திருப்பதிக்கு இந்த ஆண்டில் 3 முறை சென்றுள்ளேன்; ஆன்மீக நாட்டம் அதிகரித்துள்ளது – ஸ்ரீதேவி மகள் ஜான்வி கபூர்

திருப்பதி பாலாஜியின் புனித கோவிலுடன் ஜான்வி கபூருக்கு ஆழ்ந்த ஆன்மீக தொடர்பு உள்ளது. சமீபத்திய உரையாடலில், ஜான்வி கபூர் தான் ஏற்கனவே இந்த ஆண்டு மூன்று முறை திருப்பதிக்கு சென்றுள்ளதாகவும், தனது தாயார் மற்றும் மறைந்த நடிகை ஸ்ரீதேவியின் பிறந்தநாளில் மீண்டும் செல்ல திட்டமிட்டுள்ளதாகவும் தெரிவித்தார். ஜான்வி கபூர் கடந்த சில ஆண்டுகளாக தனக்கு ஏற்பட்டுள்ள ஆன்மீக நாட்டம் குறித்தும் பேசினார்.

ஆங்கிலத்தில் படிக்க:

கர்லி டேல்ஸிடம் பேசிய ஜான்வி கபூர், “கடந்த 5-6 ஆண்டுகளில், நான் மிகவும் ஆன்மீக நாட்டம் கொண்டுள்ளேன். நான் எனது மதம் மற்றும் எனது ஆன்மீகத்தில் அடைக்கலம் அடைகிறேன், குறிப்பாக இறைவன் பாலாஜி. நான் ஒரு உள் அழைப்பை உணர்கிறேன், இது நான் திருப்பதிக்குச் செல்ல வேண்டும், படிக்கட்டுகளில் ஏறி, தெய்வத்தின் மங்களகரமான காட்சியைத் தேட வேண்டும் என்று சொல்கிறது. இந்த வருஷம் திருப்பதிக்கு ஏற்கனவே 3 முறை போயிருக்கேன், அம்மா பிறந்த நாளுக்கு மறுபடியும் போக உள்ளேன்” என்று கூறினார்.

திருப்பதி பாலாஜியின் மீதான அவரது பக்தியின் ஆழத்தை ஜான்வி கபூரின் ரசிகர்கள் அறிந்துகொண்டனர், அவரது நண்பரும் சமூக ஊடக பிரபலமுமான ஒரி, கோயிலின் படிக்கட்டுகளில் ஒரு பகுதியை ஜான்வி கபூர் முழங்காலில் ஏறும் வீடியோவைப் பகிர்ந்துள்ளார். முன்னதாக ஜான்வி கபூர் மார்ச் மாதம் தனது பிறந்தநாளில் ஓர்ரி மற்றும் அவரின் காதலன் என்று கூறப்படும் ஷிகர் பஹாரியாவுடன் திருப்பதி கோவிலுக்கு வருகை தந்தார்.

வீடியோவில், ஜான்வி கபூர், “அனைவரும் திருப்பதி மலையில் ஏற வேண்டும், ஏனென்றால் அது உங்களை இலகுவாக்குகிறது,” என்று ஓர்ரிக்கு ஒரு நேரத்தில் ஒரு அடி எடுத்து வைக்க அறிவுறுத்துகிறார். “இது திருப்பதிக்கு அவரது (ஜான்வியின்) 50வது பயணம், ஷிகரின் ஒன்பதாவது மற்றும் எனது முதல் பயணம். நான் இங்கே முதல்முறையாக வருகிறேன்” என்று ஓர்ரி சொல்வதைக் கேட்கலாம்.

ஜான்வி கபூரின் சமீபத்திய படமான மிஸ்டர் அண்ட் மிஸஸ் மஹி தற்போது திரையரங்குகளில் ஓடிக்கொண்டிருக்கிறது. இப்படம் வெளியான மூன்றே நாட்களில் ரூ.16.85 கோடி வசூல் செய்து பாக்ஸ் ஆபிஸில் நிலையாக உள்ளது. ஜான்வி கபூர் அடுத்து உலாஜ் மற்றும் தெலுங்கு படமான தேவாரா: பாகம் 1 இல் நடிக்கிறார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“