Nayanthara's Airaa: பவானிக்கும் யமுனாவுக்கும் எந்த சம்பந்தமும் இல்லை - ஐரா விமர்சனம்

இந்தப் படத்தில் நயன்தாராவுடன் இணைந்து நடித்துள்ள, நடிகர் கலையரசன், ”என்னைப் பார்ப்பவர்களெல்லாம் ஏம் ‘மெட்ராஸ்’ படம் போலுள்ள கதைகளில் நடிப்பதில்லை எனக் கேட்கிறார்கள். சர்ஜூனும் நானும் ’எச்சரிக்கை இது மனிதர்கள் நடமாடும் இடம்’ படத்தில் வேலை செய்தோம். ஐரா என்னுடைய திரை வாழ்க்கையில் மிக முக்கியமானப் படம். இது வெறும் ஹாரர் படம் மட்டுமில்லை, இதில் உணர்வுப்பூர்வமான விஷயங்களும் உள்ளன” என பிரஸ்மீட்டில் தெரிவித்திருந்தார். 

ஐரா திரைப்படம் நேற்றே அமெரிக்கா மற்றும் கனடாவில் ரிலீஸாகிவிட்டதாகவும்,  சிங்கப்பூர், லண்டன், இலங்கை,  ஆஸ்திரேலியா,  ஹாங்காங், ஐரோப்பா, துபாய்  ஆகிய நாடுகளில் இன்று வெளியாகியிருப்பதாகவும், படத்தின் தயாரிப்பு நிறுவனமான, கே.ஜே.ஆர் ஸ்டூடியோஸ் தெரிவித்துள்ளது.  

ஐரா திரைப்படத்தின் எழுத்தாளர் பிரியங்கா ரவீந்திரன் , ”சீன் - 1, எக்ஸ்டீரியர் , ரோடு என்பது முதல் இன்று முதல் திரையரங்குகளில் என்பது வரை ஐரா பயணம் ஓர் அழகான வலி” என்று தெரிவித்துள்ளார். 

ஐரா திரைப்படம் மிகப்பெரிய வெற்றியடைய படக்குழுவினருக்கு தனது வாழ்த்துகளைத் தெரிவித்துள்ளார் இயக்குநர் நெல்சன் வெங்கடேசன். 

ஐரா படத்தில் நடித்த நடிகர் கலையரசன், நயன்தாராவுக்கும் குழுவினருக்கும் தனது நன்றியைத் தெரிவித்துள்ளார். அதோடு ரசிகர்கள் தியேட்டரில் இந்தப் படத்தைப் பார்த்து தங்களுக்கு ஆதரவளிக்கும்படியும்  கேட்டுக் கொண்டுள்ளார். 

நடிகை ஐஸ்வர்யா ராஜேஷ், ”கே.ஜே.ஆர் ஸ்டூடியோவுக்கு மற்றுமொரு ப்ளாக்பஸ்டர் ஹிட்டாகட்டும். ’ஐரா’வின் மொத்த குழுவினருக்கும், இன்ஸ்பிரேஷனான நயன்தாராவுக்கும் மனம் நிறைந்த வாழ்த்துகள். தியேட்டரில் மட்டும் பாருங்கள்” என ட்வீட்டியுள்ளார். 

நயன்தாரா நடித்திருக்கும் ‘ஐரா’ இன்று உலகம் முழுவதும் 1400 திரையரங்குகளில் வெளியாகியிருக்கிறது. 

பத்திரிக்கையாளர் ஹரிச்சரண் புடிபேடி, “இந்த உணர்வுப் பூர்வமான ஹாரர் படத்தில், யமுனா, பவானி என்ற வலிமையான கதாபாத்திரங்களில் நயன்தாரா சிறப்பாக நடித்திருக்கிறார்” என ட்விட்டரில் தெரிவித்திருக்கிறார்.