சூப்பர் ஸ்டார் ரஜினிகாந்த் நடிப்பில் சமீபத்தில் வெளியான ஜெயிலர் படம் வசூலில் சாதனை படைத்து வரும் நிலையில், வெளியான 3 நாட்களில் படம் 100 கோடி வசூலித்துள்ளதாக தகவல் வெளியாகியுளளது.
தமிழ் சினிமாவின் முன்னணி நடிகர் சூப்பர் ஸ்டார் ரஜினிகாந்த் நடிப்பில் நெல்சன் திலீப் குமார் இயக்கியுள்ள படம் ஜெயிலர். சுதந்திர தின விடுமுறையை குறி வைத்து கடந்த ஆகஸ்ட் 10-ந் தேதி வெளியான இந்த படம் ரஜினி ரசிகர்கள் மட்டுமல்லாமல் அனைத்து தரப்பினரும் கொண்டாடும் வகையில் திரைக்கதை அமைக்கப்பட்டுள்ளதாக கூறி வருகின்றனர்.
இதனிடையே ஜெயிலர் படம் வெளியான 3 நாட்களில இந்தியாவில் ரூ.100 கோடிக்கு மேல் வசூல் செய்துள்ளது. முதல் நாளில் இப்படம் 48.35 கோடி வசூல் செய்தது. அதைத் தொடர்ந்து இரண்டாவது மற்றும் மூன்றாவது நாட்களில் முறையே ரூ.25.75 கோடி மற்றும் ரூ.35 கோடிகளை வசூலித்ததாக வர்த்தக இணையதளமான சாக்னில்க் தெரிவித்துள்ளது. தற்போது மொத்த வசூல் ரூ.109.10 கோடியாக உள்ளது. சனிக்கிழமையன்று ஒட்டுமொத்தமாக 83.70% தமிழ் ஆக்கிரமிப்பைப் பதிவு செய்தது.
இது குறித்து வர்த்தக ஆய்வாளர் ரமேஷ் பாலா தனது ட்விட்டர் பக்கத்தில், “அமெரிக்காவில், ஆகஸ்ட் 12 ஆம் தேதி சனிக்கிழமை மாலை 6:30 மணி நிலவரப்படி, ஜெயிலர் படம் 900 ஆயிரம் டாலர் வசூலை கடந்துள்ளது. $1 மில்லியன் இன்று சாத்தியம் என்று கூறியுள்ளார்.” இதற்கு முன்பு அவர் வெளியிட்ட ட்வீட்டில், ஜெயிலர் அமெரிக்காவில் மொத்தம் $3.17 மில்லியன் வசூலித்துள்ளதாக பகிர்ந்திருந்தார். அதேபோல் தளபதி விஜய்யின் மாஸ்டர் படத்தை விட ஆஸ்திரேலியாவில் ஜெயிலர் பாக்ஸ் ஆபிஸில் சிறப்பாக வசூலித்துள்ளதாக பாலா குறிப்பிட்டுள்ளார்.
வாழ்நாள் பாக்ஸ் ஆபிஸ் வசூலின் அடிப்படையில் அமெரிக்காவில் விஜய்யின் வரிசு ($1.14 மில்லியன்) மற்றும் அஜித்தின் துணிவு ($880K) ஆகியவற்றை ஜெய்லர் விஞ்சியுள்ளது. ஜெயிலர் வெளியான ஒரு நாள் கழித்து, சிரஞ்சீவியின் போலா ஷங்கர் மற்றும் சன்னி தியோலின் கதர் 2 ஆகியவை திரையரங்குகளில் வெளியானது குறிப்பிடத்தக்கது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/08/Jailer-7.jpg)