2017-ம் ஆண்டு வெளியான மாநகரம் படத்தின் மூலம் இயக்குனராக அறிமுகமான லோகேஷ் கனகராஜ், இதுவரை கைதி, மாஸ்டர், விக்ரம் உள்ளிட்ட 4 படங்களை மட்டுமே இயக்கியுள்ள நிலையில், தமிழ் சினிமாவின் முன்னணி இயக்குனர்கள் பட்டியலில் முன்னிலையில் உள்ளார். 6 வருடங்கள் லோகேஷ் இவ்வளவு பெரிய உயரத்தை எட்டுவார் என்று யாரும் கணித்திருக்கமாட்டார்கள்.
திரைத்துறையில் உள்ள பல இயக்குனர்களைப் போலல்லாமல், லோகேஷ் இயக்குனர்கள் யாரிடமும் உதவியாளராக இருந்தது இல்லை. எம்பிஏ முடித்த பிறகு, வங்கி ஊழியராக இருந்த லோகேஷ், கார்ப்பரேட் குறும்படப் போட்டிகளில் பங்கேற்றதன் மூலம் திரைப்படம் இயக்குவதில் தனது ஆர்வத்தைத் வெளிக்கொண்டு வந்தார். இந்த நிகழ்வின்போது திரைப்படத் தயாரிப்பாளர் மற்றும் இயக்குனர் கார்த்திக் சுப்பராஜ், நடுவராக பங்கேற்ற நிலையில், லோகேஷின் படத்தை பார்த்து ஆச்சரியடைந்து அவரை முழு திரைப்படத்தை இயக்க முயற்சி செய்யுமாறு கூறியுள்ளார்.
கார்த்திக் தனது தயாரிப்பு முயற்சியான அவியல், நான்கு பாகங்கள் கொண்ட தொகுப்பில் ஒரு பகுதியை இயக்க லோகேஷையும் இணைத்துக் கொண்டார். அவியலில் கூட, லோகேஷ் தனது பிரிவான கலாம் மூலம் நிறைய திறனை வெளிப்படுத்தினார். பல அறிமுக இயக்குனர்கள் போலவே, லோகேஷ் ஒரு குறும்படத் தயாரிப்பாளரைப் பற்றிய ஒரு குறும்படத்தைத் தேர்வு செய்தார். இந்த சிறிய படத்தில் கூட, லோகேஷ் ஆக்ஷன் காட்சிகள் மீதான தனது விருப்பத்தை வெளிப்படுத்தினார். சண்டையில் கமல்ஹாசனின் நம்மவருக்கு மரியதையும் செலுத்தும் வகையிலும் இருந்தது.
லோகேஷ் கனகராஜின் சினிமா-ஹைப்பர்லிங்க் கதைசொல்லலில் கலாமும் ஒரு முக்கியப் பண்பு உண்டு. இவர் இயக்கிய அவியலில் 4 கதைகளும் வெவ்வேறு கதைகளத்தில் பயணிக்கும். ஆனால் லோகேஷ் இயக்கிய மாநகரம் படம் அவர் இயக்கிய அவியலில் கலம் செக்மெண்டில் மேம்பட்ட பதிப்பாகும், ஏனெனில் முந்தையது ஒரு பையனைப் பற்றியது, அதன் சான்றிதழ்கள் திருடப்படுகின்றன. இப்போது, மாநகரம் ஒரு அவுட்-அண்ட்-அவுட் ஹைப்பர்லிங்க் திரைப்படமாகும், இது ஒரு வகையில் நவீன தமிழ் பார்வையாளர்களுக்கு புதுவித அனுபவத்தை கொடுத்தது.
