தனுஷ் மகனுக்கு அபராதம் அடித்த போலீஸ்... காரணம் இதுதானாம்!

Dhanush: தமிழ் சினிமாவில் முன்னணி நடிகர்களில் ஒருவராக வலம் வருபவர் நடிகர் தனுஷ். இவருக்கும் நடிகர் ரஜினிகாந்தின் மகள் ஐஸ்வர்யாவுக்கும் கடந்த 2004ம் ஆண்டு திருமணம் நடைபெற்றது. இந்த தம்பதிக்கு யாத்ரா, லிங்கா என்ற இரண்டு மகன்கள் உள்ளனர். கடந்த ஒரு வருடமாக தனுஷ் மற்றும் ஐஸ்வர்யா ரஜினிகாந்த் கருத்து வேறுபாடு காரணமாக பிரிந்து வாழ்ந்து வருகின்றனர். 

இந்நிலையில், 17 வயதான தனுஷின் மூத்த மகன் யாத்ரா பைக் ஓட்டுவது போன்ற புகைப்படம் சமூக வலைதள பக்கங்களில் வெளியாகி சர்ச்சையை ஏற்படுத்தியுள்ளது. அவர் போயஸ் கார்டன் பகுதியில் ஹெல்மெட் அணியாமல் ஆர்.1.5 ரக பைக்கை பயிற்சியாளர் உதவியுடன் ஓட்டி பழகுவது போன்று அந்த புகைப்படத்தில் பதிவாகியுள்ளது.

இந்த புகைப்படம் இணையாயத்தில் வைரலானதைத் தொடர்ந்து போக்குவரத்து போலீசார் தனுஷின் வீட்டிற்கு நேரில் சென்று விசாரணை நடத்தினர். அதன்பேரில், ஹெல்மெட் அணியாமல் போக்குவரத்து விதிகளை மீறி இருசக்கர வாகனம் ஓட்டியதாக ரூ.1,000 அபராதம் விதித்து நடவடிக்கை மேற்கொண்டுள்ளனர்.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“