/indian-express-tamil/media/media_files/juh1e2y7XBzxPbohg5Dr.jpg)
தயாரிப்பாளர் சசிகாந்த் இயக்கத்தில் நயன்தாரா நடித்துள்ள டெஸ்ட் படம் நேரயாக ஒடிடி தளத்தில் வெளியாக உள்ளதாக தகவல் வெளியாகியுள்ளது. இந்த படத்தில் மாதவன் சித்தார்த் மீரா ஜாஸ்மின் ஆகியோர் முக்கிய கேரக்டரில் நடித்துள்ளனர்.
விக்ரம் வேதா, தமிழ் படம், இறுதிச்சுற்று, மண்டேலா, ஜகமே தந்திரம் உள்ளிட்ட சில வெற்றிப்படங்களை தாயரித்த தயாரிப்பாளர் சசிகாந்த், தற்போது டெஸ்ட் படத்தின் மூலம் இயக்குனராக அறிமுகமாகியுள்ளார். நயன்தாரா, மாதவன், சித்தார்த், மீரா ஜாஸ்மின் ஆகியோர் இணைந்து நடித்துள்ள இந்த படத்தை, வொய் நாட் ஸ்டூடியோஸ் மூல் சசிகாந்தே தயாரித்துள்ளார். சக்தி ஸ்ரீகோபாலன் இந்த படத்திற்கு இசையமைக்கிறார்.
இந்த படத்தின் படப்பிடிப்பு பணிகள் முடிவடைந்து இறுதிக்கட்ட பணிகள் விறுவிறுப்பாக நடைபெற்று வரும் நிலையில், இந்த படத்தின் வெளியீடு குறித்த தகவல் தற்போது வெளியாகியுள்ளது. அதன்படி, டெஸ்ட் படம், நேரடியாக ஒ.டி.டி தளத்தில் வெளியாக உள்ளதாக கூறப்படுகிறது. இதற்கான பேச்சுவார்த்தை தீவிரமாக நடைபெற்று வருவதாக தகவல் வெளியாகியுள்ளது சசிகாந்த் தயாரித்த தனுஷின் ஜகமே தந்திரம் படமும் நேரடியாக ஒடிடி தளத்தில் வெளியானது.
அதேபோல், நயன்தாரா நடிப்பில், நெற்றிக்கண், மற்றும் ஒ2 ஆகிய படங்கள் நேரடியாக ஒடிடி தளத்தில் வெளியான நிலையில், தற்போது அவரின் 3-வது படமாக டெஸ்ட் ஒடிடி தளத்தில் வெளியாக பேச்சுவார்த்தை நடைபெற்று வருவது குறிப்பிடத்தக்கது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.