சாதனை வசூல் செய்த மஞ்ஜூமேல் பாய்ஸ்... ஒ.டி.டி வெளியீடு எப்போது? வெளியான முக்கிய தகவல்

மலையாளத்தில் வெளியாகி தமிழ் ரசிகர்கள் மத்தியிலும் நல்ல வரவேற்பை பெற்றிருந்த மஞ்ஜூமேல் பாய்ஸ் திரைப்படம் ஒடிடி தளத்தில் எப்போது வெளியாகும் என்று அறிவிக்கப்பட்டுள்ளது.

மலையாள இயக்குனர் சிதம்பரம் இயக்கத்தில் கடந்த பிப்ரவரி 22-ந் தேதி வெளியான படம் மஞ்ஜூமேல் பாய்ஸ். கடந்த 2006 ஆம் ஆண்டு தமிழ்நாட்டில் கொடைக்கானலில் நடந்த உண்மை சம்பவத்தை அடிப்படையாகக் கொண்டு திரைக்கதை அமைக்கப்பட்ட இந்த சர்வைவல் த்ரில்லர் திரைப்படம் ரசிகர்கள் மத்தியில் பெரும் வரவேற்பை பெற்று வருகிறது. குறிப்பாக தமிழ் ரசிகர்கள் மத்தியில் இந்த படம் நல்ல வரவேற்பை பெற்றுள்ளது.

சமீபத்தில் வெளியான ரஜினிகாந்தின் லால் சலாம் படத்தின் தமிழக பாக்ஸ் ஆபீஸ் வசூலை மிஞ்சும் வகையில், மஞ்ஜூமேல் பாய்ஸ் திரைப்படம் வசூலில் மாஸ்காட்டி வருகிறது. இந்த படம் ஒரே வாரத்தில் தமிழ்நாட்டு பாக்ஸ் ஆபிஸில் ரூ.5 கோடி வசூலித்துள்ளது. மேலும் மலையாளத்தில் ரூ200 கோடிக்கு மேல் வசூலித்த மஞ்ஜூமேல் பாய்ஸ் படம் ஏற்படுத்திய தாக்கம், இன்னும் ரசிகர்கள் மனதில் நீங்காத நிலையில், படம் ஒடிடி தளத்தில் எப்போது வெளியாகும் என்று காத்திருக்கின்றனர்.

ஐ.எம்.டி.பி ரேட்டிங்கில் 8.5 புள்ளிகள் பெற்றுள்ள மஞ்ஜூமேல் பாயஸ் திரைப்படம் வரும் மே 5-ந் தேதி டிஸ்னி + ஹாட்ஸ்டாரில் வெளியாகும் என்று அறிவிக்கப்பட்டுள்ளது. உண்மை சம்பவத்தை அடிப்படையாக கொண்ட இந்த திரைபடம் கேரளா தாண்டி பல மாநிலங்களில் நல்ல வரவேற்பை பெற்றிருந்தது குறிப்பிடத்தக்கது.