ஜி.வி.பிரகாஷ் மனைவி சைந்தவி புகைப்படம் திடீரென வைரல்!

ஜி.வி.பிரகாஷ் மனைவி பாடகி சைந்தவிக்கு கடந்த ஏப்ரல் மாதம் குழந்தை பிறந்த நிலையில், சைந்தவி கர்ப்பமாக இருந்தபோது எடுக்கப்பட்ட புகைப்படங்கள் சமூக ஊடகங்களிலும் இணையத்திலும் வைரலாகி வருகிறது.

தமிழ் சினிமாவின் பிஸியான இளம் நடிகர்களில் ஒருவராக இசையமைப்பாளர் ஜி.வி.பிரகாஷ் இருந்துவருகிறார். தமிழ் சினிமா உலகுக்கு இசையமைப்பாளராக அறிமுகமான ஜி.வி.பிரகாஷ் பல ஹிட் படங்களுக்கு இசையமைத்த நிலையில் திடீரென நடிகராக அவதாரம் எடுத்தார். அவர் நடித்த படங்கள் பெரும்பாலும் வசூல் ரீதியாக வெற்றி பெற்றே வந்துள்ளன. அது மட்டுமில்லாமல் தொடர்ந்து இசையமைப்பாளராகவும் ஹிட் படங்களை கொடுத்து வருகிறார்.

இசையமைப்பாளர் ஜி.வி.பிரகாஷ் தனது சிறு வயது முதல் தோழியாக இருந்துவந்த பாடகி சைந்தவியை காதலித்து 2013 ஆம் ஆண்டு திருமணம் செய்துகொண்டார். 6 ஆண்டுகளுக்குப் பிறகு ஜி.வி.பிரகாஷ் - சைந்தவி தம்பதிக்கு கடந்த ஏப்ரல் 20-ம் தேதி அழகிய பெண் குழந்தை பிறந்தது. குழந்தைக்கு வித்தியாசமாக அன்வி என்று பெயர் வைக்கப்பட்டுள்ளதாக தெரிவிக்கப்பட்டது.

குழந்தை அன்வி பிறந்ததைக் கொண்டாட ஜி.வி.பிரகாஷ் - சைந்தவி தம்பதி பொது முடக்க காலம் எப்போது முடியும் என்று காத்துக்கொண்டிருக்கின்றனர். ரசிகர்களும் ஜி.வி.பிரகாஷுக்கு வாழ்த்துகளைத் தெரிவித்து வருகின்றனர்.

இந்த நிலையில், ஜி.வி.பிரகாஷ் மனைவி பிரசவத்துக்கு முன்பு கர்ப்பமாக இருந்தபோது எடுக்கப்பட்ட புகைப்படங்கள் சமூக ஊடகங்களிலும் இணையத்திலும் வைரலாகி வருகிறது.