கைவரிசை காட்டிய ஹேக்கர்கள்: குஷ்பூ எக்ஸ் தள கணக்கு முடக்கம்

தமிழ் சினிமாவில் முன்னணி நடிகையாக வலம் வந்தவர் நடிகை குஷ்பூ. அரசியலில் செயல்பட்ட வரும் இவர் தற்போது பா.ஜ.க-வில் இணைந்து பணியாற்றி வருகிறார். அவர் தேசிய மகளிர் ஆணையத்தின் உறுப்பினராக இருந்த நிலையில், கடந்த ஆண்டு ஆகஸ்ட்டில் ராஜினாமா செய்தார். 

நடிகை குஷ்பூ எப்போதும் சமூக வலைதளத்தில் மிகவும் ஆக்டிவாக இருப்பவர். அரசியல் மற்றும்  சினிமா சார்ந்த பதிவுகளை அவர் பகிர்ந்து கொள்வது வழக்கம். இந்த நிலையில், நடிகையும் பா.ஜ.க அரசியல் தலைவருமான குஷ்பூ-வின் எக்ஸ் சமூக வலைதள கணக்கு ஹேக் செய்யப்பட்டு இருப்பது பெரும் அதிர்ச்சியை ஏற்படுத்தியுள்ளது. இது தொடர்பாக அவர் காவல் துறையில் புகார் அளித்திருப்பதாக தெரிவித்துள்ளார். 

தன்னுடைய எக்ஸ் தள கணக்கில் மின்னஞ்சல் முகவரி தற்போது மாற்றப்பட்டுள்ளதாகவும், இது குறித்து அவர் தரப்பில் புகார் அளிக்கப்பட்டுள்ளதாகவும் தெரிவிக்கப்பட்டுள்ளது. அவரது எக்ஸ் தள கணக்கு ஹேக் செய்யப்பட்டு இருப்பது அவரது ஆதரவாளர்கள் மத்தியில் பெரும் அதிர்ச்சியை ஏற்படுத்தியுள்ளது.