ஆஸ்கர் இயக்குனர் அல்போன்சோ உடன் கமல்ஹாசன், ஏ.ஆர். ரஹ்மான், மணிரத்னம் மதிய விருந்து; வைரல் போட்டோஸ்

உலகநாயகன் கமல்ஹாசன், இசைப் புயல் ஏ.ஆர். ரஹ்மான், இயக்குனர் மணிரத்னம் மெக்ஸிகோ இயக்குனர் அல்போன்சோ குரோனை சந்தித்து அவருடன் மாம்பழத்துடன் மதிய விருந்து சாப்பிட்ட புகைப்படங்கள் சமூக வலைதளங்களில் வைரலாகி வருகிறது.

ஆங்கிலத்தில் படிக்க: Kamal Haasan, Mani Ratnam, AR Rahman meet Mexican director Alfonso Cuarón; enjoy sumptuous lunch, mangoes. See pics

கமல்ஹாசன், மணிரத்னம், ஏஆர் ரஹ்மான் ஆகியோர் மெக்சிகன் இயக்குனர் அல்போன்சோ குரோனை சந்தித்து அவருடன் மாம்பழத்துடன் நல்ல மதிய உணவு சாப்பிட்ட புகைப்படங்கள் வைரலாகி வருகிறது.

ரோமா, கிராவிட்டி, ஹாரிபாட்டர், அஜ்காபன் சிறைவாசி  (Gravity and Harry Potter and the Prisoner of Azkaban) போன்ற படங்களை இயக்கி புகழ்பெற்ற இயக்குனர் அல்போன்சோ குரோன் தனது சென்னை பயணத்தின் போது, உலகநாயகன் கமல்ஹாசன், இசையமைப்பாளர் ஏ.ஆர்.ரஹ்மான், மணிரத்னம் உள்ளிட்டோரை சந்தித்து மகிழ்ந்தார்.

நடிகரும் திரைப்படத் தயாரிப்பாளருமான கமல்ஹாசன், மூன்று கோல்டன் குளோப் மற்றும் ஐந்து அகாடமி விருதுகளை வென்ற மெக்சிகன் இயக்குனரான அல்போன்சோ குரோனுடன் சமீபத்தில் சந்தித்த புகைப்படங்களைப் பகிர்ந்துள்ளார். ரோமா, கிராவிட்டி மற்றும் ஹாரி பாட்டர் மற்றும் அஜ்காபன் சிறைவாசி போன்ற படங்களை இயக்கி புகழ்பெற்ற அல்போன்சோ குரோன், சென்னைக்கு வருகை தந்தபோது கமல்ஹாசன், ஏ.ஆர். ரஹ்மான், மணிரத்னம் மற்றும் பலருடன் தனது நேரத்தை பகிர்ந்துகொண்டார். இந்த சந்திப்பில் நடிகர் சித்தார்த் மற்றும் அவரது வருங்கால மனைவி அதிதி ராவ் ஹைதரியும் கலந்து கொண்டனர்.

View this post on Instagram

A post shared by Kamal Haasan (@ikamalhaasan)

ஒரு ஆடம்பரமான மதிய உணவில், விருந்தினர்கள் சீசன் மாம்பழங்களை சுவைத்தனர். நடிகர் சித்தார்த்,  “அல்போன்சோ பங்கனபள்ளியை சந்திக்கிறார்” என்று நகைச்சுவையாகப் பதிவிட்டுள்ளார். அவர்களது சந்திப்பின்போது எடுத்துக்கொண்ட பல படங்களைப் பகிர்ந்து கொண்ட நடிகர் கமல்ஹாசன், “திரு அல்போன்சோ குரோனை என் சகோதரர்களையும் அதே ‘சினிமா’ தாயிடம் இருந்து ஒரு சந்ததியையும் சந்தித்தேன். நாங்கள் சினிமா, சினிமா, நிறைய சினிமா பேசினோம்.” என்று தெரிவித்துள்ளார்.

மேலும், அவர் தொடர்ந்தார், “நான் மதிய உணவின் போது எனது மகிழ்ச்சியை சீசன் மாம்பழங்களுடன் பகிர்ந்து கொண்டேன். எனது சகோதரர்கள் மணிரத்னம், ஏ.ஆர்.ரஹ்மான், ரவி கே சந்திரன், மகேந்திரன், நாராயணன், அதிதி ராவ் ஹைரி, சித்தார்த் மற்றும் அம்ரிதா. ‘அல்போன்சோ பங்கனபள்ளியை (மாம்பழம்)’ சந்திக்கிறார்’ என்று திரு சித்தார்த் நகைய்ச்சுவையாக கிண்டல் செய்துள்ளார்.

ஒளிப்பதிவாளர் ரவி கே சந்திரனும் படங்களைப் பகிர்ந்துகொண்டு, “இந்த ஆஸ்கார் விருது வென்றவரைச் சந்திக்கவும், நுண்ணறிவு நிறைந்த வேடிக்கையான உரையாடலையும் பெற்றதற்கு நன்றி கமல்ஹாசன் (@ikamalhaasan) இயக்குனர்/ஒளிப்பதிவாளர் மேஸ்ட்ரோ @alfonsocuaron வாழ்த்துகள்” என்று எழுதியுள்ளார்.

நடிகர் கமல்ஹாசன் கடைசியாக 2022-ல் விக்ரம் படத்தில் நடித்தார். அவரது அடுத்த படம் இந்தியன்2, இதன் முதல் பாகம் இந்தியன் 1996-ம் ஆண்டு வெளியானது. வீரசேகரன் சேனாபதியாக நடித்த இந்தியன் படம் மாபெரும் வெற்றி பெற்றது. ஷங்கர் இயக்கத்தில், இந்தியன் 2 ஜூன் 2024-ல் திரையரங்குகளில் வர உள்ளது. இந்தியன் 2 படத்தில் கமல்ஹாசன் உடன் சித்தார்த், ரகுல் ப்ரீத் சிங் மற்றும் காஜல் அகர்வால் ஆகியோர் நடித்துள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“