![Aniruth Ravichandar](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/ETc2ktvaNmLavUJqJ7ki.jpg)
அனிருத்தின் திறமையான பின்னணி இசை மற்றும் தலைப்பு தீம் டிராக்குகள், திரைப்படங்கள் முழுவதும் அடிக்கடி பயன்படுத்தப்படுகின்றன,
பலதரப்பட்ட கலை வடிவங்களின் கலையாக உள்ள சினிமாவில், சரியான மனநிலையை நிலைநிறுத்துவதற்கும் திரையில் சித்தரிக்கப்படும் காட்சிகளின் உணர்ச்சிகளை அதிகரிப்பதற்கும் இசை முக்கியப் பங்கு வகிக்கிறது. இசை என்ற சொல் பாரம்பரிய எல்லைகளுக்கு அப்பாற்பட்டு, சுற்றுப்புற ஒலிகள் கூட காட்சிகளை தாளமாக மேம்படுத்தி, விரிவான மற்றும் அதிவேக அனுபவத்தை அளிக்கும். குறிப்பாக இந்திய படங்களுக்கு இசை மிகவும் முக்கிய பங்கு வகிக்கிறது.
பொதுவாக இந்திய படங்களில் பாடல்களும் இசையும் கதைகளின் முக்கிய பங்காக மட்டுமல்லாமல், ஒரு திரைப்படத்தின் வேகத்தை அதிகரிக்கவும், ஒரு காட்சியில் இருந்து மற்றொரு காட்சிக்கு ரசிகர்களை கொண்டு செல்வதற்கும் இசைய முக்கியமாக உள்ளது. இதனால் ஒரு படம் பற்றிய அறிவிப்பு வெளியாகும்போது அந்த படத்தின் இசையமைப்பாளர் யார் என்றும் ரசிகர்கள் மத்தியில் ஆர்வம் தொற்றிக்கொண்டு வருகிறது. இந்த நிலை தற்போதைய சினிமாவில் அதிகரித்து வருவதற்கு முக்கிய காரணமாக அனிருத் உள்ளார்.
கடந்த 2012 ஆம் ஆண்டு வெளியான தனுஷின் 3 படத்தின் மூலம் தனது இசை பயணத்தை தொடங்கிய அனிருத், அந்த படத்தில், ‘’ஒய் திஸ் கொலவெறி டி” பாடல் புதிய மாற்றத்தை ஏற்படுத்தியது என்று சொல்லலாம். இந்த பாடல் ஒரு இசைக் களியாட்டமாக இல்லை என்றாலும், பாடலின் தங்கிலிஷ் வரிகள் மற்றும் ஆற்றல்மிக்க இசையமைப்பால் மில்லியன் கணக்கான பார்வையாளர்களை கவர்ந்து இளைஞர்கள் மத்தியில் நல்ல வரவேற்பை பெற்றது. அதேபோல் அனிருத்-க்கு தமிழ் சினிமாவில் பெரிய அறிமுகத்தையும் கொடுத்தது.
அன்று முதல் அனிருத் தமிழ் சினிமாவில் வேகமாக வளர்ந்து வருகிறார். ஒவ்வொரு படத்திலும், அனிருத் ஆத்மார்த்தமான மெல்லிசைகளை வடிவமைப்பதில் தனது திறமையை வெளிப்படுத்தி வருகிறார். சுருக்கமாகச் சொன்னால், “மாரி தாரா லோக்கல்”க்கும், 3 படததில் இடம் பெற்ற “நீ பார்த்த விழிகள்” பாடலையும் சொல்லலாம். ஒன்று உணர்ச்சி பெருக்கின் வெளிப்பாடு, மற்றொன்று கொண்டாட்டத்தின் உச்சம்.
