விஜய், சிம்புக்கு ஜோடியாக நடித்தவர்கள்; இருவரும் வாரிசு நடிகைகள்: இந்த இணை பிரியா தோழிகள் யார் தெரியுமா?

சினிமா உலகில், சில நட்சத்திரங்கள் திறமையால் மட்டுமல்லாமல், தலைமுறை தலைமுறையாக தொடரும் நட்பாலும் ரசிகர்களைக் கவர்கிறார்கள். அந்த வகையில், தற்போது இரண்டு நடிகைகளின் புகைப்படங்கள் இணையத்தில் வைரலாகி வருகிறது. இருவரும் சிறுவயதில் இருந்து நண்பர்கள் மட்டுமின்றி சினிமாவிலும் தனக்கென்று தனி ரசிகர் பட்டாளத்தை வைத்துள்ளனர். மேலே உள்ள புகைப்படத்தில் இருக்கும் நடிகைகள் யார் என்று கண்டுபிடிக்க முடிகிறதா? 

மேலே உள்ள புகைப்படத்தில் உள்ள நடிகைகள் கீர்த்தி சுரேஷ் மற்றும் கல்யாணி பிரியதர்ஷன் ஆகியோர்தான். இருவரின் நட்பு, திரையுலகில் ஒரு சிறப்பு இடத்தைப் பிடித்துள்ளது. சிறுவயதிலிருந்தே இருவரும் நெருங்கிய தோழிகளாக இருந்து வருகின்றனர்.

கீர்த்தி சுரேஷ், புகழ்பெற்ற தயாரிப்பாளர் சுரேஷ் குமார் மற்றும் நடிகை மேனகாவின் மகள். தென்னிந்திய சினிமாவில் முன்னணி கதாநாயகியாக உயர்ந்திருக்கும் கீர்த்தி, பல வெற்றிப் படங்களில் நடித்துள்ளார். சமீபத்தில், தனது நீண்டகால நண்பரான ஆண்டனியை அவர் காதலித்து திருமணம் செய்துகொண்டார். "மரகதமணி" என்ற படத்தில் இவர்களின் காதல் மலர்ந்ததாக கூறப்பட்டது. திருமணத்திற்குப் பிறகு கீர்த்தியின் அடுத்த படங்களுக்காக ரசிகர்கள் ஆவலுடன் காத்திருக்கின்றனர். அவர் தற்போது "ரிவால்வர் ரீட்டா" மற்றும் "அக்கா" என்ற வெப் தொடரில் நடித்து வருவதாக தகவல்கள் தெரிவிக்கின்றன.

மறுபுறம், இயக்குனர் பிரியதர்ஷன் மற்றும் நடிகை லிஸ்ஸியின் மகள் கல்யாணி பிரியதர்ஷன். 2017-ஆம் ஆண்டு, தெலுங்குத் திரையுலகில் "ஹலோ" என்ற படத்தின் மூலம் நடிகையாக அறிமுகமானார். அந்தப் படம் பெரிய அளவில் வெற்றி பெறவில்லை என்றாலும், கல்யாணியின் நடிப்பு பாராட்டுகளைப் பெற்றது. "சித்ராலஹரி" போன்ற படங்களில் அவர் நடித்தது அவரது திறமையை மீண்டும் நிரூபித்தது. தற்போது, மலையாளம் மற்றும் தமிழ் படங்களில் கல்யாணி நடித்து வருகிறார்.

View this post on Instagram

A post shared by Keerthy Suresh (@keerthysureshofficial)

இருவரின் குடும்ப பின்னணியும், அவர்களது திரையுலக வாழ்க்கையும் ஒரே மாதிரியாக உள்ளது. இருவருமே பிரபலங்களின் வாரிசுகள், திறமையான நடிகைகள், மற்றும் அவர்களின் நட்பு பல ஆண்டுகளாக தொடர்கிறது. ஒருவருக்கொருவர் ஆதரவு கொடுத்து, தங்களது பயணத்தில் முன்னேறி வருகின்றனர். இந்த அழகான நட்பு, இருவரின் தனிப்பட்ட மற்றும் தொழில்முறை வாழ்க்கையில் ஒரு முக்கியப் பங்களிப்பை அளித்துள்ளது.