சூர்யா, கேவி.ஆனந்த்தை நேரில் வாழ்த்திய டெல்டா விவசாயிகள் சங்கம்!

Kaappaan Movie: பல்வேறு சமூக பிரச்னைகளை பேசியுள்ள இந்தத் திரைப்படத்தில் விவசாயிகளின் பிரச்னைகளுக்கு அதிக முக்கியத்துவம் தரப்பட்டுள்ளது.

By: Published: September 27, 2019, 10:22:42 AM

Suriya’s Kaappaan: ‘லைகா புரொடக்ஷன்ஸ்’ பேனரின் கீழ் சுபாஷ்கரன் தயாரித்திருந்த ‘காப்பான்’ திரைப்படம் கடந்த வாரம் வெளியானது. இயக்குநர் கே.வி.ஆனந்த் இயக்கத்தில் சூர்யா நடித்திருந்த இப்படத்திற்கு நல்ல ஓபனிங் கிடைத்தது. இதில் மோகன் லால், பொம்மன் இரானி, சாயிஷா, ஆர்யா, பூர்ணா, சமுத்திரக்கனி ஆகியோர் முக்கியக் கதாபாத்திரங்களில் நடித்துள்ளனர். காப்பான் படத்திற்கு ஹாரிஸ் ஜெயராஜ் இசையமைத்துள்ளார்.

பல்வேறு சமூக பிரச்னைகளை பேசியுள்ள இந்தத் திரைப்படத்தில் விவசாயிகளின் பிரச்னைகளுக்கு அதிக முக்கியத்துவம் தரப்பட்டுள்ளது. படத்தின் ஹீரோ சூர்யா விவசாயியாக நடித்து, அந்தத் தொழிலின் முக்கியத்துவமும் தேவையும், அது சார்ந்த வாழ்க்கை முறையையும் மிக இயல்பாக வெளிப்படுத்தியுள்ளார்.

காப்பான் படத்தில் விவசாயிகள் மற்றும் விவசாயத்தின் முக்கியத்துவத்தை தெளிவுபடுத்தி, சிறப்பித்ததற்காக தமிழக காவிரி டெல்டா விவசாயிகள் சங்கத்தின் பொதுச் செயலாளர் பி.ஆர்.பாண்டியன் மற்றும் பிற உறுப்பினர்கள், நடிகர் சூர்யா மற்றும் இயக்குநர் கே.வி.ஆனந்தை நேரில் சந்தித்து வாழ்த்தினர்.

Get all the Latest Tamil News and Tamil Nadu News at Indian Express Tamil. You can also catch all the Entertainment News in Tamil by following us on Twitter and Facebook

Web Title:Kaappaan suriya kv anand delta farmers association br pandian

The moderation of comments is automated and not cleared manually by tamil.indianexpress.com.
பிரபலமானவை
Advertisement

JUST NOW
X