இவை அனைத்திற்கும் மத்தியில், திரைப்படங்கள் முழுவதும் அடிக்கடி பயன்படுத்தப்படும் தாக்கத்தை ஏற்படுத்தும் பின்னணி இசை, டைட்டில் தீம் உருவாக்குவதில் அவரது திறமை தற்போது அதிகம் பேசப்பட்டு வருகிறது. சூப்பர் ஸ்டார் ரஜினிகாந்த் மற்றும் பாலிவுட்டின் பாட்ஷா ஷாருக்கான் முதல் 'தளபதி' விஜய் மற்றும் தனுஷ் வரை, அனிருத் பல பெரிய நடிகர்களின் படங்களுக்கு சிறப்பான தீம் இசையை கொடுத்துள்ளார். இவர் கொடுத்துள்ள அந்த இசை முன்னணி நடிகர்களுக்கு ஒரு முக்கிய தீமாக மாறியுள்ளன.
சமீபத்தில் ஃபிலிம் கம்பானியன் உடனான சமீபத்திய நேர்காணலில், அனிருத், சூப்பர் ஸ்டார்களுக்கான பாடல்கள் அல்லது பின்னணி இசையை உருவாக்கும் போது, முதலில் ஒரு ரசிகனாகவும், பின்னர் ஒரு இசையமைப்பாளராகவும், இரு கண்ணோட்டங்களுக்கிடையில் சமநிலையை ஏற்படுத்துவதை நோக்கமாகக் கொண்டு அவர்களை எப்படி அணுகுவது என்று கூறியிருந்தார். பெரிய நட்சத்திரங்களுக்காக அவர் இசையமைத்துள்ள பெரும்பாலான பின்னணி இசை மற்றும் தலைப்புப் பாடல்களில் இந்த அணுகுமுறை தெளிவாகப் பிரதிபலிக்கிறது. மேலும் படம் வெளியாகி நீண்ட நாட்களுக்குப் பிறகு அவர் கொடுத்த தீம் இசை ரசிகர்கள் மத்தியில் வரவேற்பை பெற்று வருகிறது. ஒவ்வொரு நட்சத்திரத்திற்கும், அவர்களின் ரசிகர்கள் மிகவும் விரும்பும் ஒரு தனித்துவமான அம்சம் அல்லது தரம் உள்ள பாடல்களை கொடுத்து வரும் அனிருத் இந்த அம்சத்தை திறமையாக பயன்படுத்தி தாக்கத்தை ஏற்படுத்தும் பின்னணி இசையை உருவாக்கி வருகிறார்.
சினிமாவில் அறிமுகமான சமயத்தில் அனிருத் கொடுத்த குறிப்பிடத்தக்க பின்னணி இசையில் வேலையில்லா பட்டதாரி படத்தை சொல்லலாம். ஒளிப்பதிவாளர் வேல்ராஜ் இயக்கிய இந்த படத்தில் தனுஷ், அமலாபால் சமுத்திரக்கனி சரண்யா உள்ளிட்ட பலர் நடித்திருந்தனர். இந்த தனுஷ் தனது நடிப்புத் திறமைக்காக அறியப்பட்டாலும், அவரது காட்சிகளுக்கான பின்னணி இசையில் அனிருத் அசத்தியிருந்தார். அனிருத் இந்த படத்திற்கான பின்னணி இந்த படத்தின் வெற்றிக்கு முக்கிய காரணமாக இருந்தது.
