Advertisment

’லிங்கா’ படத் தயாரிப்பாளர் ராக்லைன் வெங்கடேஷ் மாலுக்கு சீல்

திரைப்பட தயாரிப்பாளர் ராக்லைன் வெங்கடேஷூக்குச் சொந்தமான மாலுக்கு சீல்; ரஜினி நடித்த லிங்கா மற்றும் சல்மான் கான் படங்களை தயாரித்தவர்

author-image
WebDesk
New Update
rockline mall

ராக்லைன் வெங்கடேஷூக்குச் சொந்தமான மாலுக்கு சீல் (எக்ஸ்பிரஸ் புகைப்படம்)

Listen to this article
0.75x 1x 1.5x
00:00 / 00:00

12 ஆண்டுகளாக சொத்து வரி செலுத்தாததால் கன்னட திரைப்பட தயாரிப்பாளர் ராக்லைன் வெங்கடேஷுக்கு சொந்தமான ராக்லைன் மாலுக்கு பெங்களூரு மாநகராட்சி அதிகாரிகள் புதன்கிழமை சீல் வைத்தனர்.

Advertisment

ஆங்கிலத்தில் படிக்க: Film producer Rockline Venkatesh’s mall sealed in Bengaluru; property tax pending for 12 years

டி.தாசரஹள்ளியில் அமைந்துள்ள வணிக வளாகத்திற்கு, மண்டல கமிஷனர் உட்பட, மாநகராட்சி உயர் அதிகாரிகள் நேரில் சென்று, கோரிக்கை நோட்டீஸ் பெற்றும், உரிமையாளர் நிலுவைத் தொகையை செலுத்தாததால், வளாகத்தை பூட்டினர்.

மாநகராட்சி அதிகாரிகள் கூறுகையில், ராக்லைன் மால் 2011-12 முதல் 2022-23 வரையிலான ஆண்டுகளுக்கான நிலுவைத் தொகையாக ரூ.11.51 கோடி செலுத்த வேண்டும்.

இந்த மால் 2011 ஆம் ஆண்டு அப்போதைய கர்நாடக உள்துறை அமைச்சர் ஆர்.அசோகாவால் தொடங்கப்பட்டது.

சொத்து வரி செலுத்தாததால் வணிக வளாகங்களுக்கு மாநகராட்சி அதிகாரிகள் சீல் வைப்பது இது முதல் முறை அல்ல. கடந்த ஆண்டு டிசம்பரில், மாநகராட்சிக்கு சொத்து வரியாக ரூ.51 கோடி செலுத்தத் தவறியதால் மந்திரி மாலுக்கு சீல் வைக்கப்பட்டது.

ராக்லைன் வெங்கடேஷ் 2015 ஆம் ஆண்டு சல்மான் கான் நடித்த சூப்பர் ஹிட் படமான பஜ்ரங்கி பைஜான்படத்தின் இணை தயாரிப்பைத் தவிர, பல சிறந்த கன்னடத் திரைப்படங்களைத் தயாரித்துள்ளார். மேலும் தமிழில் தம், மஜா படங்களுடன் ரஜினிகாந்த் நடித்த லிங்கா படத்தையும் தயாரித்துள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Bengaluru Rajinikanth
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment