படமாகும் சரவண பவன் ஓட்டல் ஓனர் கதை? நடிகர், இயக்குநர் இவங்க தானாம்!

மலையாள சினிமாவின் சூப்பர் ஸ்டார் மோகன்லால், 2025 ஆம் ஆண்டை தன் வசப்படுத்தியுள்ளார். கடந்த சில ஆண்டுகளாக பாக்ஸ் ஆபிஸில் பெரிய வெற்றிப் படங்கள் இல்லாத நிலையில், இந்த ஆண்டு வெளியான அவரது மூன்று திரைப்படங்களும் பிரம்மாண்டமான வெற்றியைப் பெற்றுள்ளன.

லூசிஃபர் படத்திற்குப் பிறகு ஒரு பெரிய பிளாக்பஸ்டர் இல்லாத நிலையை, இந்த ஆண்டு வெளியான எம்புரான் மற்றும் துடரும் படங்கள் மாற்றியமைத்தன. இந்த இரண்டு படங்களும் புதிய பாக்ஸ் ஆபிஸ் சாதனைகளைப் படைத்து, 65 வயதான மோகன்லாலின் ஸ்டார் அந்தஸ்து இன்னும் குறையவில்லை என்பதை நிரூபித்தன. சமீபத்தில் வெளியான அவரது மூன்றாவது படமான ஹ்ருதயபூர்வம் மற்ற இரண்டு படங்களைப் போல பிரம்மாண்ட வெற்றி இல்லாவிட்டாலும், ரூ.50 கோடிக்கு மேல் வசூலித்து, ஹாட்ரிக் வெற்றியை உறுதிப்படுத்தியுள்ளது.

இந்த அபார வெற்றிக்கு மத்தியில், மோகன்லாலின் அடுத்த படம் குறித்த எதிர்பார்ப்பு அதிகரித்துள்ளது. ஜெய் பீம் இயக்குனர் டி.ஜே. ஞானவேல், ஒரு புதிய கதைக்களத்துடன் மோகன்லாலை சந்தித்துள்ளதாக தகவல் வெளியாகியுள்ளது. உலகப் புகழ் பெற்ற சரவண பவன் உணவகங்களின் நிறுவனர், 'தோசை கிங்' என்று அழைக்கப்படும் பிச்சை ராஜகோபாலின் வாழ்க்கையை அடிப்படையாகக் கொண்ட ஒரு பயோபிக்கை இயக்க ஞானவேல் திட்டமிட்டுள்ளார். இந்த கதையை மோகன்லால் விரும்பியதாகவும் கூறப்படுகிறது.

The story narrated is #DosaKing 🔥 — based on the life of the founder of Saravana Bhavan.

Directed by TJ Gnanavel.
Written by TJ Gnanavel and Hemanth Rao (renowned for Sapta Saagaradaache Ello – Side A & B and co-writing Andhadhun) 🔥
Produced by #JungleePictures.

Nadakatte 🤞… https://t.co/dvQCrbwqdM

— AB George (@AbGeorge_) September 6, 2025

அந்தாதூன் படத்தின் இணை எழுத்தாளர் ஹேமந்த் ராவ், இந்தத் திட்டத்தில் ஞானவேலுடன் இணைந்து பணியாற்றுகிறார். இந்தக் கதை, ராஜகோபாலின் தொழில் வளர்ச்சி மற்றும் அவரது வாழ்க்கையின் இறுதிக் காலத்தில் ஏற்பட்ட சவாலான நிகழ்வுகளை உள்ளடக்கியதாக இருக்கும். இந்தத் திட்டம் குறித்த பேச்சுவார்த்தைகள் இன்னும் ஆரம்ப கட்டத்திலேயே உள்ளன. எனினும், மோகன்லால் ரசிகர்கள் மத்தியில் இந்த புதிய கூட்டணி பெரும் உற்சாகத்தை ஏற்படுத்தியுள்ளது.