Airaa Movie and Tamilrockers: நயன்தாரா படத்திற்கும் பைரசி மிரட்டல்

Tamilrockers vs Airaa Movie: நயன்தாரா நடிப்பில் வெளியாகி வரவேற்பை பெற்றிருக்கும் ஐரா படம், பைரசி இணையதளங்களின் தாக்குதலுக்கு உள்ளாகியிருக்கிறது. இணையதளங்களில் இது தொடர்பான ரசிகர்களின் தேடல் அதிகரித்திருக்கிறது.

நயன்தாரா, கலையரசன், யோகிபாபு நடிப்பில் மார்ச் 28-ம் தேதி ரிலீஸ் ஆகியிருக்கும் படம், ஐரா. இந்தப் படத்திற்கு ரசிகர்கள் மத்தியில் அதிக வரவேற்பு இருக்கிறது. இதற்கு முக்கிய காரணம், லேடி சூப்பர் ஸ்டார் நயன் இதில் இரட்டை கதாபாத்திரத்தில் அசத்தியிருப்பதுதான்.

இதற்கிடையே ஐரா வெளியாகி 2-வது நாளே பைரசி இணையதளங்களில் வெளியாகிவிட்டதாக தகவல்கள் பரவின. பெரும்பாலான படங்களை ரிலீஸ் அன்றே வெளியிட்டு அதிர வைக்கும் தமிழ் ராக்கர்ஸின் புதிய முகவரியை இதற்கான இணையதளங்களில் தேடுவோரின் எண்ணிக்கையும் அதிகரித்திருக்கிறது.

வார இறுதி நாட்களில் படத்தை ரிலீஸ் செய்து, ஓரளவு வசூலை பார்க்கும் திட்டத்தில் சினிமாவை வெளியிடுகிறார்கள். ஆனால் தியேட்டர்களுக்கு செல்கிறவர்களைவிட தமிழ் ராக்கர்ஸ் இணையதளத்தை தேடுபவர்களின் எண்ணிக்கையே அதிகமாக இருக்கும் போலத் தெரிகிறது.

சினிமா உலகம் எப்படித்தான் தப்பப் போகிறதோ?