முதல் சம்பளம் ரூ50, இன்று ரூ7500 கோடிக்கு அதிபதி; இந்திய சினிமா டாப் ஸ்டார் இவர் தான்: யார் தெரியுமா?

திரைப்படத் துறையில் பெரிய அளவில் சாதிக்க வேண்டும் என்ற ஆசையில், 90-களில், பெரிய கனவுகளுடன் ஒரு திறமையான இளைஞன் மும்பை வீதிகளில் சுற்றி திரிந்த ஒரு இளைஞன், சின்னத்திரையில் தொடங்கி, வாய்ப்புகளுக்காகப் பல வேலைகளைச் செய்து, இன்று 'பாலிவுட்டின் பாட்ஷா' என்று அழைக்கப்படும் முன்னணி நட்சத்திரமாக உருவெடுத்துள்ளார். அந்த இளைஞன் வேறு யாருமல்ல, ஷாருக்கான்தான்.

இன்றைய காலக்கட்டத்தில் சுமார் ரூ876.5 மில்லியன் (இந்திய மதிப்பில் சுமார் ரூ7500 கோடி) சொத்து மதிப்புடன் இருக்கும் ஷாருக்கான், தன் முதல் சம்பளமாக வெறும் ரூ50 பெற்றார் என்பது பலரும் அறியாத ஒரு தகவல். பிடிஐ (PTI) செய்தி நிறுவனத்தின்படி, 'ரயீஸ்' திரைப்படத்தின் விளம்பரப் பணிகளின்போது ஷாருக்கான் தனது கடந்த கால நினைவுகளைப் பகிர்ந்துகொண்டார். அப்போதுதான், பங்கஜ் உதாஸ் இசை நிகழ்ச்சியில் வரவேற்பாளராகப் பணியாற்றியதன் மூலம் தனது முதல் வருமானமான ரூ50 பெற்றதாக அவர் தெரிவித்தார்.

அந்த பேட்டியில்,"சின்ன வயதில் நான் நீண்ட தூரம் பயணித்திருக்கிறேன். எனக்கு முதல் வருமானம் பங்கஜ் உதாஸ் இசை நிகழ்ச்சியில் இருந்துதான் கிடைத்தது. நான் ஒரு வரவேற்பாளர். ரூ50 கிடைத்ததால், நாங்கள் தாஜ் மஹாலுக்குச் சென்று மகிழ்ச்சியாக இருந்தோம்." என்று ஷாருக்கான் கூறினார். உலகில் அதிகம் சம்பாதிக்கும் நடிகர்கள் பட்டியலில் 4-வது இடத்தில் இருக்கும் ஷாருக்கான்  'எஸ்குவேர்' (Esquire) பத்திரிகை வெளியிட்ட இந்த சமீபத்திய பட்டியலில், ஜார்ஜ் க்ளூனி, ராபர்ட் டி நிரோ, பிராட் பிட் போன்ற ஹாலிவுட் பிரபலங்களை ஷாருக்கான் பின்னுக்குத் தள்ளியுள்ளார்.

இந்தப் பட்டியலில் ஷாருக்கானுக்கு முன்னால் அர்னால்ட் ஷுவார்செனேக்கர் ($1.49 பில்லியன்), டுவைன் ஜான்சன் ($1.19 பில்லியன்), டாம் குரூஸ் ($891 மில்லியன்) ஆகியோர் உள்ளனர். இதன் மூலம் இந்தியாவின் பணக்கார நடிகர் ஷாருக்கான் என்று இந்த அறிக்கை தெரிவிக்கிறது. அவருக்கு அடுத்தபடியாக சல்மான் கான் (₹2900 கோடி), ஹ்ரித்திக் ரோஷன் (₹3100 கோடி), அமீர் கான் (₹1900 கோடி), அக்‌ஷய் குமார் (₹2500 கோடி) ஆகியோர் உள்ளதாக ஹிந்துஸ்தான் டைம்ஸ் அறிக்கையில் தெரிவிக்கப்பட்டுள்ளது.

View this post on Instagram

A post shared by Shah Rukh Khan (@iamsrk)

ஷாருக்கானின் வருமானம் திரைப்படங்களில் இருந்து மட்டும் வரவில்லை. சமீபத்தில் வெளியான 'டங்கி', 'ஜவான்', 'பதான்' போன்ற படங்களின் வெற்றி அவரது சொத்து மதிப்பை அதிகரித்தது உண்மைதான். ஆனால், அவரது தயாரிப்பு நிறுவனம், கிரிக்கெட் அணிகள் மற்றும் ஆடம்பர வீடுகள் ஆகியவை அவரது மொத்த சொத்து மதிப்பில் முக்கியமான பங்கு வகிக்கின்றன. சமீபத்தில் தனது முதல் தேசிய விருதைப் பெற்ற ஷாருக்கான் அடுத்ததாக 'கிங்' என்ற படத்தில் நடிக்கிறார். அதிக எதிர்பார்ப்பை ஏற்படுத்தியிருக்கும் இந்த அதிரடிப் படத்தில், தனது மகள் சுஹானா கானுடன் இணைந்து ஷாருக்கான் நடிக்கிறார்.