தமிழகத்தில் லியோ டிக்கெட் முன்பதிவு எப்போது? லேட்டஸ்ட் அப்டேட்

இயக்குநர் லோகேஷ் கனகராஜ் இயக்கத்தில் நடிகர் விஜய் நடித்துள்ள படம் லியோ. இத்திரைப்படம் வரும் அக்டோபர் 19-ம் தேதி உலகம் முழுவதும் திரையரங்குகளில் வெளியிடப்படுகிறது.  மாஸ்டர் படத்திற்கு பிறகு இந்த கூட்டணி இணைந்துள்ளதால் படத்திற்கு மிகுந்த எதிர்பார்ப்பு ஏற்பட்டுள்ளது. 

அதோடு த்ரிஷா, அர்ஜுன், கௌதம் மேனன்,  சஞ்சய் தத், மன்சூர் அலிகான், மிஷ்கின் உள்ளிட்ட நட்சத்திர பட்டாளங்களும் இணைந்து நடித்துள்ளனர். படத்திற்கு அனிருத் இசை அமைத்துள்ளார். ஏற்கனவே படத்தின் 2 பாடல்கள் வெளியாகி மிகுந்த வரவேற்பை பெற்றுள்ளது. படம் வெளியாவதற்கு முன்பே வெளிநாடுகளில் வசூல் செய்து வருகிறது. லண்டனில் கடந்த செப்டம்பர் மாதமே டிக்கெட் முன்பதிவு தொடங்கியது. 

இந்நிலையில் தமிழ்நாட்டில் அக்டோபர் 15 காலை முதல் லியோ திரைப்படத்தின் டிக்கெட் முன்பதிவு தொடக்கப்பட உள்ளது. ஆன்லைன் மற்றும் நேரடி டிக்கெட் முன்பதிவு தொடங்கப்படுகிறது. 

முன்னதாக, படக்குழு சார்பில் நள்ளிரவு, அதிகாலை, சிறப்பு காட்சிகள் திரையிட தமிழக அரசிடம் அனுமதி கோரப்பட்டது.  இதனையடுத்து அக். 19 முதல் 24 வரை தினசரி 5 காட்கிகள் திரையிட தமிழக அரசு அனுமதி வழங்கி அரசாணை வெளியிட்டுள்ளது.  காலை 4 மணி சிறப்பு காட்சி திரையிடப்படுகிறது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“