துப்பறிவாளனுக்கு இணையான கிரைம் - த்ரில்லர்... 41 விருதுகளை வென்ற இந்தப் படத்தை மிஸ் பண்ணாதீங்க!

இயக்குநர் ஸ்ரீஜித் முகர்ஜி இயக்கத்தில்  கடந்த 2011-ஆம் ஆண்டு வெளியான திரைப்படம் ’பைஷே ஸ்ரபோன்’. பெங்காலி  கிரைம் த்ரில்லரான இந்த படத்தில்  பாலிவுட் நடிகை ரைமா சென் முதன்மை கதாபாத்திரத்தில் நடித்துள்ளார். 

மேலும், அபிர் சாட்டர்ஜி. ப்ரோசென்ஜித் சாட்டர்ஜி, பரம்பிரதா சாட்டர்ஜி மற்றும் பலர் முக்கிய கதாபாத்திரத்தில் நடித்துள்ளனர். கொல்கத்தா நகரத்தின் பின்னணியில் அமைக்கப்பட்டுள்ள இந்த படம் 41 விருதுகளை வென்று சாதனை படைத்துள்ளது. 

அதாவது, கொல்கத்தாவில் நடக்கும் தொடர் கொலைகள் நகரத்தில் பரபரப்பை ஏற்படுத்தி உள்ளது. இந்தத் தொடர் கொலைகள் குறித்து கண்டறிய அபிஜித் பக்ராஷி என்ற காவல்துறை அதிகாரி களத்தில் இறங்குகிறார். 

ஆனால் இந்த வழக்கு தொடர்பாக அவருக்கு எந்த தகவலும் கிடைக்கவில்லை. இதனால், முன்னாள் காவல்துறை அதிகாரி புரோபிர் ராய் சவுத்ரியிடமிருந்து அவர் உதவி கேட்கிறார். அவரும் இதற்கு சம்மதித்து அபிஜித்துடன் சேர்த்து விசாரணையைத் தொடங்குகிறார்.

புரோபிர் முன்பு ஒரு என்கவுன்டர் ஸ்பெஷலிஸ்டாக இருந்தவர். இந்த விசாரணையின்போது, அவர்களுக்கு அதிர்ச்சியான பல தகவல்கள் கிடைக்கின்றன. இந்த தொடர் கொலைகளுக்குப் பின்னால் உள்ள மர்மம் என்ன? அந்த சைக்கோ கொலையாளி யார்? 

அவர் ஏன் இந்த கொலைகளை செய்தார்? போலீசார் அவரை எப்படி கைது செய்தார்கள்? இறுதியில் என்ன நடந்தது என்பது தான் இப்படத்தின் கதைக்களம். இந்த சைக்கலாஜிக்கல் த்ரில்லர் திரைப்படத்தை தற்போது மூன்று ஓ.டி.டி-களில் காணலாம்.

கிரைம் த்ரில்லர் படங்களை விரும்புவோர் இந்த படத்தை அமேசான் பிரைம், ஜியோ ஹாட்ஸ்டார் மற்றும் ஹோய்சோய் ஆகிய ஓ.டி.டி. தளங்களில் பார்த்து மகிழலாம். துப்பறியும் வேலையை மையமாக வைத்து இயக்கப்பட்ட  ’பைஷே ஸ்ரபோன்’ திரைப்படமானது ரிலீஸான போது மிகப்பெரும் வரவேற்பை பெற்றது குறிப்பிடத்தக்கது.

பொதுவாக ரசிகர்கள் கிரைம் த்ரில்லர் படங்களை மிகவும் ஆர்வமுடன் பார்க்கின்றனர். இதனால், தமிழ் மட்டுமல்லாமல் அனைத்து மொழிகளிலும் தற்போது கிரைம் த்ரில்லர் திரைப்படங்கள் இயக்கப்படுகின்றனர். சில திரைப்படங்கள் மற்ற மொழிகளில் எடுக்கப்பட்டு வரவேற்புக்கு பிறகு பான் இந்தியா மொழிகளில் டப்பிங் செய்யப்படுகிறது.