'கபூராக இருப்பதைவிட ஐயப்பனாக இருப்பதை வசதியாக உணர்கிறேன்': தென் இந்திய பாசத்தை வெளிப்படுத்திய ஸ்ரீதேவி மகள்

நடிகை ஜான்வி கபூர் தனது தென்னிந்திய பாசத்தை வெளிப்படுத்தியுள்ளார். மேலும் தனது தந்தையின் பஞ்சாபி கலாச்சாரத்தை விட தனது தாயின் கலாச்சாரத்துடன் தான் அதிகம் இணைந்திருக்க முடியும் என்று கூறினார். நடிகை ஜான்வி மறைந்த நடிகை ஸ்ரீதேவி மற்றும் திரைப்பட தயாரிப்பாளர் போனி கபூரின் மகள் ஆவார்.

ஒரு புதிய நேர்காணலில், ஜான்வி தனது அம்மாவின் படங்களைப் பற்றியும் பேசியுள்ளார், ஸ்ரீதேவி 13 வயதில் வளர்ந்த ஆண்களுக்கு ஜோடியாக நடித்ததும், சில ஆண்டுகளுக்குப் பிறகு அவர்களின் மகன்களுடன் ஜோடியாக நடித்ததும், அன்றைய காலத்தில் இது வழக்கமாக இருந்தபோதிலும், ஸ்ரீதேவிக்கு அப்படி நடித்தது பிடித்ததில்லை என்று ஜான்வி கூறினார்.

இதையும் படியுங்கள்: இந்தியில் ஏன் பேச வேண்டும்? எனது வயதான பொற்றோரை அவமதிப்பதா?… நடிகர் சித்தார்த்

ஜான்வி சிரித்தபடி, “அப்பாவுக்கு ஹீரோயினாக இருந்தபோது அம்மாவுக்கு 13 வயது, மகன்களுக்கு ஹீரோயினாக இருந்தபோது அம்மாவுக்கு 21 வயது. மேலும் "இது உண்மையில் மிகவும் தவறானது, ஆனால் அது அப்போது நடந்தது. இருப்பினும், ஒரு வயதான ஆண் நடிகருக்கு ஜோடியாக நடிப்பதை அவர் நிராகரித்ததில்லை,” என்று ஜான்வி கூறினார். “அது வாழ்க்கையில் நடந்தால், அது சம்மதமாக இருந்தால், கலை வாழ்க்கையாக இருந்தால், வாழ்க்கை கலையாக இருந்தால், அது ஏன் நடக்காது. ஹிந்தியில் கூட பல திறமையான நடிகர்கள் இருக்கிறார்கள்... நான் இணைந்து நடிக்க விரும்பும் பெரும்பாலான நடிகர்கள் என் வயது வரம்பில் இல்லை,” என்று ஜான்வி கூறினார்.

தன்னை ‘கபூர் என்று கூறிக்கொள்வதை விட ஐயப்பன்’ என்று வெளிப்படுத்த ஜான்வி விரும்புகிறார், “அந்தச் சூழலில் நான் ஒரு உறவையும், ஆறுதலையும், பாதுகாப்பையும் உணர்கிறேன். தென்னிந்தியாவைச் சேர்ந்த, அந்த உச்சரிப்பைக் கொண்ட ஒருவரை நான் சந்திக்கும் நிமிடம், இவர் ‘நான் மிகவும் விரும்பும் நபர் என்றும், எனது சிறந்த நண்பர்’ என்றும் தானாகவே உணர்கிறேன்,” என்று ஜான்வி கூறினார்.

ஜான்வி 2018 இல் தடக் திரைப்படத்தின் மூலம் நடிகையாக அறிமுகமானார். ஸ்ரீதேவி இறந்த சில மாதங்களுக்குப் பிறகு அது வெளியானது. குஞ்சன் சக்சேனா: தி கார்கில் கேர்ள், ரூஹி மற்றும் மிக சமீபத்தில், குட் லக் ஜெர்ரி மற்றும் சர்வைவல் த்ரில்லர் மிலி போன்ற பல உயர்தர படங்களில் அவர் நடித்துள்ளார். அடுத்த ஆண்டு, வெளியாகவுள்ள இயக்குனர் நித்தேஷ் திவாரியின் பவால் படத்தில் வருண் தவானுடன் ஜான்வி நடிக்கிறார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil