பணமோசடி வழக்கு: நடிகை தமன்னாவிடம் அமலாக்கத்துறை விசாரணை

நடிகை தமன்னா ஒரு செயலி நிறுவனத்தின் நிகழ்வில், பிரபலம் என்ற முறையில் கலந்துகொண்டதற்காக சில நிதி பெற்றார். மேலும், அவர் மீது "குற்றச்சாட்டு" எதுவும் இல்லை என்று ஒரு வட்டாரம் கூறியது.

ஆங்கிலத்தில் படிக்க: ED questions actor Tamannaah Bhatia in money laundering case

தமன்னா பாட்டியா ஆப் நிறுவனத்தின் நிகழ்வில் "பிரபலமாக" தோன்றியதற்காக சில நிதிகளைப் பெற்றார், மேலும் அவர் மீது "குற்றச்சாட்டு" எதுவும் இல்லை என்று ஒரு ஆதாரத்தைப் பகிர்ந்துள்ளார்.

‘HPZ டோக்கன்’ செல்போன் செயலியுடன் தொடர்புடைய பணமோசடி வழக்கு விசாரணை தொடர்பாக அமலாக்க இயக்குனரகத்தால் நடிகை தமன்னா-விடம் விசாரணை நடத்தப்பட்டது.

‘HPZ டோக்கன்’ செல்போன் செயலியில் பல முதலீட்டாளர்கள் பிட்காயின்கள் மற்றும் வேறு சில கிரிப்டோகரன்சிகளை மைனிங் செய்வது என்று  ஏமாற்றியதாகக் கூறப்படும், ‘எச்பிஇசட் டோக்கன்’ செயலியுடன் தொடர்புடைய பணமோசடி வழக்கு விசாரணை தொடர்பாக நடிகர் தமன்னாவிடம் அமலாக்க இயக்குநரகம் குவஹாத்தியில் வியாழக்கிழமை விசாரணை நடத்தியது.

34 வயது நடிகை தமன்னாவின் வாக்குமூலம் பணமோசடி தடுப்புச் சட்டத்தின் (பி.எம்.எல்.ஏ) கீழ் அதன் மண்டல அலுவலகத்தில் பதிவு செய்யப்பட்டுள்ளதாக அமலாக்க இயக்குநரகம் தெரிவித்துள்ளது. இந்த செயலி நிறுவனத்தின் ஒரு நிகழ்வில் ‘பிரபலம்’ என்ற முறையில் பங்கேற்பதற்காக தமன்னா சில நிதிகளைப் பெற்றதாகவும், அவர் மீது "குற்றச்சாட்டு" எதுவும் இல்லை என்றும் வட்டாரங்கள் தெரிவித்தன. அவர் இதற்கு முன்பும் விசாரணைக்கு அழைக்கப்பட்டார், ஆனால், அவர் வேலை காரணமாக சம்மனை ஒத்திவைத்தார். மேலும், வியாழக்கிழமை ஆஜராக முடிவு செய்தார் என்று அவர்கள் தெரிவித்தனர்.

மார்ச் மாதம் இந்த வழக்கில் அமலாக்கத்துறை இயக்குநரகம் தாக்கல் செய்த குற்றப்பத்திரிகையில் 76 சீனக் கட்டுப்பாட்டில் உள்ள நிறுவனங்கள் உட்பட மொத்தம் 299 நிறுவனங்கள் குற்றம் சாட்டப்பட்டுள்ளன.

பணமோசடி வழக்கு கோஹிமா காவல்துறையின் சைபர் குற்றப்பிரிவின் எஃப்.ஐ.ஆர்-ல் இருந்து வருகிறது. இது பிட்காயின்கள் மற்றும் பிற கிரிப்டோகரன்சிகளை மைனிங் செய்வதன் மூலம் பெரிய வருமானத்தை உறுதியளித்து "ஏமாறக்கூடிய" முதலீட்டாளர்களை ஏமாற்றியதாக இந்திய தண்டனைச் சட்டம், தகவல் தொழில்நுட்பச் சட்டம் ஆகிய பிரிவுகளின் கீழ் பல்வேறு குற்றம் சாட்டப்பட்டவர்கள் மீது வழக்கு பதிவு செய்தது.

‘ஹெச்.பி.இசட் டோக்கன்’ (HPZ Token) செல்போன் செயலி செயலியைக் குற்றம் சாட்டப்பட்டவர்கள் முதலீட்டாளர்களை "ஏமாற்ற" பயன்படுத்தியதாக போலீசார் தெரிவித்தனர். வங்கி கணக்குகள் மற்றும் வணிகர் ஐ.டி-கள் பல்வேறு "ஷெல் நிறுவனங்களால்" குற்றத்தின் வருவாயை "அடுக்கு" செய்யும் நோக்கத்திற்காக "டம்மி" இயக்குனர்கள் மூலம் திறக்கப்பட்டதாக இ.டி கூறியது.

இந்த நிதிகள் சட்டவிரோத ஆன்லைன் கேமிங் மற்றும் பந்தயம் மற்றும் பிட்காயின் மைனிங்கிற்கான முதலீட்டிற்காக "மோசடியாக" பெறப்பட்டவை என்று இ.டி கூறியது.

ரூ. 57,000 முதலீட்டிற்கு, மூன்று மாதங்களுக்கு ஒரு நாளைக்கு ரூ. 4,000 வருமானம் தருவதாக உறுதியளிக்கப்பட்டது. ஆனால், பணம் ஒரு முறை மட்டுமே செலுத்தப்பட்டது, அதன் பிறகு குற்றம் சாட்டப்பட்டவர்கள் முதலீட்டாளர்களிடமிருந்து புதிய நிதியைக் கோரினர் என்று இ.டி தெரிவித்துள்ளது.

ரூ. 455 கோடி மதிப்பிலான அசையா சொத்துகள் மற்றும் டெபாசிட்களை பறிமுதல் செய்த இந்த வழக்கில், நாடு முழுவதும் இ.டி சோதனை நடத்தியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“