இங்கிலாந்துடனான நேபாளத்தின் ‘நட்பு ஒப்பந்தத்தின் 100-வது ஆண்டை முன்னிட்டு, நடிகை மனிஷா கொய்ராலா இங்கிலாந்து பிரதமர் ரிஷி சுனக்கை 10 டவுனிங் தெருவில் சந்தித்து தனது நாடான நேபாளத்தை பிரதிநிதித்துவப்படுத்தினார்.
நேபாள நாட்டை சேர்ந்த நடிகை மனிஷா கொய்ராலா, தமிழ் மற்றும் இந்தி சினிமாவில் பல படங்களில் நடித்துள்ளார். முன்னணி நடிகையாக வலம் வரும், மனிஷா இங்கிலாந்து பிரதமருடனான தனது சந்திப்பின் புகைப்படங்களை தனது இன்ஸ்டாகிராம் பக்கத்தில் பகிர்ந்துள்ளார். இது குறித்து அவர் வெளியிட்டுள்ள பதிவில், "யுனைடெட் கிங்டம் - நேபாள உறவுகள் மற்றும் எங்கள் நட்பு ஒப்பந்தத்தின் 100 ஆண்டுகளைக் கொண்டாட 10 டவுனிங் தெருவுக்கு அழைக்கப்பட்டது ஒரு மரியாதை.
பிரதமர் ரிஷி சுனக், நம் நாட்டைப் பற்றி அன்பாகப் பேசுவதைக் கேட்பது மிகவும் மகிழ்ச்சியாக இருந்தது. எவரெஸ்ட் அடிப்படை முகாமுக்கு மலையேற்றம் செய்ய வருவார்கள்” என்று பிரதமர் மற்றும் அவரது குடும்பத்தினரை அழைக்கும் சுதந்திரத்தை நான் எடுத்துக் கொண்டேன் என்று மனிஷா கொய்ராலா பதிவிட்டுள்ளார்.
மனிஷாவின் இந்த சந்திப்பின்போது, பங்கேற்ற பலரும், மனிஷாவின், ஹீரமாண்டி வெப் சிரீஷ் எப்படிப் பார்த்தார்கள் என்பதை அறிந்து கொண்டதில் அவர் தனது மகிழ்ச்சியை வெளிப்படுத்தினார். "பெரும்பாலான பங்கேற்பாளர்கள் தனது வெப்சிரீசை நெட்ப்ளக்ஸில் பார்க்க விரும்பியதாகவும், இதை உங்களால் நம்ப முடிகிறதா? இதை கேட்டு நான் சிலிர்ப்பாக இருந்தேன், ”என்று கூறியுள்ளார்.
சஞ்சய் லீலா பன்சாலியின் முதல் வலைத் தொடரான ஹீராமண்டியில் மல்லிகா ஜானாக நடித்ததற்காக மனிஷா பாராட்டுக்களை பெற்றிருந்தார். கடந்த சில நாட்களுக்கு முன்பு, இன்ஸ்டாகிராமில் ஒரு நீண்ட குறிப்பை பதிவிட்டிருந்த மனிஷா, கருப்பை புற்றுநோயுடன் போராடிய பிறகு தனது வேலையை மீண்டும் தொடங்கும் பயணம் குறித்து மனிஷா பேசியிருந்தார்.
“சஞ்சய் லீலா பன்சாலியின் இயக்கத்தில் ஹீராமண்டி படப்பிடிப்பைத் தொடங்கியபோது தன்னைத் துன்புறுத்திய சந்தேகங்களையும் நினைவு கூர்ந்த மனிஷா கொய்ராலா, “இன்று, நான் பல பாராட்டுகளைப் பெறும்போது, என்னைப் பற்றிய சந்தேகங்கள் மற்றும் கவலைகளை என்னால் நினைவில் கொள்ளாமல் இருக்க முடியவில்லை. பாதிப்பில் இருந்து மீண்டு வந்து, தீவிரமான படப்பிடிப்பு அட்டவணைகள், கனமான உடைகள் மற்றும் நகைகளைச் சமாளிக்கும் அளவுக்கு என் உடல் வலுவாக இருக்குமா என்ற சந்தேகம் இருந்தது.
/indian-express-tamil/media/media_files/KOXUgubbPbnhru0LgyQm.jpg)
"நீரூற்று வரிசை மிகவும் உடல் ரீதியாக சவாலானது. 12 மணி நேரத்திற்கும் மேலாக நீர் நீரூற்றில் என்னை மூழ்கடிக்க வேண்டியிருந்தது. இந்த காட்சி என் சகிப்புத்தன்மையை சோதித்தது! தண்ணீர் சூடாகவும் சுத்தமாகவும் இருப்பதை சஞ்சய் உறுதி செய்திருந்தாலும், சில மணிநேரங்களில், தண்ணீர் சேறும் சகதியுமாக மாறியது. படப்பிடிப்பின் முடிவில் நான் களைப்பைத் தாண்டியிருந்தாலும், என் இதயத்தில் ஆழ்ந்த மகிழ்ச்சியை உணர்ந்தேன். என் உடல் மன அழுத்தத்தை எடுத்துக்கொண்டு நெகிழ்ச்சியுடன் இருந்தது. நான் ஒரு முக்கியமான உடல் பரிசோதனையில் தேர்ச்சி பெற்றேன் என்று எனக்குத் தெரிந்தது.
வயது, நோய் அல்லது ஏதேனும் பின்னடைவு காரணமாக உங்கள் நேரம் வந்து விட்டது, போய்விட்டது என்று நினைப்பவர்களை, ஒருபோதும் கைவிடாதீர்கள்! வளைவைச் சுற்றி உங்களுக்காக என்ன காத்திருக்கிறது என்று உங்களுக்குத் தெரியாது! உங்களின் அன்புக்கும் தாராள மனப்பான்மைக்கும் நான் மிகவும் நன்றியுள்ளவனாக இருப்பேன் என்று மனிஷா கொய்ராலா உருக்கமாக தெரிவித்துள்ளார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/HhU0Vz6s9M5ZYZbBQw7P.jpg)