தலைவன் தலைவி டூ மாரீசன் வரை... இந்த வார ஓ.டி.டி ரிலீஸ்; மிஸ் பண்ணாதீங்க!

தமிழ், தெலுங்கு, ஆங்கிலம், ஜெர்மன், தாய், துருக்கி, பிரேசிலிய மற்றும் கொரிய மொழிகளில் வெளியாகும் இந்த வரிசை, ஒவ்வொரு ரசிகரின் ரசனையும் பூர்த்தி செய்யும் வகையில் அமைந்துள்ளது.

ஓ.டி.டி யில் ஒவ்வொரு வாரமும் புதிய படங்கள் மாற்றும் தொடர்கள் ரிலீஸ் ஆகி வருகிறது. அந்த வகையில் இந்த வாரம் குடும்பத்துடன் பார்த்து ரசிக்க எந்தெந்த படங்கள் ரிலீஸ் ஆகி உள்ளது என்று பார்ப்போம்.

பிரைம் வீடியோவில், தற்போது ‘மிஷன்: இம்பொசிபிள் – தி பைனல் ரெசிகோனிங்’ (ஆங்கிலம் மற்றும் பிற மொழிகளில்) வாடகைக்கு வழங்கப்படுகிறது. உலகளவில் பிரபலமான இந்த அதிரடி சாகசத் திரைப்படம், டாம் குரூஸ் ரசிகர்களுக்கு ஒரு அருமையான அனுபவத்தை தருகிறது.

ஆகஸ்ட் 19

ஆகஸ்ட் 19ஆம் தேதி, பிரைம் வீடியோவில் வாடகைக்கு ‘தி பேட் கைஸ்’, ‘எளியோ’, ‘பாமிலியார் டச்’ மற்றும் ‘ஹவுஸ் ஆன் ஈடன்’ ஆகிய ஆங்கில படங்கள் வெளியாகின்றன. குழந்தைகள் முதல் பெரியவர்கள் வரை ரசிக்கும் படி இருக்கும் இந்த படங்கள். 

ஆகஸ்ட் 20

ஆகஸ்ட் 20ஆம் தேதி, இரு புதிய தலைப்புகள் வெளிவருகின்றன — ‘தி மேப் தட் லீட்ஸ் டு யு’ (ஆங்கிலம் மற்றும் பல மொழிகளில்), இது காதலையும் வாழ்க்கையின் பயணத்தையும் பின்னணியாகக் கொண்ட ஓர் உணர்வுப்பூர்வமான படம். அதேநேரத்தில், பிரேசிலிய தொலைக்காட்சி தொடரான ‘ரிவர்ஸ் ஒப் பேட்’ நெட்ஃபிளிக்ஸில் வெளியாகிறது, இது குடும்ப உறவுகள் மற்றும் சமூக சம்பந்தப்பட்ட நுணுக்கங்களை சொல்லும் உணர்வுமிக்க தொடர்.

ஆகஸ்ட் 21

ஆகஸ்ட் 21ஆம் தேதி, ஜியோ சினிமா/டிஸ்னி+ ஹாட்ஸ்டாரில் ‘தி ஆல்டோ நைட்ஸ்’ படம் வெளியாகுகிறது. இதனுடன், நெட்ஃபிளிக்ஸில் ‘ஹோஸ்டேஜ்’ (பிரிட்டிஷ் தொடர்), ‘பால் பார் மீ’ (ஜெர்மன்), ‘வெல்கம் டு சடன் டெத்’, ‘ஒன் ஹிட் ஒண்டெர்’, மற்றும் ‘கோல்ட் ரஷ் காங்' (தாய்) ஆகிய படங்கள் வெளியாகின்றன. இவை அனைத்தும் வித்தியாசமான கதைக்களங்களை கொண்டதாக உள்ளன — ஒரு பக்கம் சஸ்பென்ஸ், மற்றொரு பக்கம் காதலும் காமெடியும் கலந்த கலவைகள்.

ஆகஸ்ட் 22

ஆகஸ்ட் 22ஆம் தேதி, தமிழ் ரசிகர்களுக்காக இரு பெரிய படங்கள் வெளியாகின்றன – ‘தலைவன் தலைவி’ (பிரைம் வீடியோ) மற்றும் ‘மாரீசன்’ (நெட்ஃபிளிக்ஸ்). அதேநேரத்தில் தெலுங்கில் ‘கோத்தபல்லிலோ ஓக்கப்புடு’ (ஆஹா), ஆங்கிலத்தில் ‘எப்1: தி மூவீ’ (பிரைம் வீடியோ வாடகை), சாகசம் மற்றும் நகைச்சுவையை கலந்த ‘பீஸ் மேக்கர்’ சீசன் 2 (ஹாட்ஸ்டார்), விமர்சன ரீதியாக பாராட்டப்பட்ட ‘ஹாட் மில்க்’ (மியூபி), கொரிய தொடரான ‘ஏமா’ மற்றும் துருக்கி மொழியில் ‘அபான்டோனெட் மேன்’ ஆகியவை நெட்ஃபிளிக்ஸில் வெளியாகின்றன. மேலும் குழந்தைகள் மற்றும் குடும்பத்திற்கேற்ற ‘நைட் ஒப் தி சூபொக்காலிப்ஸ்’ என்ற அனிமேஷன் திரைப்படமும் பீகாக் தளத்தில் வெளியாகிறது.

ஆகஸ்ட் 23

ஆகஸ்ட் 23ஆம் தேதி, நெட்ஃபிளிக்ஸில் ‘ஆன் ஸ்விப்ட் ஹார்சஸ்’ என்ற ஆங்கில திரைப்படம் வெளியாகிறது. காதலும் சிந்தனையூட்டும் தருணங்களும் நிறைந்த இந்தப் படம், திரைப்பட ரசிகர்களிடையே தாக்கம் ஏற்படுத்தக்கூடியது என எதிர்பார்க்கப்படுகிறது.

ஆகஸ்ட் 24

ஆகஸ்ட் 24ஆம் தேதி, நீண்ட நாட்களாக ரசிகர்கள் ஆவலுடன் எதிர்நோக்கிய ‘தி கில்லர்’ (ஆங்கிலம்) நெட்ஃபிளிக்ஸில் வெளியாக உள்ளது. குற்றம், சஸ்பென்ஸ் மற்றும் சைக்கலாஜிக்கல் திரில்லர் கொண்ட இந்த திரைப்படம் ஒரு வித்தியாசமான பார்வையை தரவிருக்கிறது.

மொத்தத்தில், இந்த வாரம் ஓடிடி தளங்களில் வெளியாகும் உள்ளடக்கங்கள் ரசிகர்களுக்கு எந்த ஜானரிலும் விருப்பமிருந்தாலும், வீட்டில் இருந்தபடியே தரமான விஷயங்களை அனுபவிக்கக் கூடிய அரிய வாய்ப்பை அளிக்கின்றன.

உலகம் முழுவதும் உள்ள மொழிகளிலும் கதைகளிலும் உருவாகியுள்ள இந்த படைப்புகள், பார்வையாளர்களின் ரசனையை திருப்திப்படுத்துவதில் உறுதியானவை.