அதன்பிறகு பாலாஜி மோகனின் இயக்கத்தில் தனுஷ்-நடித்த மாரி (2015) படத்திலும் இதே பின்னணி இசை மற்றும் தீம் இசையில் ஸ்கோர் செய்திருந்தார். "மாரி தாரா லோக்கல்" பாடலில் "இந்தா ஹே இந்தா ஹே" குரல் பிட், அதன் ட்யூன் திரைப்படம் முழுவதும் பல காட்சிகளில் திரும்பத் திரும்ப வருகிறது, மேலும் ரஜினிகாந்த் போன்ற ஒரு வெல்ல முடியாத நட்சத்திரமாக தனுஷை சித்தரிப்பது போன்ற இந்த பின்னணி இசை ரசிகர்களை கொண்டாட வைத்தது,
விஜய், அஜித் படங்களில்
அதன்பிறகு விஜய் படத்தில் இணைந்த அனிருத் இதில் வித்தியாசமான பின்னணி இசையை கொண்டு வந்தார். கடந்த 2014-ம் ஆண்டு ஏ.ஆர்.முருகதாஸின் இயக்கத்தில் வெளியான கத்தி படத்தின் தீம் இசையில், கத்திகள் மோதும் சத்தத்தைத் தொடர்ந்து, பின்னணியில் உற்சாகமாக "ஏய்!" என்ற ஒரு கோரஸ் கேட்கும். இது விஜய்யின் கணிசமான ரசிகர் பட்டாளத்தை குறிப்பிட்டு காட்டுவதுடன், அவர் திரையில் தோன்றும்போது அவர் பெறும் உற்சாகமான வரவேற்பை சுட்டிக்காட்டும் வகையில் அமைந்திருந்தது. திரைப்படத்தில் விஜய்க்காக உருவாக்கப்பட்ட ஒவ்வொரு பின்னணி டிராக்கிலும், பாஷாவில் ரஜினிகாந்தின் பின்னணியில் உற்சாகத்துடன் ஒரே மாதிரியான கோரஸுடன் அதிக டெம்போ இடம்பெற்றிருக்கும்.
லோகேஷ் கனகராஜின் மாஸ்டர் (2021) இல், விஜய்யின் ‘தளபதி’ அந்தஸ்துடன் எதிரொலிக்கும் வகையில் கவனமாக இசையமைக்கப்பட்ட மற்றும் வார்த்தைகளுடன், உற்சாகமான கோரஸுடன், அனிருத் அதிக குரல்களை இணைந்திருந்தார். அறிவின் "என்னை மாஸ்டர், மாத்திரங்கள் வரும் வேகமாக" மற்றும் "அண்ணா பண்ணும் அதிரடி, வாத்தி யாரு, தளபதி" என்ற குரல்கள் அவரது ரசிகர்களுக்கு வித்தியாசமான அனுபவத்தை கொடுத்தது. அடுத்து நெல்சனின் பீஸ்ட் (2022) மிகவும் ஸ்டைலான பின்னணி டிராக்கைக் கொண்டிருந்தாலும், விஜய்யின் முன்னாள் ரா (RAW) ஃபீல்ட் ஆபரேட்டிவ் கதாபாத்திரத்தின் ஆளுமைக்கு ஏற்ப, இது பின்னணியில் கோரஸ் பெரும் உற்சாகத்தை ஏற்படுத்தியது.
யுவன் ஷங்கர் ராஜா அஜித் குமாரின் படங்களுக்கு இசையமைப்பாளராக இருந்தாலும், சிவா இயக்கிய வேதாளம் (2015) மற்றும் விவேகம் (2017) ஆகிய இரண்டு படங்களில் அனிருத் பணியாற்றினார். இரண்டு திரைப்படங்களிலும் உள்ள அவரது பாடல்கள் மற்றும் பின்னணி இணையில், அதிக எண்ணிக்கையிலான கருவிகளை இணைத்து, மேற்கத்திய தாக்கத்தை கொண்டு வந்திருந்தார். அஜித்தின் ஸ்டைலான ஆளுமையுடன் இந்த பின்னணி இசை அவருக்கு பொருத்தமாக இருந்தது. டிராக்குகளில் தீவிரமான பில்ட்-அப் பிட்கள் அடங்கும், மனநிலையை நிலைநிறுத்துகிறது மற்றும் முக்கிய பிரிவுகளுக்கு இட்டுச் சென்றது, இது அவரது மற்ற பாடல்களுடன் ஒப்பிடும்போது மிகவும் ஸ்டைலாக இருந்தது.
