முதல் முறை தனுஷுடன் கூட்டணி; அவரை இயக்குனரா பார்க்கிறேன், படத்தில் நான் மினி இட்லி: பார்த்திபன் பேச்சு!

தமிழ் சினிமாவில் இயக்குநர், நடிகர், பாடலாசிரியர், தயாரிப்பாளர் என பன்முகத் திறமையால் ரசிகர்களின் மனதில் இடம்பிடித்தவர் தனுஷ். கடந்த சில ஆண்டுகளில், அவர் இயக்குநராகவும் தன் தனித்துவமான கதை சொல்லல் மூலம் தன்னுடைய இயக்க நிலையை  நிரூபித்துள்ளார். அவரது 4-வது இயக்க முயற்சி 'இட்லி கடை' திரைப்படம் தற்போது ரசிகர்களிடையே பெரும் எதிர்பார்ப்பை ஏற்படுத்தியுள்ளது. தனுஷே கதாநாயகனாகவும், இயக்குநராகவும் பணியாற்றும் இப்படம், அக்டோபர் 1ம் தேதி திரையரங்குகளில் வெளியாக உள்ளது.

இட்லி கடை ஏப்ரல் மாதமே வெளியாகும் என சொல்லப்பட்ட நிலையில் தற்போது இப்படம் அக்டோபர் 1 ஆம் தேதி வெளியாகவுள்ளது. இதற்கான ப்ரோமோஷன் வேலைகள் விறுவிறுப்பாக போய்க்கொண்டு இருக்கின்றது. டான் பிக்சர்ஸ் நிறுவனத்தால் தயாரிக்கப்பட்டுள்ள இப்படத்துக்கு, ஜி.வி. பிரகாஷ் மீண்டும் தனுஷுடன் இணைந்துள்ளார். இவர் ஏற்கனவே தனுஷுடன் இணைந்து 'பொல்லாதவன்', 'அசுரன்' போன்ற வெற்றி படங்களில் பங்களித்துள்ளார். படத்தின் முக்கிய கதாபாத்திரங்களில், தனுஷ், ராஜ்கிரண், நித்யா மேனன், அருண் விஜய் (வில்லன் கதாபாத்திரம்), சத்யராஜ், பார்த்திபன் ஆகியோர் நடித்து இருகின்றனர். அண்மையில் வெளியான படத்தின் ஃபஸ்ட் லுக், டீசர் மற்றும் பாக்ஸ் பக்கா போஸ்டர்கள், படத்தின் கதைச்சூழ்நிலை சற்று வித்தியாசமாகவும், வாழ்க்கை நுணுக்கங்களை காமெடியுடன் சொல்லும் முயற்சியாகவும் அமைந்துள்ளதாக காட்டுகின்றன. இப்படத்தில் 'ஆர். அறிவு' என்ற கதாபாத்திரத்தில் நடித்துள்ள பரபரப்பான நடிகர் பார்த்திபன், தனுஷுடன் பணியாற்றிய அனுபவத்தை பற்றியும், ‘இட்லி கடை’ பற்றியும் இசை வெளியீட்டு விழாவில் நகைச்சுவையாகப் பேசினார்.

இட்லி கடை படத்தில் நடித்தது மகிழ்ச்சியாக இருப்பதாகவும், படத்தை இயக்கிய தனுஷை பாராட்டியும் பேசினார். தனுஷ் ஒரு சிறந்த நடிகர் என்று தனக்குத் தெரியும் என்றும், ஆனால் ஒரு இயக்குநராக அவர் தன்னை ஆச்சரியப்படுத்தியதாகவும் பார்த்திபன் குறிப்பிடுகிறார். சில பேருடன் மட்டும்தான் பணிபுரியும்போது இயக்குநர் என்று உணர்வேன். அப்படி பார்த்து பிரமிக்க வைத்தார் தனுஷ். இந்தப் படத்தில் "மினி இட்லி" கதாபாத்திரத்தில் நடித்தது மகிழ்ச்சி என்று பார்த்திபன் கூறினார். குறிப்பாக இட்லி கடை படத்தின் இசை வெளியீட்டு விழாவில் பேசிய நடிகர் பார்த்திபன், தனுஷ் ஒரு சிறந்த இயக்குநர் என்று பாராட்டியதோடு, படத்தில் தான் "மினி இட்லி" கதாபாத்திரத்தில் நடித்ததில் மகிழ்ச்சியடைவதாகவும் தெரிவித்தார்.