OTT: ஓ.டி.டி-யில் வரிசை கட்டும் ஆக்சன், திரில்லர் படங்கள்... இந்த வாரம் மிஸ் பண்ணாதீங்க!

ஒவ்வொரு வாரமும் நம் பார்வையை திருப்பவாறு பல புதிய திரைப்படங்கள் மற்றும் வெப் தொடர்கள் உலகின் முன்னணி ஓடிடி தளங்களில் வெளியாகி வருகின்றன. கதைகளின் பரந்த விரிவும், படைப்பாற்றலின் புதிய பரிமாணங்களும் கொண்ட இந்த வெளியீடுகள், பார்வையாளர்களை மெய்மறக்கச் செய்கின்றன.

இந்த பதிவில், இந்த வாரம் (ஆகஸ்ட் 4வது வாரம்) ஓடிடி தளங்களில் வெளியாக உள்ள முக்கியமான தென்னிந்திய திரைப்படங்கள் எவை? எந்த மொழியில்? எந்த ஓடிடி தளத்தில்? என்றெல்லாம் விரிவாக பார்ப்போம்.

உங்களுக்குப் பிடித்த மொழியில், வீட்டிலிருந்தபடியே பார்வையிடக்கூடிய இந்த புதிய படங்களை பற்றி தெரிந்து கொள்ள தயாராகுங்கள்!

‘சூத்ரவாக்யம்’ - (லயன்ஸ்கேட்பிளே)

நடிகர் ஷைன் டோம் சாக்கோ முக்கிய கதாபாத்திரத்தில் நடித்த மலையாளத் திரில்லர் திரைப்படம் ‘சூத்ரவாக்யம்’, கடந்த ஜூலை மாதத்தில் திரையரங்குகளில் வெளியானது. வெளியானதும் ரசிகர்கள் மற்றும் விமர்சகர்களிடையே நல்ல வரவேற்பைப் பெற்ற இந்த படம், தற்போது ஆகஸ்ட் 21ஆம் தேதி லயன்ஸ்கேட்பிளே ஓடிடி தளத்தில் வெளியாகியுள்ளது.

‘ஹரி ஹாரா வீர மல்லு’ - (அமேசான் பிரைம் வீடியோ)

பவன் கல்யாண், நிதி அகர்வால் மற்றும் பாபி தியோல் முக்கிய கதாபாத்திரங்களில் நடித்த தெலுங்குப் படம் ‘ஹரி ஹாரா வீர மல்லு’, ரூ.300 கோடி செலவில் மிகுந்த பிரமாண்டமாக உருவாக்கப்பட்டது. உலகம் முழுவதும் வெளியான இப்படம், விமர்சகர்களிடமிருந்து கலவையான எதிர்வினைகளை பெற்றது. வசூல் விஷயத்தில், இப்படம் உலகளவில் சுமார் ரூ.116 கோடி மட்டுமே சம்பாதித்தது.

தியேட்டரில் வெளியான பின்னர், இந்த திரைப்படம் ஆகஸ்ட் 20ஆம் தேதி அமேசான் பிரைம் வீடியோ ஓடிடி தளத்தில் வெளியாகியுள்ளது.

'கோத்தபல்லிலோ ஓக்கப்புடு' - (ஆஹா)

'கோத்தபல்லிலோ ஓக்கப்புடு' எனும் காமெடி, திரில்லர் மற்றும் டிராமா கலந்த தெலுங்கு திரைப்படம், கடந்த ஜூலை மாதத்தில் திரையரங்குகளில் வெளியானது. தற்போது, இந்த படம் நாளை (ஆகஸ்ட் 22) தேதி ஆஹா ஓடிடி தளத்தில் வெளியிடப்பட இருக்கிறது.

‘மாரீசன்’ - (நெட்பிளிக்ஸ்)

வடிவேலு மற்றும் பகத் பாசில் நடித்த ‘மாரீசன்’ திரைப்படம், கடந்த ஜூலை மாதம் திரையரங்குகளில் வெளியாகி பெரும் எதிர்பார்ப்பை ஏற்படுத்தியது. ஆனால், எதிர்பார்ப்புக்கு ஏற்ப படம் சாதனை படைக்கவில்லை; விமர்சகர்களிடமிருந்து கலவையான விமர்சனங்கள் மட்டுமே பெற்றது.

சுமார் ரூ.15 கோடி பட்ஜெட்டில் உருவான இப்படம், வெளியானபின் ரூ.7 கோடியைத் தாண்டாத அளவிலேயே வசூல் செய்ததாக கூறப்படுகிறது. இந்நிலையில், 'மாரீசன்' திரைப்படம் நாளை (ஆகஸ்ட் 22) நெட்பிளிக்ஸ் ஓடிடி தளத்தில் வெளியாக இருக்கிறது.

‘தலைவன் தலைவி’ - (அமேசான் பிரைம் வீடியோ)

பாண்டிராஜ் இயக்கத்தில், விஜய் சேதுபதி மற்றும் நித்யா மேனன் முக்கிய வேடங்களில் நடித்த ‘தலைவன் தலைவி’ திரைப்படம், வெளியானதும் பெரிய வெற்றியைப் பெற்றது. ரூ.25 கோடி பட்ஜெட்டில் தயாரிக்கப்பட்ட இந்த படம், வெளியான பிறகு ரூ.75 கோடிக்கு மேல் வசூல் செய்து, மாபெரும் ஹிட் என அழைக்கப்பட்டது.

குடும்ப ரசிகர்களிடையே சிறந்த வரவேற்பை பெற்ற இப்படம், நாளை (ஆகஸ்ட் 22) அமேசான் பிரைம் வீடியோ ஓடிடி தளத்தில் வெளியாக உள்ளது.

இந்த படங்களையெல்லாம் இந்த வீக் எண்டில் உங்கள் குடும்பத்தினருடன் பார்த்து மகிழுங்கள்.