இந்த படத்தில் பெரிய நட்சத்திரங்கள் இல்லை என்றாலும் படம் பெரிய வெற்றியை கொடுத்தது. இந்த படத்தின் வெற்றி, லோகேஷ் கைதி படத்தில் கார்த்தியை இயக்கும் வாய்ப்புக்கு வழி செய்தது. மாநகரம் மூலம், லோகேஷ் ஒரே படத்தில் வெவ்வேறு கதைக்களங்களை ஒருங்கிணைத்தார். தொடர்ந்து கைதி படத்தின் மூலம் ஒரே இரவில் நடக்கும் கதையை சுவாரஸ்யமாக பதிவு செய்தார். மேலும் இந்த படத்தில் டூயட் மற்றும் நாயகிகள் யாரும் இல்லாத நிலையிலும் படத்தின் கதை விறுவிறுப்பாக சென்றதால், கார்த்திக்கும் லோகேஷ்க்கும் பெரிய வெற்றியாக அமைந்தது.
கைதி படத்தை அடுத்து விஜய் நடிப்பில் மாஸ்டர் படத்தை இயக்கிய லோகேஷ் அடுத்து 4-வது படமாக கைதி யுனிவர்ஸ் என்ற அடிப்படையில் விக்ரம் படத்தை இயக்கினார். கோஸ்ட் என்று அழைக்கப்படும் தெரியாத நபரைப் பற்றி தொடங்கும் இந்த படத்தில் லோகேஷ் கைதி யுனிவர்ஸ் கொண்டு வருவார் என்று யாரும் எதிர்பார்க்கவில்லை. மல்டி ஸ்டாரர்கள் செய்வதில் ஹீரோக்கள் விரும்பாத ஒரு துறையில், லோகேஷ் சினிமாடிக் யுனிவர்ஸ் மிகப்பெரிய சாதனை படைத்தது.
ஒரு படத்திற்காக பெரிய நட்சத்திரங்கள் கைகோர்ப்பது கடந்த காலங்களில் நடந்துள்ளது. ரஜினிகாந்த் மற்றும் கமல்ஹாசன் கூட பல படங்களில் இணைந்து பணியாற்றியுள்ளனர். ஆனால் ரஜினிகாந்த் அவருடன் இணையத் தொடங்கியபோது கமல் ஏற்கனவே ஒரு நட்சத்திரமாக இருந்தார் என்பதை நினைவில் கொள்ள வேண்டும், எனவே பிந்தையவர் பெரும்பாலும் அவர்களின் எதிரியாக அல்லது துணைப் பாத்திரத்தில் நடித்தார். அவர்கள் இணைந்து நடிக்க வேண்டாம் என்ற முடிவுக்கு பிறகு, தமிழ் திரையுலகின் பெரிய நட்சத்திரங்களுக்கிடையேயான ஒத்துழைப்பின் போக்கு முடிவுக்கு வந்தது.
ஆனால் நடிகர்களுக்கிடையேயான ஒத்துழைப்பு முற்றிலுமாக நின்றுவிட்டது என்று சொல்ல முடியாது, ஆனால் விஜய் மற்றும் அஜித் போன்ற நட்சத்திரங்கள் திரை இடத்தைப் பகிர்ந்து கொள்ளும் ஒரு படத்தைப் பார்க்க முடியாது. இதனிடையே சினிமா பிரபஞ்சத்தை உருவாக்கும் நோக்கில் லோகேஷின் அடிகள் ஆட்டத்தையே மாற்றியமைத்தது இங்குதான். ஒரே படத்தில் சூர்யா, கமல்ஹாசன், ஃபகத் பாசில், விஜய் சேதுபதி மற்றும் கார்த்தி ஆகியோரை இணைத்து விக்ரம் படத்தை கொடுத்தார். தொடர்ந்து அவர் தற்போது இயக்கி வரும் லியோ படத்தில் விஜய்யும் லோகேஷ் சினிமாடிக் யுனிவர்ஸ்சில் இருக்கிறார் என்றும்,. கமல்ஹாசன் விஜய்யுடன் திரை இடத்தைப் பகிர்ந்துகொள்ள உள்ளதாக கூறப்படுபடுகிறது.
