OTT: விதியின் விளையாட்டு... எதிர்பாரா திருப்பங்கள் நடுங்க வைக்கும் வெப் சீரிஸ்; இது திகில் படப் பிரியர்களுக்கு செம ட்ரீட்!

ஒவ்வொரு வாரமும் ஓ.டி.டி வெளியீட்டிற்காக திரை ரசிகர்கள் காத்திருக்கின்றனர். தற்போது உள்ள நிலையில் திரையரங்கிற்கு சென்று படம் பார்ப்பவர்களை விட ஓ.டி.டி-யில் படம் பார்ப்பவர்களின் எண்ணிக்கை அதிகமாகிக் கொண்டே வருகிறது. ஒவ்வொரு வாரமும் ஓ.டி.டி தளங்களில் ரசிகர்களை குஷிப்படுத்தும் விதமாக ஏராளமான படங்கள் வெளியாகி வருகிறது. அந்த வரிசையில் இந்த வாரம் வெளியாகியுள்ள படங்கள் குறித்து காணலாம்.

ஜூனியர்

ராதா கிருஷ்ணா ரெட்டி இயக்கத்தில் கிரீதி ரெட்டி கதாநாயகனாக நடித்துள்ள திரைப்படம் ‘ஜூனியர்’. இந்த படத்தில் ஸ்ரீலீலா, ஜெனிலியா உட்பட பலர் முக்கிய கதாபாத்திரத்தில் நடித்துள்ளனர்.  இப்படம் செப்டம்பர் 30-ந் தேதி பிரைம் வீடியோ ஓ.டி.டி தளத்தில் வெளியாகியுள்ளது.

மதராஸி

இயக்குநர் ஏ.ஆர். முருகதாஸ் இயக்கத்தில் சிவகார்த்திகேயன் நடிப்பில் வெளியான திரைப்படம் 'மதராஸி'. இந்த படத்தில் ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடித்துள்ளனர். இப்படம் அக்டோபர் 1-ஆம் தேதி பிரைம் வீடியோ ஓ.டி.டி தளத்தில் வெளியாகி உள்ளது.

லிட்டில் ஹார்ட்ஸ்

இயக்குநர் சாய் மார்த்தந்த் இயக்கத்தில் வெளியான திரைப்படம் ‘லிட்டில் ஹார்ட்ஸ்’. இந்த படத்தில் 
 மவுலி தனுஜ் பிரஷாந்த் மற்றும் சிவானி நாகரம் முக்கிய வேடங்களில் நடித்துள்ளனர். இப்படம் கடந்த 1-ஆம் தேதி ஈ.டிவி வின் ஓடிடியில் வெளியாகி உள்ளது.

செக்மேட்

இயக்குநர் ரதீஷ் சேகர் இயக்கத்தில் பரபரப்பான சஸ்பென்ஸ் நிறைந்த படமாக வெளியான திரைப்படம் ‘செக்மேட்’. இதில்  அனூப் மேனன், லால் மற்றும் ரேகா ஹரிந்திரன் உட்பட பலர் நடித்திருந்தனர். இப்படம் ஜீ5 ஓ.டி.டி தளத்தில் நேற்று (அக்.3) வெளியானது.

காந்தி கண்ணாடி

இயக்குநர் ஷெரீப் இயக்கத்தில் கே.பி.ஒய் பாலா நடிப்பில் வெளியான திரைப்படம் ‘காந்தி கண்ணாடி’. இப்படம் நேற்று (அக்.3) பிரைம் வீடியோ ஓ.டி.டி தளத்தில் வெளியாகி உள்ளது.

நாளை நமதே

இயக்குநர் வெண்பா கதிரேசன் இயக்கத்தில் சமீபத்தில் வெளியான திரைப்படம் ’நாளை நமதே’. இந்த படத்தில் மதுமிதா, வேல்முருகன், ராஜலிங்கம், செந்தில் குமார், முருகேசன், மாரிக்கண்ணு, கோவை உமா ஆகியோர் முக்கிய கதாபாத்திரங்களில் நடித்துள்ளனர். இப்படம் நேற்று  (அக்.3) ஆஹா தமிழ் ஓ.டி.டி தளத்தில் வெளியாகி உள்ளது.

தி கேம்

இயக்குநர் ராஜேஷ் எம். செல்வா இயக்கத்தில் ஷ்ரத்தா ஸ்ரீநாத் நடிப்பில் உருவாகியுள்ள படம் ’தி கேம்’. இந்த படத்தில் சந்தோஷ் பிரதாப், சாந்தினி, விவியா சாந்த், ஹேமா, சுபாஷ் செல்வம், பாலா ஹாசன் உட்பட பலர் முக்கிய கதாபாத்திரத்தில் நடித்துள்ளனர். இப்படம் நேற்று (அக்.3) நெட்பிளிக்ஸ் ஓ.டி.டி தளத்தில் வெளியாகியுள்ளது. இந்த வாரம் ரசிகர்களை கவரும் விதமான விறுவிறுப்பான பரபரப்பான கதைக்களத்தில் திரைப்படங்கள் ஸ்ட்ரீமாகி வருகிறது.