நீச்சல் உடை போட்டோ கேட்டாங்க, அந்த டைம்ல இவங்க வந்ததால நான் கமலுக்கு மகளா ஆகிட்டேன்; கஸ்தூரி சொன்னது எந்த படம்?

நடிகை கஸ்தூரி, 1990களில் தமிழ் சினிமாவின் முன்னணி நடிகைகளில் ஒருவராக திகழ்ந்தவர். தனது முதல் படமான 'ஆத்தா நான் பாஸ் ஆகிட்டேன்' மூலம் அறிமுகமான இவர், பின்னர் பல்வேறு மொழிகளில் நடித்ததன் மூலம் பன்முகத்தன்மை கொண்ட நடிகையாக அறியப்பட்டார். 1991ஆம் ஆண்டு 'ஆத்தா உன் கோயிலிலே' திரைப்படம் மூலம் தமிழ் சினிமாவில் அறிமுகமானார். அதே ஆண்டில், 'ராசாத்தி வரும் நாள்' மற்றும் மலையாளத் திரைப்படமான 'சக்கரவர்த்தி' ஆகியவற்றிலும் நடித்தார். 1992-ல் 'சின்னவர்', 'செந்தமிழ்ப் பாட்டு' போன்ற படங்கள் அவருக்கு நல்ல பெயரைப் பெற்றுத் தந்தன.

கஸ்தூரிக்கு திரைப்பயணத்தில் பல்வேறு சுவாரஸ்யமான அனுபவங்கள் நிகழ்ந்துள்ளன. 1996-ல் ஷங்கர் இயக்கத்தில் வெளியான 'இந்தியன்' திரைப்படம், இவரை மேலும் பிரபலப்படுத்தியது. இயக்குனர் ஷங்கர் இயக்கி, நடிகர் கமல்ஹாசன் மற்றும் இசையமைப்பாளர் ஏ.ஆர்.ரஹ்மான் கூட்டணியில் உருவான 'இந்தியன்' திரைப்படத்தில் நடிக்க அவருக்கு வாய்ப்பு கிடைத்தது. இந்த வாய்ப்புக்காக அவரிடம் நீச்சல் உடை புகைப்படங்கள் கேட்கப்பட்டன. அவர் முதலில் ஊர்மிளா நடித்த கதாபாத்திரத்திற்கு பரிசீலிக்கப்பட்டார், ஆனால் பின்னர் ஒரு முக்கியக் கதாபாத்திரத்தில் நடிக்க தேர்ந்தெடுக்கப்பட்டார். இதுகுறித்து பல சுவாரசியமான தகவல்களை அவர் ஃபிலிமி பீட் பக்கத்திற்கு அளித்த பேட்டியில் கூறியுள்ளார்.

 கஸ்தூரி தனக்கு 'ஜென்டில்மேன்' படத்தில் வினீத் கதாப்பாத்திரம் எப்படியோ அதைப்போல ஒரு கதாபாத்திரம் அளிக்கப்பட இருந்ததாக கூறினார். நான் இந்தியன் படத்தில் கமலுக்கு மகளாக நடித்தேன். ஆனால் முதலில் ஊர்மிளா நடித்த கதாப்பாத்திரத்துக்குதான் தேர்ந்தெடுக்கப்பட்டதாகவும் பிறகு மாற்றப்பட்டதாகவும் கூறினார். எப்படி இருந்தாலும் தான் கமலுடன் நடித்ததாகவும் ஒரு பாடல் முழுக்க அவருக்கு மகளாக நடித்ததாகவும்  கூறினார். அதுமட்டுமின்றி இந்த கதாப்பாத்திரம்தான் அந்த படத்தின் திருப்புமுனை என்றும் இயக்குநர் சங்கர் மற்றும் ரத்தினம் கூறியதாக அவர் தெரிவித்தார்.

View this post on Instagram

A post shared by Filmibeat Tamil (@filmibeattamil)

ஒரு நீண்ட இடைவெளிக்கு பிறகு மீண்டும் 2010-ல் 'தமிழ்ப்படம்' என்ற திரைப்படத்தில் ஒரு பாடலில் சிறப்புத் தோற்றத்தில் மீண்டும் திரையுலகில் நுழைந்தார். அதன் பின்னர், 'மலை மலை', 'தமிழ்ப்படம் 2', 'மெட்ராஸ்', 'வடகறி' போன்ற படங்களில் முக்கியக் கதாபாத்திரங்கள் மற்றும் குணச்சித்திர வேடங்களில் நடித்தார். அவர் பிக் பாஸ் தமிழ் சீசன் 3 நிகழ்ச்சியிலும் போட்டியாளராக பங்கேற்றுள்ளார்.