிந்து வந்த நடிகர்-இயக்குநரான தனுஷ், இசை அமைப்பாளர் ஜி.வி. பிரகாஷ் குமார் முன்னிலையில் தனது மகனுடன் நடனமாடிய வீடியோ ஒன்று சமூக வலைத்தளங்களில் வைரலாகி வருகிறது. இட்லி கடை" திரைப்படத்தை இயக்கியதுடன், அதன் இணை தயாரிப்பாளராகவும் மாறி இருக்கும் தனுஷ் இசை வெளியீட்டு விழாவில் இசையமைப்பாளர் ஜி.வி. பிரகாஷ் குமாருடன் இணைந்து மேடையில் நேரடி இசை நிகழ்ச்சியை நிகழ்த்தினார்.

View this post on Instagram

A post shared by A A K A S H A A K O (@life_of_aakash)

அப்போது, தனுஷும் அவரது மகன் லிங்காவும் திடீரென, படத்தின் “என்சாமி தந்தானே” என்ற பாடலுக்கு நடனமாடினர். இந்த நெகிழ்வான தருணம் லிங்கா தனது தந்தையை கட்டி அணைத்து, அவரது கால்களை தொட்டு வணங்கியபோது மேலும் உணர்ச்சிபூர்வமாக மாறியது. இட்லி கடை" திரைப்படம், தனுஷின் சொந்த கிராமத்தில் அவர் கண்ட குழந்தை பருவ அனுபவங்களை அடிப்படையாகக் கொண்டது.

இந்த நிகழ்வில் பேசிய தனுஷ், "என் குழந்தை பருவத்தில் இட்லி கடை மிகவும் முக்கியமான ஒரு அங்கம். சிறு வயதில் இட்லி வாங்க எங்களிடம் பணம் இருக்காது. அதனால் நானும் என் அக்கா, உறவினர்களும் சேர்ந்து வயல்களில் இருந்து பூக்களைப் பறித்து விற்றுப் பணம் சேர்ப்போம். தினமும் அதிகாலை 4 மணிக்கு எழுந்து இந்தப் பணியைச் செய்வோம். அப்படி கிடைத்த பணத்தில் வாங்கிய 4-5 இட்லிகளின் சுவைக்கு ஈடு இணையே இல்லை. அந்த இட்லி கடைக்கு நான் செலுத்தும் காணிக்கைதான் இந்தத் திரைப்படம்," என்று கூறினார். இப்படம் அக்டோபர் 1-ஆம் தேதி வெளியாகவுள்ளது.