பொழுதுபோக்கு Entertainment Gallery

டார்க் நைட் முதல் மிஷன் இம்பாசிபிள் வரை: இந்தியாவில் படமாக்கப்பட்ட டாப் 7 ஹாலிவுட் படங்கள்!

இந்தியாவில் படமாக்கப்பட்டு வெற்றி பெற்ற சில ஹாலிவுட் படங்களை இந்த பட்டியலில் பார்க்கலாம்.

WebDesk

03 Aug 2024 14:18 IST

New Update

1/9

ஸ்டூடியோவுக்குள் முடங்கிய சினிமா

ஒரு மனிதனின் பொழுதுபோக்கு அம்சங்களில் முக்கியமானது சினிமா. வாரத்தில் ஒருநாள் கிடைக்கும் விடுமுறையில் பலரும் சினிமா தியேட்டரை நோக்கியே செல்கின்றனர். அந்த அளவிற்கு சினிமா மனிதனின் ஒரு அங்கமாக மாறிவிட்டதால், சினிமா இயக்குனர்களும் தயாரிப்பாளர்களும் தங்களது படங்களில் வித்தியாசமான இடங்களை காட்ட வேண்டும் என்று வெளிநாடுகளில் படப்பிடிப்பை நடத்துகின்றனர்.

2/9

இந்தியாவில் ஹாலிவுட் சினிமா

க்ளாசிக் சினிமா காலக்கட்டத்தில் ஸ்டூடியோவுக்குள் முடங்கி கிடந்த இந்திய சினிமா தற்போது உலகம் முழுவதும் சென்று படப்பிடிப்பை நடத்தி வருகிறது. அதேபோல் ஒரு சில ஹாலிவுட் படங்கள் இந்தியாவில் படப்பிடிப்பை நடத்தி வெற்றி கண்டுள்ளது. அந்த வகையில் இந்தியாவில் படப்பிடிப்பை நடத்தி பெரிய வரவேற்பை பெற்ற வெளிநாட்டு திரைப்படங்களை இந்த பதிவில் பார்க்கலாம்.

3/9

லைப் ஆப் பை

கடந்த 2012-ம் ஆண்டு வெளியாகி உலகளவில் பெரும் பாராட்டுக்களை பெற்றிருந்த படம் தான் லைப் ஆப் பை. ஒரு சிறுவன் ஒரு புலியுடன் கடலில் ஒரு போட்டில் மாட்டிக்கொண்டு எப்படி தப்பிக்கிறான் என்பதை அடிப்படையாக வைத்து திரைக்கதை அமைக்கப்பட்டிருந்த இந்த படத்தை, ஆங் லி என்பவர் இயக்கியிருந்தார். தென்னிந்தியாவின் பாண்டிச்சேரி மற்றும் கேரளா பகுதிகளில் இந்த படம் படமாக்கப்பட்டது.

4/9

தி போர்னே சுப்ரிமெசி

கடந்த 2014-ம் ஆண்டு வெளியான தி போர்னே சுப்ரிமெசி திரைப்படம் இந்தியாவின் கோவா பகுதியில் படமாக்கப்பட்டது. பால் கிரீன்கிரஸ் இயக்கத்தில் வெளியான இந்த படம், தான் யார் என்பதை மறந்த ஒருவன் தனது அடையாளங்களை கண்டுபிடிக்க முயற்சி செய்யும்போது என்ன நடக்கிறது என்பதை அடிப்படையாக வைத்து திரைக்கதை அமைக்கப்பட்டிருந்தது.

5/9

ஸ்லம்டாக் மில்லியனர்

இந்தியாவின் இசைப்புயல் ஏ.ஆர்.ரஹ்மானுக்கு இரட்டை ஆஸ்கார் விருதை பெற்றுத்தந்த ஸ்லம்டாக் மில்லியனர் திரைப்படம், முழுவதும் மும்பையில் படமாக்கப்பட்டது. தேவ் படேல் முக்கிய கேரக்டரில் நடித்த இந்த படத்தை, டேனி பாய்லே இயக்கியிருந்தார்.

6/9

இண்டியானா ஜோன்ஸ் அண்ட் தி டெம்பிள் ஆப் தூம்

அட்வஞ்சர் மற்றும் த்ரில்லது ரசிகர்கள் மத்தியில் நல்ல வரவேற்பை பெற்றிருந்த இந்த படம், ஜெய்ப்பூர் மற்றும் வாரணாசியில் படமாக்கப்பட்டுள்ளது. ஸ்டீவன் ஸ்பெல்பர்க் இயக்கத்தில் 1984-ம் ஆண்டு வெளியான இந்த படத்தில் ஹரிசன் போர்டு நடித்திருந்தார்.

7/9

மில்லியன் டாலர் ஆர்ம்

கடந்த 2014-ம் ஆண்டு ஜான் ஹோம் நடிப்பில் வெளியான இந்த படத்தை கிரேக் கில்லெஸ்பி இயக்கியிருந்தார், இந்த படத்தின் படப்பிடிப்பு மும்பை மற்றும் இந்தியாவின் சில முக்கிய பகுதிகளில் படமாக்கப்பட்டது.

8/9

மிஷன் இம்பாசிபிள் கோஸ்ட் புரோட்டோகால்

ஹாலிவுட் ஆக்ஷன் படங்களுக்கு பெயர் பெற்ற டாக் க்ருஸ் நடிப்பில் கடந்த 2011-ம் ஆண்டு வெளியான இந்த படத்தை பிராண்ட பேர்டு இயக்கியிருந்தார். இந்த படத்தின் படப்பிடிப்பு மும்பையில் நடைபெற்றது.

9/9

தி டார்க் நைட் ரைசஸ்

கிரிஸ்டோபர் நோலன் இயக்கத்தில் வெளியான பேட்மேன் படத்தின் சீரியலான இந்த படத்தில், கிரிஸ்டியன் பேல் பேட்மேன் கேரக்டரில் நடித்திருந்தார், கடந்த 2012-ம் ஆண்டு வெளியான இந்த படத்தின் சில முக்கிய காட்சிகள் இந்தியாவின் ஜோத்பூரில் படமாக்கப்பட்டது. இந்த படங்கள் மட்டுமல்லாமல் இன்னும் பல படங்கள் இந்தியாவில் படமாக்கப்பட்டுள்ளது.

Hollywood

Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Advertisment