போட்டிக்கு வந்த கான்ஜூரிங், லோகா; 60 கோடி வசூலை கடந்த மதராஸி: இன்றைய நிலவரம் என்ன?

சிவகார்த்திகேயன் நடிப்பில் ஏ.ஆர்.முருகதாஸ் இயக்கத்தில் வெளியான மதராஸி திரைப்படம் கலவையான விமர்சனங்களை பெற்றிருந்த நிலையில், முதல் 3 நாட்கள் வசூல் நிலவரம் குறித்த தகவல் தற்போது வெளியாகியுள்ளது.

இந்த செய்தியை ஆங்கிலத்தில் படிக்க இந்த லிங்கை க்ளிக் செய்யவும்

தமிழ் சினிமாவில் குறுகிய காலத்தில் முன்னணி நடிகராக உயர்ந்த, சிவகார்த்திகேயன் நடிப்பில், ஏ.ஆர். முருகதாஸ் இயக்கத்தில் மதராஸி படம் கடந்த செப்டம்பர் 5-ஆம் தேதி வெளியானது. மிகுந்த எதிர்பார்ப்புக்கு மத்தியில் திரையரங்குகளில் வெளியான இந்த படம், எதிர்பார்த்த அளவுக்கு வசூலில் பெரிய சாதனை படைக்கவில்லை. தற்போது உள்நாட்டு வசூலில் சரிவைச் சந்தித்து வருகிறது.

வணிகத் தகவல்களை வெளியிட்டு வரும் சாக்னிலிக் தளத்தின் அறிக்கையின்படி, 'மதராஸி' திரைப்படம் உள்நாட்டில் முதல் நாளில் ரூ13.65 கோடி, இரண்டாவது நாளில் ரூ12.1 கோடி மற்றும் மூன்றாவது நாளில் ரூ10.65 கோடி என மொத்தம் ரூ36.4 கோடி வசூல் செய்துள்ளது.

முதல் நாள் (வெள்ளிக்கிழமை): ரூ13.65 கோடி
(தமிழ்: ரூ12 கோடி, தெலுங்கு: ரூ1.55 கோடி, இந்தி: ரூ0.1 கோடி)

இரண்டாம் நாள் (சனிக்கிழமை): ரூ12.1 கோடி
(தமிழ்: ரூ10.9 கோடி, தெலுங்கு: ரூ1.1 கோடி, இந்தி: ரூ0.1 கோடி)

மூன்றாம் நாள் (ஞாயிற்றுக்கிழமை): ரூ10.65 கோடி
(தமிழ்: ரூ9.75 கோடி, தெலுங்கு: ரூ0.8 கோடி, இந்தி: ரூ0.1 கோடி)

வெளிநாடுகளில் முதல் மூன்று நாட்களில் ரூ20.25 கோடி வசூல் செய்துள்ளது. இதன்மூலம், 'மதராஸி' திரைப்படம் உலகளவில் மூன்று நாட்களில் ரூ63 கோடி வசூல் செய்துள்ளது.

சிவகார்த்திகேயனின் முந்தைய வெற்றிப் படமான 'அமரன்' முதல் மூன்று நாட்களில் உள்நாட்டில் ரூ63 கோடியும், உலகளவில் ரூ104.50 கோடியும் வசூல் செய்திருந்தது. 'மதராஸி' படத்தின் வசூல், 'அமரன்' படத்துடன் ஒப்பிடும்போது சற்று குறைவாகவே உள்ளது.

'மதராஸி' படத்தில் சிவகார்த்திகேயனுடன் இணைந்து ருக்மினி வசந்த், வித்யுத் ஜம்வால், பிஜு மேனன் போன்றோர் முக்கிய கதாபாத்திரங்களில் நடித்துள்ளனர். ஒரு வித்தியாசமான மனநல கோளாறு கொண்ட ஒருவன், காவல்துறை, ஒரு ஆபத்தான கடத்தல் மாஃபியா மற்றும் தன் காதலிக்கு இடையே சிக்கும் போராட்டமே இப்படத்தின் கதை. உள்நாட்டு பாக்ஸ் ஆபிஸில், கல்யாணி ப்ரியதர்ஷனின் மலையாள சூப்பர் ஹீரோ படமான 'லோகா சாப்டர் 1: சந்திரா' மற்றும் ஹாலிவுட் திகில் படமான 'தி கன்ஜூரிங்: லாஸ்ட் ரைட்ஸ்' ஆகிய படங்களுடன் 'மதராஸி' போட்டி போட்டு வருகிறது.