Kanchana 3 Movie Latest Box Office Collections: தமிழ் ராக்கர்ஸ் இணையதளத் தாக்குதலைத் தாண்டி, காஞ்சனா 3 திரைப்படம் வசூல் சாதனை படைத்து வருகிறது. இந்த ஆண்டின் கலெக்ஷனில் டாப் 10 படங்களில் காஞ்சனா 3 இடம் பிடிக்கிறது.
காஞ்சனா 3 திரைப்படம், ராகவா லாரன்ஸின் நடிப்பு மற்றும் இயக்கத்தில் கடந்த ஏப்ரல் 19-ம் தேதி வெளியானது. படம் ரிலீஸான முதல் நாளே முழுப் படத்தையும் தமிழ் ராக்கர்ஸ் இணையதளம், ஆன் லைனில் வெளியிட்டது.
Kanchana 3 Movie Latest Box Office Collections: 110 கோடி ரூபாய் வரை காஞ்சனா 3 வசூலிக்கும்.
Kanchana 3 Movie Succeeds TamilRockers By Box Office Collections: காஞ்சனா 3 வசூல் நிலவரம்
எனினும் குழந்தைகளையும், பெண்களையும் குறி வைத்து ராகவா லாரன்ஸ் எடுத்த காஞ்சானா 3 அவரை ஏமாற்றவில்லை. ஜாலியான பேய்க் கதைக்கென்றே இருந்து வரும் குடும்ப ஆடியன்ஸ், தியேட்டர்களுக்கு படையெடுத்தது. இதனால் முதல் வாரமே உலகம் முழுவதும் 100 கோடி ரூபாயைத் தாண்டி சம்பாதித்தது காஞ்சனா 3.
தமிழ்நாடு, ஆந்திரா, தெலங்கானா ஆகிய 3 மாநிலங்களிலும் இந்த ஆண்டின் டாப் 10 கலெக்ஷன் படங்கள் பட்டியலில் காஞ்சனா 3 இடம் பிடித்துவிட்டதாக திரையுலக புள்ளி விவரங்கள் கூறுகின்றன. அதுவும், மிகக் குறைந்த பட்ஜெட்டில் தயாராகி டாப் 10-ல் இடம் பிடித்திருக்கும் ஒரே படம், காஞ்சனா 3 மட்டுமே.
20 நாள் முடிவில் ஆந்திரா, தெலங்கானா கலெக்ஷன் 30 கோடி ரூபாயைத் தாண்டியிருப்பதாக தகவல்கள் வருகின்றன. தமிழ்நாட்டில் 68.5 கோடி ரூபாய் வசூலித்திருப்பதாக திரையுலக வட்டாரங்களில் கூறுகின்றனர். இரு மாநிலங்களிலும் 110 கோடி ரூபாய் வரை காஞ்சனா 3 வசூலிக்கும் என புள்ளிவிவரங்கள் கூறுகின்றன.
இதற்கிடையே தமிழ் ராக்கர்ஸில் காஞ்சனா 3 படத்திற்காக மொய்க்கும் ஆன் லைன் அபிமானிகளின் எண்ணிக்கையும் குறைந்ததாக தெரியவில்லை. அதையும் மீறி இந்தப் படம் நிற்பதுதான் சாதனை.
காஞ்சனா 3 மட்டுமல்ல, மாரி 2, ரஜினியின் 2.0, பேட்ட, அஜீத்தின் விஸ்வாசம் படங்களையும் தமிழ் ராக்கர்ஸ் வெளியிட்டது குறிப்பிடத்தக்கது. அண்மையில் வெளியான தேவராட்டம் படத்தையும் தமிழ் ராக்கர்ஸ் பந்தி வைத்துவிட்டது. இதற்கெல்லாம் தமிழ் சினிமா உலகம் பெரிதாக ரீயாக்ட் செய்யவில்லை.