கமல்ஹாசனின் விக்ரம் படத்தில்
ஒரு நட்சத்திரத்தின் அபிமானத்தைப் பற்றிய அனிருத் ரவிச்சந்தரின் புரிதலும், ஒரு ரசிகனாக ஒவ்வொரு நட்சத்திரத்தையும் அவர் ஆரம்பமாக அணுகிய விதமும், கமல்ஹாசன் மற்றும் ரஜினிகாந்த் ஆகியோருக்கான படங்களில் தனித்துவத்தை ஏற்படுத்த பெரிதும் உதவியது என்று சொல்லலாம். கமல்ஹாசன் நடிப்பில் லோகேஷ் கனகராஜின் விக்ரம் படத்தில், அனிருத் தனது முந்தைய பாணிகளில் இருந்து விலகி, கமலுக்கு ஒரு புதிய டிராக்குகளை கொடுத்திருந்தார். விக்ரமின் தலைப்புப் பாடல், கோவில்களில் கேட்கும் சங்கு (சங்கு) மற்றும் மணிகளின் எதிரொலிக்கும் ஒலிகளுடன் சிறப்பான வரவேற்பை பெற்றிருறந்தது.
அனிருத்தின் பாடல் வரிகள் மற்றும் குரல் ஒருங்கிணைக்கும் பணி இந்த படத்தில் சிறப்பாக தெரிந்திருக்கும். 1987-ம் ஆண்டு மணிரத்னம் இயக்கத்தில் கமல்ஹாசன் நடித்த நாயகன் படத்தை நினைவுகூறும் வகையில் இந்த படத்தில் இடம் பெற்ற நாயகன் மீண்டும் வரான் என்ற பாடல் இப்போது ரசிகர்கள் த்தியில் ஒலித்துக்கொண்டிருக்கிறது. அதேபோல் பழைய விக்ரம் படத்தில் இடம் பெற்றிருந்த விக்ரம் என்ற பாடலை புதிய இசையுடன் கொடுத்து "விக்ரம்" என்ற மையக் கேரக்டரின் திறமையை வெளிக்கொண்டு வந்து ஒரு சாதாரன நாயகன் அலல் உலக நாயகன் என்பதை அடிக்கோடிட்டுக் காட்டியிருப்பார்.
ரஜினிகாந்த் படங்களில்
ரஜினிகாந்த் என்று வரும்போது, அனிருத் ஒரு வித்தியாசமான திறமையை வெளிப்படுத்தியிருப்பதை அவரது படங்களில் நாம் பார்த்திருக்கலாம். ரஜினிகாந்த் ஒரு சூப்பர் ஸ்டார் என்ற அந்தஸ்தை மேலும் மெருகேற்றும் வகையில் அவருக்கான தீம் பாடல்களில் மேலும் கவனம் செலுத்தியிருப்பார். கார்த்திக் சுப்பராஜின் பேட்ட (2019), ஏ.ஆர்.முருகதாஸின் தர்பார் (2020), மற்றும் நெல்சனின் ஜெயிலர் (2023) ஆகிய மூன்று படங்களிலும் அனிருத் சமகால உணர்வுகளுக்கு ஏற்ப ரஜினியை தனது சிறப்பாக இசையின் மூலம் முன்னிறுத்தியிருந்தார். நவீன ஒலிக்கருவிகளைப் பயன்படுத்தும் அதே வேளையில், அனிருத் பேட்ட படத்தில், ட்ரம்பெட், ஓபோ, நாதஸ்வரம், போன்றவற்றையும் இணைத்து, ரசிகர்கள் ரசித்து வளர்ந்த பழைய கால ரஜினியின் மீதான ஏக்க உணர்வைத் தூண்டிருந்தார்.
