‘ரஜினிக்கு என் அரசியல் பிடித்திருந்தது...’ கபாலியில் ரஜினிகாந்த் நடித்தது குறித்து பா.ரஞ்சித் ஓபன் டாக்

தங்கலான் ஆடியோ வெளியீட்டு விழாவில் பேசிய இயக்குனர் பா.ரஞ்சித், தயாரிப்பாளர் சி.வி.குமாருக்கு தனது முதல் படமான  ‘அட்டகத்தி’ படத்தின் கதையை விவரித்ததில் இருந்து இன்று மிகப்பெரிய படத்தை இயக்குவது வரை பல விஷயங்களைப் வெளிப்படையாகப் பேசியுள்ளார். 

ஆங்கிலத்தில் படிக்க: Pa Ranjith on Rajinikanth coming onboard Kabali: ‘He liked my politics’

ரஜினிகாந்த் நடிப்பில் அடுத்தடுத்து தொடர்ந்து, 2 படங்களை இயக்கிய இயக்குனர்கள் அரிது, பெரும்பாலும் இல்லை என்றே கூறலாம். பொதுவாக ரஜினிகாந்த் நடிக்கும் படத்தில் இல்லாத ஒன்று தலைப்புகளில் அரசியல் பேசுவதும், விவாதிப்பதும் அபூர்வம். இருப்பினும், கபாலி மூலம், இயக்குனர் பா. ரஞ்சித் அரிய சாதனையை செய்தார். இந்த படத்தின் வெற்றி, மேலும் பெரிய அளவில் அரசியல் ரீதியாக வலுவான படமான காலா படத்தை இயக்க வழி வகுத்தது. சென்னையில் நடந்த தங்கலான் ஆடியோ வெளியீட்டு விழாவில், அட்டகத்தியில் இருந்து தங்கலானுக்கு தன்னைக் கொண்டு வந்த பாதையைப் பற்றி ரஞ்சித் பேசினார். மேலும், சூப்பர் ஸ்டாரைப் பற்றி குறிப்பிடாமல் அதை பேச முடியாது என்று கூறினார்.

தயாரிப்பாளர் சி.வி. குமாரிடம் அட்டகத்தி படத்தின் கதையை கூறியதில் இருந்து இன்றுவரை தனது மிகப்பெரிய படமான தங்கலான் படத்தை இயக்கியது வரை தான் கடந்து வந்த பாதையைப் பற்றி இயக்குனர் பா. ரஞ்சித் கூறுகையில், ​​“அட்டகத்தி ரசிகர்களுடன் நெருக்கமாக இருந்தது. அது எனது வாழ்க்கை கதையை மக்கள் ஏற்றுக்கொள்வார்கள் என்ற நம்பிக்கையை எனக்கு அளித்தது. இவை திரையில் சரியாகக் காட்டப்படாத கதைகள், நான் சினிமாவின் ஒரு பகுதியாக மாறுவதற்கு ஒரு காரணம். இதுபோன்ற கதைகளை மைய நீரோட்டத்தில் சொல்ல முடியும். அட்டகத்தியின் வெற்றி என்னை மெட்ராஸ் படத்தை இயக்க வைத்தது.” என்று கூறினார்.

மெட்ராஸ் ஒடுக்கப்பட்டவர்களைப் பற்றியது என்றும், தலித் கண்ணோட்டத்தில் எடுக்கப்பட்ட படம் என்றும் வலியுறுத்திய பா. ரஞ்சித், நடிகர் கார்த்திக்கிற்கும் தயாரிப்பாளர் ஞானவேல் ராஜாவுக்கும் எனது பார்வை பற்றிய தெளிவை அளித்து அவர்களின் நம்பிக்கையைப் பெற்றேன். அவர்கள் அதைப் புரிந்துகொண்டு, எனக்கு ஒரு கமர்சியல் தளத்தைக் கொடுத்தார்கள். ரஜினிகாந்த் சாருக்கு மெட்ராஸ் பிடித்ததால்தான் கபாலி நடந்தது. சொல்லப்போனால், அவருடன் பணியாற்றுவதில் எனக்கு முதலில் சந்தேகம் இருந்தது. ஆனால், அவர் என்னுடைய அரசியல் பிடித்ததால்தான் கபாலியை ஏற்றுக்கொண்டார். பிறகு, மீண்டும் ரஜினிகாந்த் சாருடன் காலா நடந்தது, பிறகு சார்பட்டா பரம்பரை, நட்சத்திரம் நகர்கிறது, தம்மம். இப்போது, ​​தங்கலானுடன், வரலாற்றில் எனது இடத்தைப் பின்தொடர்வதில் நான் தொடர்கிறேன்” என்று இயக்குனர் பா. ரஞ்சித் கூறினார். அவர் தனது அடுத்த படத்தில் அட்டகத்தி படத்தின் நடிகர் தினேஷுடன் மீண்டும் இணைகிறார், அந்த படத்தில் ஆர்யாவும் நடிக்கிறார்.

விக்ரம், பார்வதி, மாளவிகா மோகனன், பசுபதி மற்றும் டேனியல் கால்டாகிரோன் ஆகியோர் நடித்துள்ள தங்கலான் திரைப்படம் ஆகஸ்ட் 15-ம் தேதி திரைக்கு வருகிறது. இந்த படம் டிமான்டி காலனி 2, ஸ்ட்ரீ 2, மற்றும் வேதா உள்ளிட்ட பல படங்களுடன் பாக்ஸ் ஆபிஸில் மோதவுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“