ஒரே படத்தில் பல நட்சத்திரங்களைப் பார்க்கும் புதுமைக்கு மேல், மல்டி ஸ்டாரர்களும் வணிக ரீதியாக லாபகரமான முயற்சியாகும விக்ரம் படத்தின் கடைசி சில நிமிடங்களுக்கும், படத்தின் வெற்றியை பல படிகள் உயர்த்திய சூர்யாவின் மிரட்டலான கேமியோ பெரிய வரவேற்பை பெற்றிருந்தது. இதனைத் தொடர்ந்து ஒரே திரையில் கோஸ்ட், லியோ, டில்லி மற்றும் ரோலக்ஸ் போன்றவர்களைக் கற்பனை செய்வது கூட ஒருவகையில் இனிமையான எதிர்பார்ப்புதான்.
இதனிடையே இயக்குனர் லோகேஷ் கனகராஜ் இன்று தனது 37 வயதை எட்டினார். இதற்காக விஜயுடன் இருக்கும் ஒரு புகைப்படத்தை தனது ட்விட்டரில் பகிர்ந்துள்ள லோகேஷ் ‘எல்லாவற்றிற்கும்’ நன்றி விஜய் அண்ணா என்று பதிவிட்டுள்ளார். புகைப்படத்தில், விஜய் இயக்குனரை சுற்றி கைகளை வைத்துள்ளார் மற்றும் இருவரும் தீவிரமான உரையாடலில் இருப்பது போல் தெரிகிறது.
லியோ படத்தின் மூலம் தமிழில் அறிமுகமாகும் பாலிவுட் நடிகர் சஞ்சய் தத் ஒரு ட்வீட்டில் லோகேஷ்க்கு வாழ்த்து தெரிவித்தார், “என் சகோதரன், மகன் மற்றும் என் குடும்பத்தின் ஒருவனுக்கு பிறந்தநாள் வாழ்த்துக்கள். கடவுள் உங்களுக்கு மேலும் வெற்றி, அமைதி, மகிழ்ச்சி மற்றும் செல்வத்தை வழங்கட்டும் என்று பதிவிட்டிருந்தார். இதற்கு பதில் அளித்த லோகேஷ் நான் எப்போதும் உங்களுடன் வாழ்கிறேன், ஆசீர்வதிக்கப்படுகிறேன். உங்களை காதலிக்கிறேன் என்று பதிவிட்டுள்ளார்.
சஞ்சய் தத் சமீபத்தில் காஷ்மீரில் லியோ படப்பிடிப்பில் இணைந்துள்ளார். அங்கு குழு இப்போது பல வாரங்களாக படத்தின் படப்பிடிப்பை நடத்தி வருகிறது. த்ரிஷா, ப்ரியா ஆனந்த், மன்சூர் அலி கான் மற்றும் கௌதம் வாசுதேவ் மேனன் ஆகியோரும் ஷெட்யூலின் ஒரு பகுதியாக உள்ளனர். இப்படத்தில் இயக்குனர் மிஷ்கின், அர்ஜுன், சாண்டி, மேத்யூ தாமஸ், மனோபாலா ஆகியோர் முக்கிய வேடங்களில் நடித்துள்ளனர்.
லியோவின் கதைக்களம் பற்றிய பல வதந்திகளுக்கு மத்தியில், டேவிட் க்ரோனன்பெர்க்கின் ஹிஸ்டரி ஆஃப் வயலன்ஸ் மூலம் படம் ஈர்க்கப்பட்டதாக ஒரு யூகம் கூறுகிறது. கைதி மற்றும் விக்ரம் நடித்துள்ள லோகேஷ் சினிமாடிக் யுனிவர்ஸின் ஒரு பகுதியாக இப்படம் உருவாகி இருப்பதாகவும் கூறப்படுகிறது. இருப்பினும், படத்தின் கதைக்களம் மற்றும் பிற விவரங்கள் குறித்து எந்த தகவலும் வெளியாகவில்லை. அனிருத் ரவிச்சந்தர் இசையமைத்துள்ள லியோ அக்டோபர் 19, 2023 அன்று திரைக்கு வரவுள்ளது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
