விஜய் வசனமே இல்லாத மாஸ்டர் டீசர்: ரசிகர்கள் ரியாக்ஷன் என்ன?

மாஸ்டர் டீசர், யுடியூப்பில் வெளியாகி ஒரு மணி நேரத்தில் 4.84 லட்சம் வியூஸை தாண்டியிருக்கிறது. இதை ரசிகர்கள் டிவிட்டரில் வெளியிட்டு கொண்டாடி வருகிறார்கள்.

யுடியூப்பில் வெளியாகி முக்கால் மணி நேரத்தில் 4 லட்சத்து 80ஆயிரம் வியூஸை தாண்டியிருக்கிறது மாஸ்டர் டீசர். 24 மணி நேரத்தில் 20 மில்லியன் வியூஸ் என்பதே விஜய் ரசிகர்களின் இலக்கு.

பிரபலங்கள் பலரும் மாஸ்டர் டீசரை புகழ்ந்து வருகிறார்கள். நடிகர் சிவகார்த்திகேயன், நடிகர் விவேக் ஆகியோர் வாழ்த்து தெரிவித்து ட்விட்டரில் பதிவு போட்டிருக்கிறார்கள்.

டீசரில் விஜய்க்கு டயலாக் எதுவுமே இல்லை. விஜய்யின் பஞ்ச் டயலாக் எதிர்பார்த்த ரசிகர்களுக்கு சின்னதாக ஏமாற்றம்! விஜய் இந்தப் படத்தில் பேராசிரியராக வருவது, டீசரில் உறுதி ஆகிறது.

ஒரே ஒரு குறை; தலைவன் பஞ்ச் டயலாக் இல்லை என ட்விட்டரில் கருத்து கூறுகிறார் மாயோன் என்கிற ரசிகர். பெரும்பாலான ரசிகர்கள் விஜய் டயலாக் இல்லாமல் ஆக்‌ஷன் காட்சிகளாக டீசரில் வெளியிட்டிருப்பது இன்னும் எதிர்பார்ப்பை அதிகப்படுத்துவதாக கூறுகிறார்கள்.

மாஸ்டர் டீசர் வெளியானது. டீசர் வெறித்தனமாக இருப்பதாக ரசிகர்கள் கொண்டாடி வருகிறார்கள்.

இன்னும் சற்று நேரத்தில், 6 மணிக்கு மாஸ்டர் டீசர் சன் டிவி யு டியூப் தளத்தில் வெளியாக உள்ளது. இதில் 20 மில்லியன் வியூஸ்களை 24 மணி நேரத்தில் கடக்க வேண்டும் என விஜய் ரசிகர்கள் இலக்கு வைத்திருக்கிறார்கள்.

மெர்சல் டீசர் 24 மணி நேரத்தில் 11.4 மில்லியன் வியூஸ், சர்கார் டீசர் 16 மில்லியன் வியூஸ், பிகில் டிரெய்லர் 24 மணி நேரத்தில் 19 மில்லியன் வியூஸ் போனதாக கணக்கு வைத்திருக்கும் ரசிகர்கள், அந்தச் சாதனைகளை மாஸ்டர் டீசர் முறியடிக்கும் என கூறி வருகிறார்கள்.

ட்விட்டரிலும் மாஸ்டர் டீசர் டுடே என்கிற ஆங்கில ஹேஷ்டேக் ட்ரெண்டிங்கில் இருக்கிறது.

மாஸ்டர் படத்தின் ஆடியோ லாஞ்சின்போது வசனகர்த்தா ரத்னகுமார், குறிப்பிட்ட வசனத்திற்கு தியேட்டர் கிழியப் போவுது என குறிப்பிட்டார். அந்த வசனம் டீசரில் இடம் பெறும் என்கிற எதிர்பார்ப்பில், அந்த வசனத்திற்காக காத்திருக்கிறார்கள். இது குறித்து பலரும் ட்விட்டரில் பகிர்ந்து வருகிறார்கள்.

சதீஷ் விஜய் என்கிற ரசிகர் தனது ட்விட்டர் பக்கத்தில், ‘தளபதி படமே இல்லாத ஒரு வருஷமா 2020 இருக்க போது.
ஆனா அந்த குறைய வர போற டீஸர் தீத்து வைக்கும் ! தியேட்டர்ல டீஸர் -யே படமா கொண்டபோறாங்க பசங்க. சரியான நேரத்துல சரவெடி !’ என கூறியிருக்கிறார். !@Dir_Lokesh நன்றி ப்ரோ’ என கூறியிருக்கிறார்.

விஜய்க்கு நிறைய விஐபி ரசிகர்கள், நட்சத்திர ரசிகர்கள் உண்டு. அவர்களில் ஒருவர், நடிகர் சிபி சத்யராஜ். அவர் தனது ட்விட்டர் பக்கத்தில், மாஸ்டர் டீசர் டுடே என ஹேஷ்டேக் போட்டு, ‘மரண வெயிட்டிங்’ என குறிப்பிட்டிருக்கிறார்.