ரெட் ஜெயண்ட் நிறுவனத்தின் சி.இ.ஓ ஆன உதயநிதி மகன்... ரிலீஸ் செய்யும் முதல் படம் எது தெரியுமா?

தமிழக துணை முதல்வரும், ரெட் ஜெயண்ட் மூவிஸ் நிறுவனருமான உதயநிதி ஸ்டாலினின் மகன் இன்பன் உதயநிதி, தற்போது ரெட் ஜெயண்ட் மூவிஸ் நிறுவனத்தின் சி.இ.ஓ-வாக பொறுப்பேற்றுள்ளார். அவர் தலைமையில் நிறுவனம் வெளியிடும் முதல் திரைப்படம், நடிகர் தனுஷ் இயக்கத்தில் உருவாகியுள்ள 'இட்லி கடை' ஆகும்.

நடிகர் தனுஷ் எழுதி, இயக்கி, நடித்திருக்கும் புதிய திரைப்படமான “இட்லி கடை” அக்டோபர் 1-ஆம் தேதி திரையரங்குகளில் வெளியாக உள்ளது. இப்படத்தை, தமிழகத்தில் இன்பன் உதயநிதி தலைமையில் ரெட் ஜெயின்ட் மூவிஸ் நிறுவனம் வெளியிடுவதாக அதிகாரப்பூர்வமாக அறிவிக்கப்பட்டுள்ளது.

தனுஷின் வுண்டர்பார் ஃபிலிம்ஸ் மற்றும் டான் பிக்சர்ஸ் இணைந்து தயாரித்துள்ள இந்தத் திரைப்படத்தில், தனுஷுடன் நடிகர் அருண் விஜய் மற்றும் நடிகை நித்யா மெனன் ஆகியோர் முக்கிய கதாபாத்திரங்களில் நடித்துள்ளனர். திரைப்படத்திற்கு இசையமைப்பாளர் ஜி.வி. பிரகாஷ் குமார் இசையமைத்துள்ளார்.

மேலும், இத்திரைப்படத்தை ரெட் ஜெயின்ட் மூவிஸ் நிறுவனம் வெளியிடும் நிலையில், அந்நிறுவனத்தின் நிறுவனரும், தமிழக துணை முதல்வருமான உதயநிதி ஸ்டாலினின் மகன் இன்பன் உதயநிதியின் பெயரில் வெளியிடுவது குறிப்பிடத்தக்கது.

தனுஷின் இயக்கத்தில் உருவாகியுள்ள இந்தத் திரைப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. மேலும், ரெட் ஜெயின்ட் மூவிஸ் நிறுவனத்தின் ஆதரவு, படத்திற்கு மேலும் வலு சேர்க்கும் என எதிர்பார்க்கப்படுகிறது. இத்திரைப்படத்தின் வெளியீட்டு உரிமையை ரெட் ஜெயண்ட் மூவிஸ் நிறுவனம் பெற்றுள்ளது. இந்த நிறுவனத்தின் தலைமை நிர்வாக அதிகாரியாக இன்பன் உதயநிதி பொறுப்பேற்ற பிறகு, வெளியாகும் முதல் திரைப்படம் 'இட்லி கடை' என்பது குறிப்பிடத்தக்கது.