அப்பா பஸ் கண்டக்டர், அம்மா ஹவுஸ்வைஃப்; மாநகரம் அந்த கேரக்டர் நான் தான்: லோகேஷ் கனகராஜ்!

’மாநகரம்’ திரைப்படத்தின் மூலம் தமிழ் சினிமாவில் இயக்குநராக அறிமுகமானவர் லோகேஷ் கனகராஜ். இவரின் முதல் படமே பெரிய அளவில் பேசப்பட்டது. தொடர்ந்து, விஜய் நடிப்பில் வெளியான ’மாஸ்டர்’ , ‘கைதி’ போன்ற படங்களை இயக்கினார். இந்த படங்கள் எல்லாம் ரசிகர்கள் மத்தியில் அவருக்கான இடத்தை பெற்று தந்தது.

அதையடுத்து லோகேஷ் இயக்கிய ‘விக்ரம்’ திரைப்படம் மிகப்பெரிய ஹிட்டடித்தது. அதிலும், கமல்ஹாசன் சண்டைப்போடும் காட்சியில் கேமரா ஆங்கில் பார்ப்பதற்காகவே பலரும் அந்த படத்தை பார்த்தனர். இப்படம் பாக்ஸ் ஆபிஸில் வசூலை குவித்ததையடுத்து நடிகர் கமல்ஹாசன், லோகேஷ் கனகராஜ், சூர்யா, விஜய் சேதுபதி உட்பட பலருக்கு பரிசுகளை வழங்கினார்.

இதையடுத்து வெளியான ‘லியோ’ திரைப்படம் கலவையான விமர்சனத்தை பெற்றது. ‘லியோ’ படத்தின் திரைக்கதை லோகேஷ் கனகராஜ் எழுதியது போன்று இல்லை என்று பலரும் பல கருத்துக்களை தெரிவித்தனர். ஆனாலும் ‘லியோ’ திரைப்படம் பாக்ஸ் ஆபிஸில் பட்டையை கிளப்பியது. 

சமீபத்தில், லோகேஷ் கனகராஜ் இயக்கத்தில் ரஜினி நடிப்பில் வெளியான ‘கூலி’ திரைப்படம் மக்கள் மத்தியில் பெரும் எதிர்ப்பார்ப்பை ஏற்படுத்தியது. ஆனால், இது ரசிகர்களின் தாக்கத்தை பூர்த்தி செய்ததா என்றால் இல்லை என்று தான் கூற வேண்டும். படத்தில் பல இடங்களில் காட்சி பிழை உள்ளது என்றும் இன்னும் திரைக்கதையை வலுவப்படுத்தியிருக்கலாம் என்றும் ரசிகர்கள் கமெண்ட் செய்தனர்.

இப்படி பல வெற்றிகளையும் ஒரு சில தோல்விகளையும் சந்தித்த இயக்குநர் லோகேஷ் கனகராஜின் ‘கைதி 2’, ‘விக்ரம் 2’, ‘லியோ 2’ போன்ற படங்களுக்கு ரசிகர்கள் ஆர்வமுடன் காத்திருக்கின்றனர். இதற்கான அறிவிப்புகள் விரைவில் வெளியாகும் எதிர்பார்த்திருக்கின்றனர்.

தன் அடுத்தக்கட்ட படங்களின் திரைக்கதைகளில் பிசியாக இருக்கும் லோகேஷ் கனகராஜ், தொகுப்பாளர் கோபிநாத்தின் யூடியூப் சேனலுக்கு பேட்டியளித்துள்ளார். அதில், “என்னோட அப்பா பஸ் கண்டக்டர், அம்மா ஹவுஸ்வைஃப் தான். நான் தான் பேமிலி பத்தி பேசுனது இல்ல. அதனால் எங்கேயும் எதுவும் சொல்லமாட்டேன். நாங்க ஒரு ஸ்டேஷினரி கடை வச்சோம். அதுக்கு அப்பறம் மிடில் கிளாஸ் ஸ்டாண்டர்ட நல்ல மெயிண்டண்ட் பண்ற அளவுக்கு வசதி இருந்தது. 

எல்லாமே கிணத்து கடவு ஊர்ல தான் இருக்கிறது. எனக்கு என்ன வேணும்கிறது எனக்கே தெரியாது. கிட்டத்தட்ட ‘மாநகரம்’ படத்தில் வந்த ஸ்ரீ மாதிரி தான் நான். நான் தொழில் பண்ணலாம் என்று ஊட்டியில் போய் வேளாண் தொடர்பான வேலையெல்லாம் செஞ்சேன். ஆனா அது நடக்கல’ என்றார்.