வீணடிக்கப்பட்ட நாகார்ஜுனா கேரக்டர்... கட்அவுட்-டுக்கு பால் ஊற்றிய ரசிகர்கள் ஏமாற்றம்

தமிழில் உச்ச நட்சத்திரமாக வலம் வரும் நடிகர் ரஜினிகாந்த் முன்னணி இயக்குநரான லோகேஷ் கனகராஜ் இயக்கிய ‘கூலி’ திரைப்படத்தில் நடித்துள்ளார். சன் பிக்சர்ஸ் நிறுவனம் தயாரித்துள்ள இப்படத்திற்கு அனிருத் இசையமைத்துள்ளார். இந்தப் படத்தில் அமீர் கான், சத்யராஜ், நாகர்ஜுனா, சவுபின் ஷாஹிர், ஸ்ருதிஹாசன், ரெபா மோனிகா ஜான் மற்றும் உபேந்திரா உள்ளிட்டோர் நடித்துள்ளனர்.

இந்நிலையில், நடிகர் ரஜினிகாந்த் நடிப்பில் உருவான ‘கூலி’ திரைப்படம் இன்று உலகம் முழுவதும் வெளியானது. தமிழ்நாடு, கர்நாடகா, ஆந்திரா, கேரளாவில் ரசிகர்கள் திரையரங்கை அதிரவிட்டு வருகின்றனர். இது தொடர்பான வீடியோ சமூக வலைதளங்களில் வைரலாகி வருகிறது. அந்த வகையில், இன்ஸ்டாகிராமில் வைரலாகி வரும் வீடியோ ஒன்றில்  நாகார்ஜுனாவின் ரசிகர்கள் ஹைதராபாத்தில் உள்ள கோகுல் தியேட்டரின் மாடியில் ஏறி அவரின் பிரமாண்டமான படத்திற்கு மாலை அணிவிப்பதும், பால் அபிஷேகம் செய்தும் மகிழ்ந்துள்ளனர். 

நாகார்ஜுனாவின் ரசிகர்கள் அந்த வீடியோவில், தியேட்டருக்கு வெளியே ராக்கெட்டுகள் மற்றும் பட்டாசுகளை வெடித்து மகிழ்கின்றனர். மேலும், பட்டாசுகள், பூக்களுடன் நாகார்ஜுனாவின் படங்களின் மீது ஊற்ற பால் பாக்கெட்டுகளையும் கொண்டு வந்து பால் அபிஷேகம் செய்துள்ளனர். நாகார்ஜுனாவின் பிறந்தநாள் ஆகஸ்ட் 29 வருவதை ஒட்டி, சில ரசிகர்கள் அதை சில நாட்களுக்கு முன்னதாகவே கொண்டாடியுள்ளனர். தியேட்டர் முன்பாக வைக்கப்பட்டு இருந்த சில பேனர்களில் "அட்வான்ஸ் பிறந்தநாள் வாழ்த்துக்கள் அன்னய்யா (சகோதரர்)" என்கிற வாசனங்களை ரசிகர்கள் போட்டுள்ளனர். 

View this post on Instagram

A post shared by Kamlesh Nand (work) (@artistrybuzz_)

இந்த நிலையில், கூலி படத்தை பார்த்த ரசிகர்களில் சிலர் நாகார்ஜுனாவின் பாத்திரத்தைப் பார்த்து ஏமாற்றம் அடைந்ததாக சமூக வலைதள பக்கங்களில் வெளிப்படுத்தியுள்ளனர். படத்தில் அவரது பாத்திரம் வீணடிக்கப்பட்டதாகவும் குறிப்பிட்டுள்ளனர். இது தொடர்பாக ரசிகர் ஒருவர் தனது எக்ஸ் பக்கத்தில், “படம் நன்றாக இருந்தது, க்ளைமாக்ஸ் மிகவும் வேடிக்கையாக இருந்தது. ஆனால் நேர்மையாகச் சொன்னால், நாகார்ஜுனாவின் கதாபாத்திரம் வீணடிக்கப்பட்டதாக உணர்ந்தேன். படத்தில் ஒரு வலுவான வில்லன் இல்லை.” என்று பதிவிட்டுள்ளார். மற்றொரு ரசிகர், “நாகர்ஜுனா மற்றும் சத்யராஜின் கதாபாத்திரங்கள் வீணடிக்கப்பட்டன.” என்று ஏமாற்றம் தெரிவித்துள்ளார். 

Hired Nagarjuna for the antagonist role just to prove how badly you can write for a legend. The character arc.. A downhill sprint into irrelevance. I guess 'wasted potential' was part of the script. ! @Dir_Lokesh

— GK (@Adithya__7M) August 14, 2025

Vizag Nagarjuna Akkineni fans @iamnagarjuna#Cooliepic.twitter.com/EaAzY1UM4I

— StylishstarAbhimani ⚔️ (@bunnyannacult22) August 14, 2025

ஒரு ரசிகர், "சைமன் கதாபாத்திரத்தின் இறுதி காட்சிக்கு நீங்கள் எப்படி ஒப்புக்கொண்டீர்கள், உங்களுக்கு மனசாட்சி இல்லையா?" என்று கேள்வி எழுப்பியுள்ளார். சிலர் நாகார்ஜுனா 'நன்றாக' நடித்தார், ஆனால் அவரது 'சாத்தியம் வீணடிக்கப்பட்டது' என்று பதிவிட்டுள்ளனர். ஒரு ரசிகர், "நாகார்ஜுனா வெளிப்படையாக ஸ்டைலாகத் தெரிகிறார், ஆனால் இந்த வேடத்தில் நடிக்க உங்களிடம் எந்தத் துணிவும் இல்லாதபோது என்ன பயன்" என்றும் பதிவிட்டுள்ளார். 

Gokul Theatre King Nagarjuna Fans 🕺#Coolie#Nagarjunapic.twitter.com/UcxYh1wwl0

— అతడు (@vinays369) August 14, 2025

இருப்பினும், எல்லோரும் அதை ஒப்புக்கொள்ளவில்லை, ஏனென்றால் சிலர் அவரும் சௌபின் ஷாஹிரும் படத்தில் 'உச்ச நிலை வில்லத்தனத்தை' காட்டியதாக வெளிப்படுத்தியுள்ளன. ரசிகர் ஒருவர், "நாகார்ஜுனா நடிப்பும் திரைப் பிரசன்ஸும் ரஜினியைப் போலவே மாஸ்." என்று குறிப்பிட்டு, "கூலி படத்தில் எனக்குப் பிடித்த கதாபாத்திரங்கள் சௌபின், நாகார்ஜுனா, மற்றும் ஷ்ருதிஹாசன். அவர்களின் கதாபாத்திரங்களும் அவர்களின் நடிப்பும் எனக்கு மிகவும் பிடித்திருந்தது." என்று பதிவிட்டுள்ளார்.