நான் நடிச்ச தப்பான சீரியல் இதுதான், எனக்கு பல லட்சம் சம்பள பாக்கி இருக்கு; ஹீரோவுடன் மனக்கசப்பு பற்றி பேசிய சீரியல் நடிகை!

சுபத்ரா, தமிழ் தொலைக்காட்சி துறையில் நன்கு அறியப்பட்ட நடிகை. இவர் முதன்மையாக தொலைக்காட்சித் தொடர்களில் நடித்து வருகிறார். "ஒரு ஊர்ல ஒரு ராஜகுமாரி" போன்ற சீரியல்களில் நடித்துள்ளார். மாடலிங் துறையில் இருந்து தனது கலைப்பயணத்தைத் தொடங்கிய சுபத்ரா, பல தொலைக்காட்சி விளம்பரங்களிலும் தோன்றியுள்ளார். இவரின் கதாப்பாத்திரம் மக்களுக்கும் மிகவும் பிடிக்கும். சமீப காலங்களில், தான் நடித்த சில தொடர்களில் தனக்கு ஏற்பட்ட அனுபவங்களைப் பற்றியும், கதாபாத்திரங்களில் ஏற்பட்ட மாற்றங்கள் குறித்தும் டெலி விகடனுக்கு அளித்த பேட்டியிலும் வெளிப்படையாகப் பேசியுள்ளார்.

பூவே உனக்காக என்ற ஒரு தொலைக்காட்சி தொடரில் சித்தி என்ற கதாபாத்திரத்தில் நடித்த சுபத்ரா அந்த சீரியல் அனுபவம் அவருக்கு ஒரு மறக்க முடியாத அனுபவம் என்று கூறுகிறார். அந்தத் தொடரில் நடித்ததற்காக அவருக்கு பல லட்சம் ரூபாய் சம்பளம் இன்னும் முழுமையாகக் கொடுக்கப்படவில்லை என்றும், இது அவருக்கு மட்டுமல்ல, அந்தத் தொடரில் பணியாற்றிய பலருக்கும் ஏற்பட்ட பிரச்சனை என்றும் கூறுகிறார்.

ஆரம்பத்தில் அவருக்குக் கூறப்பட்டிருந்த கதாபாத்திரம், பின்னர் மாற்றியமைக்கப்பட்டது என்றும், மேலும் அது கொரோனா காலக்கட்டம் என்றும் தெரிவித்தார். மேலும் இந்த சீரியல் அவருக்கு ஏமாற்றத்தை அளித்தது என்றும் குறிப்பிடுகிறார். அந்த சீரியலின்போது நடிகர் அசீம் குறித்து தான் முன்பு பேசியது ஒரு சர்ச்சையாக மாறியது குறித்தும் பேசுகிறார். ஒரு நிகழ்ச்சியில் அசீம் தன்னிடம் சரியாக நடந்து கொள்ளாதது வருத்தமளிப்பதாகவும், இருப்பினும் அதை கடந்து செல்ல முடிவு செய்ததாகவும் குறிப்பிடுகிறார். அவர் பேசும் போது, அசீம் தனது பாட்டி உடல்நிலை சரியில்லாமல் இருந்தபோது உதவ முன்வந்ததையும் நினைவுகூர்ந்தார்.

ஆரம்பத்தில் கதாபாத்திரத்தின் தன்மை குறித்து ஒரு புரிதல் இருந்ததாகவும், ஆனால் நாட்கள் செல்லச் செல்ல அது மாற்றப்பட்டதாகவும் கூறினார். மேலும், படப்பிடிப்பு தளத்தில் ஒரு நடிகருடன் ஏற்பட்ட வாக்குவாதம் குறித்தும் அவர் விளக்கமளித்தார். மேலும் இதில் உங்கள் கதாப்பாத்திரம்தான் முக்கியம் என்றும் கூறப்பட்டதாக தெரிவித்தார். இந்த சம்பவங்களால், அவர் தான் எதிர்பார்த்த ஊதியம் கூட முழுமையாக கிடைக்காமல் போனதாகக் குறிப்பிட்டார்.