மறுபுறம், தர்பாரில், தேவா இசையமைத்த சுரேஷ் கிருஷ்ணாவின் அண்ணாமலை (1992) படத்தில் இருந்து பழம்பெரும் தீம் டிராக்கை எடுத்து, அதை ஒரு புதிய இசையுடன் மீண்டும் உருவாக்கி, சமகால ரஜினிகாந்த் பாணிகளை திறமையாகக் கையாண்டிருப்பார். இந்த படத்தில் ரஜினியின் "தலைவா" (தலைவர்) என்ற சொற்றொடரையும் இங்கே சேர்த்துள்ளார், இதனால் பார்வையாளர்கள் அவர் யார் என்பதை உடனடியாக நினைவுபடுத்துவதை உறுதி செய்திருந்தார்.
சூப்பர் ஸ்டாருக்கான அவரது இசை ஜெயிலரில் உச்சத்தை அடைந்தது. "ஹுக்கும் - தலைவர் அளப்பரா" என்ற பாடல், ராஜாவின் வருகையை அறிவிப்பது போல் துவங்குகிறது மற்றும் ரஜினியின் குரல், அவரது ஹுகும் (ஆர்டர்) மற்றும் பின்னணியில் சின்னச் சின்ன சிரிப்பு ஆகியவை பாடல் முழுவதும் இடம்பெற்றுள்ளது. முழு நீள பாடல் வரிகளுடன், சூப்பர் சுப்பு இந்த பாடலை எழுதியிருந்தார். ரஜினிக்கான ரசிகர்கள் பட்டாளம், அவருக்காக தங்கள் உயிரை தியாகம் செய்ய மக்கள் தயாராக இருப்பதை சித்தரிக்கும் பாடல், சூப்பர் ஸ்டாரின் வலிமைமிக்க வரலாற்றை அற்புதமாக விவரிக்கிறது 'தலைவர்' என்ற பட்டத்தை நிலைநிறுத்திக் கொண்டவர் ரஜினிகாந்த் என்பதை புரிய வைக்கிறது.
ஷாருக்கானின் ஜவான் படத்தில்
தென்னந்திய சினிமாவில் முன்னணி இசையமைப்பாளராக மாறிய அனிருத் சமீபத்தில் வெளியான ஷாருக்கானின் ஜவான் படத்தின் மூலம் இந்தி சினிமாவில் அறிமுகமானார். இந்த படத்தில் அனிருத் முற்றிலும் மாறுபட்ட அணுகுமுறையைப் பின்பற்றியிருப்பார். ஷாருக்கானின் புகழ் இந்தியா மட்டுமல்லாமல் சில நாடுகளுக்கு அப்பால் பரவியுள்ளது என்பதை நன்கு புரிந்துகொண்டு, அவரை வெகுஜன ஈர்ப்பு மற்றும் உணர்ச்சி ஆழம் ஆகிய இரண்டிற்கும் அறியப்பட்ட உலகளாவிய நட்சத்திரமாக அங்கீகரிக்கும் வகையில் பின்னணி இசையில் வித்தியாசத்தை காட்டியிருந்தார். ராஜா குமாரி எழுதிய மற்றும் நிகழ்த்திய ஆங்கில ராப் பகுதியை டைட்டில் டிராக்கில் திறமையாக இணைத்து, அனிருத் வெற்றிகரமாக தீம் இசையை கொடுத்திருந்தார்.
இசையமைப்பாளர் நட்சத்திரத்தின் குரலையும் உள்ளடக்கியிருந்தாலும், அது ஒரு சிப்பாயின் கதையை சித்தரிக்கும் படத்தின் கதைக்கு ஏற்ப உள்ளது, மேலும் ஷாருக்கான் மற்றொரு சூப்பர் ஸ்டார் என்பதை உணர்ந்து பின்னணி இசையில் சிறப்பான பிரம்மாண்டத்தை ஏற்படுத்தியிருந்தார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.