பார்ட்னர்  மைக்கேல் டோலனைப் பற்றி மனம் திறந்த இலியானா டி குரூஸ்; அவர் திருமணமானவரா? பதிலளிக்க மறுப்பு

நடிகை இலியானா டி குரூஸ் தனது கூட்டாளி மைக்கேல் மற்றும் மகன் கோவா பற்றி மனம் திறந்து பேசினார். நடிகை இலியானா தற்போது அமெரிக்கா சென்றுவிட்டதாக தெரிவித்துள்ளார்.

ஆங்கிலத்தில் படிக்க: Ileana D’Cruz opens up about partner Michael Dolan, refuses to answer if they are married: ‘Not comfortable with people talking rubbish’

இலியானா டி குரூஸ் 2023-ல் தனது ஆண் குழந்தையை கோவா ஃபீனிக்ஸ் டோலனை பெற்றார். அதன் பின்னர், நடிகை இலியானா தனது தாய்மை பயணத்தை சமூக ஊடகங்களில் பகிர்ந்து வருகிறார். சமீபத்திய பேட்டியில், இலியானா தனது பார்ட்னர் மைக்கேல் டோலனுடன் வாழ தனது குழந்தையுடன் இப்போது அமெரிக்கா சென்றுள்ளதாக தெரிவித்தார். கர்ப்ப காலத்தில் தான் வேலை செய்வேன் என்று கற்பனை செய்து கொண்டிருந்த போது, சில சிக்கல்கள் ஏற்பட்டதாகவும், அதனால் தான் ஓய்வெடுக்குமாறு கேட்டுக் கொள்ளப்பட்டதாகவும் அவர் பகிர்ந்து கொண்டார்.

தி டைம்ஸ் ஆஃப் இந்தியா உடனான நேர்காணலில், நடிகை இலியானா 2023-ம் ஆண்டு முழுவதும் பெரிய மகிழ்ச்சியுடன் இருப்பதாகவும், கர்ப்ப காலத்தில் தனது தாயார் தனக்கு பக்கபலமாக இருந்ததாகக் கூறினார். மகப்பேறுக்குப் பிறகான மனச்சோர்வு குறித்தும் மனம் திறந்து பேசிய இலியானா, இதற்கு புதிய தாயை எதுவும் தயார் செய்ய முடியாது என்று கூறியுள்ளார். அடுத்த அறையில் இருந்த தனது குழந்தையை தவறவிட்டதால் தனது அறையில் அழ ஆரம்பித்த ஒரு கதையை அவர் பகிர்ந்து கொண்டார்.  “என்ன பிரச்னை என்று என் பார்ட்னர் என்னிடம் கேட்டார், நான் அவரிடம் சொன்னேன், 'இது மிகவும் முட்டாள்தனமாகத் தெரிகிறது. ஆனால், என் மகன் இன்னொரு அறையில் தூங்குகிறான், நான் அவனைப் பார்க்கவில்லை” என்று அவர் கூறினார்.

இலியானா தனது பார்ட்னர் மைக்கேலைப் பற்றி பேசுகையில், அவரை "அற்புதமான மனிதர்" என்று  கூறினார். மேலும், அவருக்கு விஷயங்களை விளக்க வேண்டிய அவசியமில்லை என்று கூறினார். மே 2023-ல் மைக்கேலுடன் திருமணம் செய்து கொண்டீர்களா என்று அவரிடம் கேட்கப்பட்டபோது, ​​இலியானா நேரடியாகப் பதிலளிப்பதைத் தவிர்த்து,  ‘சிறிய மர்மம் இருப்பது மகிழ்ச்சியாக இருக்கிறது, இல்லையா?” கடந்த காலத்தில் தனக்கு இது பற்றி நல்ல அனுபவம் இல்லாததால், தனது உறவைப் பற்றி எவ்வளவு பேச விரும்புகிறாள் என்பதை இன்னும் முடிவு செய்யவில்லை என்று பர்ஃபி நடிகை இலியானா கூறினார்.  “இது எனது உறவைப் பற்றி முன்பு பேசிய இடத்தில் இருந்து வருகிறது. அப்போது சிலர் அதைப் பற்றி பேசியது எனக்குப் பிடிக்கவில்லை. என்னைப் பற்றி கூறப்பட்ட விஷயங்களை என்னால் கையாள முடியும், ஆனால் எனது துணைவர் அல்லது எனது குடும்பத்தைப் பற்றி மக்கள் மோசமாகப் பேசுவது எனக்கு நன்றாக இல்லை” என்று இலியானா கூறினார்.

இருப்பினும், “மைக்கேல் முற்றிலும் அன்பானவர்,  பெரிய ஆதரவு” என்று இலியானா குறிப்பிட்டார்.  “அவரைச் சந்தித்ததை நான் அதிர்ஷ்டமாக உணர்கிறேன்” என்று இலியானா கூறினார். மேலும், மைக்கேல் தனது எல்லா வேலைகளையும் பார்த்ததாகவும், அவரது பாடல்களின் எல்லா வரிகளையும் அறிந்திருப்பதாகவும் கூறினார்.

நடிகை இலியானா கடைசியாக ‘தி பிக் புல்’ படத்தில் நடித்திருந்தார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“